هَجَر الجَمال أوطانهُ وأسَتقَر بِعينِاك!.

البارت (20)

كان عساف واقف ومتكي على الطاوله ويضحك عليها وعلى حركاتها

وقفت رجوا ونزلت ببطء تطالع لعساف بصدمه وخوف من انه يعلم عليها بدت تتوتر من نظرات ومن الصمت اللي قاعد يصير

تكلمت بصوت مبحوح وخفيف : وش فيك
عساف بابتسامه رفع كتوفه بمعنى مافي شي
سحبت نفسها رجوا لشنطه الثاني وقفت عندها تطالع فيه وتطالع في الشنطه وجعت تطالع في عساف
وبصوت خفيف: طيب روح تفسح انت شكلك جوعان
عساف ضحك: لا ياعيوني انتي مو جوعان
رجوا حست بدقات قلبها وتوترت: انت وش فيك اليوم بعد قلت لك الف مرا لا تكلمني كذا
عساف ابتسم من شاف ربكتها وقرب منها: طيب ياعيوني وش فيك مرتبك كذا
رجوا رجعت على ورا: مو مرتبك هذا انا
عساف ضحك: طيب ليش الحركه هذا
رجوا وهي تسحب الشنطه الثانيه وتشوتها: اي حركه
عساف ضحك: بالله حركه وحده سويتها وانت تعرفينها زين
رجوا نطت من الكرسي على الارض: ماسويت شي انت شكلك تتخيل
عساف ابتسم : وش هالنطه ذي انتبه لا تطيرين بالهواء
رجوا: ه ه ه احلف
عساف: والله
رجوا:  من متى وانت هنا؟
عساف قرب من وجها ونزل لمستواها: من لما كنتي تشمين ريحتي في الشماغ
رجوا شهقت: مريض انت الله يقرفك هذا مو شماغك
عساف: على كيفك هي شماغي الله يهديك انا اعرفه زين
رجوا: عساف انت انهبلت وسحبت الشماغ من رقبتها تتاكد
مد يده عساف يأشر على اسم ماركه الشماغ : هذي الماركه انا دايم اشتري منها والشماغ شماغي
رجوا انحرجت وحست بحر من الفشله مدت يدها لعساف والشماغ بيدها
ابتسم عساف واخذ الشماغ من يدها وصد بيروح يجلس بمكانه وقفه صوت رجوا لف وجه عليها كانت منزل راسها وتناديه
رجوا بتوتر وبصوت خفيف: عساف
عساف وقف قدامها: وش بغيتي
رجوا رفعت راسها: عساف بقولك شي بس لو تضحك ياويلك
عساف ابتسم من شافها تتكلم معه طبيعي: ماراح اضحك قولي
رجوا: اسفه على كلامي امس
تغير ملامح عساف من تذكر كلامها وسكت يطالع فيها صد عنها يمشي
رجوا تجرأت ولاول مرا تمد يدها وتسحب عساف بقوه لحد ماصار وجه مقابل وجها :  ياعساف اسمعني عدل ترا انا الدعوه ماكانت من قلبي بس كنت اقول كذا عشان تبعد عني لاني مااحب حركاتك واسفه اذا جرحتك وخلاص ارضى

طالع عساف بيدها اللي كانت شابكتها بيده شد عليها وهو يقول : احد يقول ارضى لواحد زعلان
رجوا حست بيده : شيل يدك عورتي ياورع
سحبها عساف وشد عليها: خليني اعورها مثل ماعورتي قلبي بدعوتك ولا كان عندي اهل
رجوا: عساف قلت لك اسفه خلاص ياخي اسفه ليش تماطل
عساف: مااماطل يارجوا دعوتك ماكانت عاديه
رجوا: عساف ارجع اعيد انها مو من قلبي فهمتك كل شي بس انت بزر دلوع وسحبت يدها وراحت تجلس في مكانها

ابتسم وراح يجلس في مكانه ويكمل دفتره حق رياضيات
_____________________________

عند الجوهره بعد ماشرت من القصف وراحت تمشي تدور لها كرسي فاضي طاحت عينها على طلال اللي كان جالس لحاله وجنبه كرسي ابتسمت وراحت تركض جلست على الكرسي وقالت له بابتسامه : هاييي