رن جرس والكل كان يجمع اغراضه ويتوكل لبيته
طلعت رجوا والجوهره من الفصل ينزلون مع الدرج لباب الخروج
الجوهره وقفت في نص السيب ومسكت راسها: يوههه والله اني غبيه
رجوا: وش فيك
الجوهره: نسيت باقي لي فلوس عند صاحب المقصف لانه ماكان عنده صرف بالفسحه بروح اجيبها واجيك انتظريني
رجوا: زين استعجلي ترا بديت امل
الجوهره وهي تركض وتأشر لها بيدها: يلاا يلااا
رجوا كملت طريقها صرخ من حست باحد يسحبها مع يدها ودخلها يسكر الباب وراها ويقفله بمفتاح ويحط يده على فمها اشش
رجوا : دفته مع صدره شيل يدك عني يالورع
عساف: اجل طلعتي بنت وانا اقول هالملامح الحلوه مو ملامح ولد
رجوا برتباك: مريض انت وش قاعد تهذري فيه
عساف: واسمك رجوا عبد الرحمن بعد
رجوا: تجمدت من سمعت اسمها بصوته تنحنحت اعقب ولا اسمع اسم اختي على اللسانك ياكلب دفته وحطت يدها على مفتاح الباب
عساف حط يده على يدها نيته انه مايخلها تفتح الباب
رجوا: لفت راسها المقابل له تماماً وخر يدك
عساف وهو يقرب منها ويحط يده اليساار جنب راسها : ليش مو انت ولد وش فيك خايف
رجوا: شوف عساف انا قلت لك اللي عندي الكتاب كتاب اختي يالمريض ولو اشوفك تقول لطلاب اسمها لعنت خيرك
عساف وهو يضحك: رجال وماعندك شنب جديده ذي
رجوا: ليش ماتعرف اختراع اسمه مكينة حلاقه
عساف: طيب بعطيك فرصه اسبوع قدام ونشوف اذا شنبك بيطلع ولالا وقتها نعرف اذا انت رجال وقرب شفايفه من اذنها ولا بنوته مزيونه
رجوا: وقف شعر جسمها ودفت عسساف : اقول اقلب وجهك بس قال فرصه فتحت الباب وطلعت وحصلت الجوهره بوجها
الجوهره: بسم الله وش مطلعك يارج ..لمحت عساف طلع وراها يا يا زياد وش مطلعك من هنا
رجوا سحبتها : امشي بس امشي
عساف حس انه اقتنع بكلامها بس بشاك فيها ويشوف وضعها باخر الاسبوع
__________________________________________
بالشقه
الجوهره بعد مارجوا علمتها بسالفه: عساف اي واحد الطويل؟
رجوا: اي الطويل اللى مسوي فيها معضل
الجوهره: بس تبين الصراحه يحضك مرا وسيم
رجوا تركت الشغله اللي بيدها وتطالع للجوهره وهي مكشره بوجها : الله يقرف عدوك ياشيخه انقلعي عن وجهي
الجوهره: انا اعتقد المعلم اللى زياد معه مشكله معلم الدين
رجوا: لييش؟؟
الجوهره: ليشش؟ ياحليلك شكلك ماشفتي كيف يطالع فيك اول ماشاف اسمك
رجوا: كيف كان يطالع
الجوهره: مااعرف الصراحه بس كأنها نظرات قرف وحقد بس كيف ماانتبهتي له ؟؟
رجوا: الجوهره انا توترت مرا ماشفتي نظرات عساف لي وكأنه بيقول لعيال الفصل مرا خوفتني نظراته
الجوهره: مااعتقد انه من النوع اللى كذا
رجوا بضحكه وهي تقلد صوتها: ليش عشاانهه وسسيييمم
الجوهره: عناد لك ايي انقلعي يلا
رجوا وهو تضحك وتأشر بيدها: دقيقه دقيقه المعلم خلي عينك عليه وانا نفس شي بخلي عين على المعلم وعين على العله عساف
الجوهره: خلينا منه الحين في اغراض ناقصه مافي شامبو ولا معجون اسنان وبرضو لابتوب عشان المدرسه مافي خلينا نروح نشتري
رجوا؟ نعم والله مااروح اشتري كله هالاغراض في بيت ابوي بروح اجيبها منه الحين واجيك انت رتبي المطبخ على مااجي البيت يبغى له تنظيف عميق
الجوهره: طيب جيبي معك منظفات ومكنسه
رجوا وهي معطيه ظهرها لجوهره تمشي للباب: اللى اشوفه قدامي باخذه ماراح اترك له شي وسكرت الباب وراها
__________________________________________
في الاستراحه اللى ماكان فيه غير طلال وعساف
أنت تقرأ
هَجَر الجَمال أوطانهُ وأسَتقَر بِعينِاك!.
Romanceتقع جريمه قتل تهز ارجاء ثانويه العيال وسرعان مايتبين ان اخوها ضحيه تنمر وتتخذ قرار جريء مع ابنة عمها ويتخلون عن انوثتهم سعياً للانتقام ولكن يواجهون شله تشتت انتباهم ويصعب عليهم انتقامهم في البدايات.....
