هَجَر الجَمال أوطانهُ وأسَتقَر بِعينِاك!.

البارت (18)

رجوا: اصبري يا الجوهره بفهمك كل شي
الجوهره: اي انا كنت داريه يعني حركات انه يعطيك القاروره ويدلعك وش عنده
رجوا؛ ها وش قصدك؟
الجوهره:وشهو وش قصدي يعني انا اشوف انه يحبك بس كيف يحبك وانت ولد بالنسبه له عساف غير يعني مو من طبعه هالحركات راح يجيب الاسعافات ويعطيك ويشربك مويه بعد
رجوا حست براحه وابتسمت وهي تحمد ربها ان الجوهره كان تتكلم عن موضوع ثاني
الجوهره ضربت رجواا : ااخسسس يارجوا حبيناا اجلل ماقلت لك انه يحبك قلت ولا ماقلت
رجوا : إي حبينا الله يهديك ماحبينا ولا راح نحب عساف ماتعرفين حركاته يعني يسوي فيها طيب ساعتين وباقي الساعات العن منه مافي
الجوهره تأففت: يالله يعني خليني استانس شوي والله هو مهتم يعني يلا اقعنعيني بموقف المويه والاسعافات
رجوا : المويه حتى انا لو كنت مكانه بسويها له واما الاسعافات فهو طبيعي يخاف يموت ادمي عنده اكيد بينقذه

الجوهره: لا ياشيخه نمشي المويه بس ادمي يموت عشان جرح صغير اول مرا اسمع فيها ذي
رجوا: والله عاد كيفك انقلعي عن وجهي
الجوهره: اي حركاتك اذا انحشرتي قلتي انقلعي
رجوا: والله كلامك غبي مدري وش تبيني اقول
الجوهره: ماابية تقولين شي يخي استوعبي حركاته وبس
رجوا: انت شكلك مكثره روايات يالجوهره تكفين روحي عني
الجوهره: احسن خلك
_____________________________________

عند عبد الرحمن

عبد الرحمن: يعني كم يبيلنا شكلنا مطولين
فلاح؛ انا قايلك من زمان انه اسبوع على مانطلع موقع هالهندي
عبد الرحمن: ياليل ذا الهندي اللي نكبنا ورا مانروح ونمردغه مردغه عشان مرا ثانيه مايضيع جواله
فلاح: وانت وشدراك انه مضيعه يمكن متفق معاه
عبد الرحمن :يارجال مع جنبها مااتوقع يسويها بس انت اخلص علينا ترا ماصارت
فلاح: رجعنا لنفس الموضوع انت ماتفهم اقولك يبيلنا اسبوع
عبد الرحمن: امداني فطست وانت معلق على هالاسبوع
فلاح: اقول احمد ربك بس احدد لك موقع هالهندي
عبد الرحمن: اقولك انا ماني بصابر اسبوع سنه هذا مو اسبوع نروح ندور هالهندي ونسأله اذا مضيع جواله ولا متفق معاهم على قولتك
فلاح: ايوه يالغبي انت كيف ندوره وحنا مانعرف مكانه ولا شكله حتى ولا اسمه
عبد الرحمن: يوه ماقلت لك الا اسمه عبد الرزاق وحاط خشته بعد عشان كذا قلت مستحيل هندي ويهددني وهو حاط شكله ونصير ندوره في الحواري اللي قريبه من المدرسه
فلاح: وانا بقعد افر بيت بيت وحاره حاره
عبد الرحمن: كلها حارتين اللي يسكنون فيها العمال غالباً بس انت دلوع تبي تخاويني امش ماتبي انثبر ذليتنا
فلاح: يارجال انقلع لحالك وحط يده ورا راسه يتكي عليها ويتقهوى طلع عبد الرحمن يركب موتره ويحرك لموقع المدرسه
_____________________________________

عند الوليد وعساف اللي لازالوا يتناقرون بالشارع

الوليد: والله انا علمتك عاد تبي تخاويني امش ماتبي انقلع عن وجهي
عساف: بعد شف من يتكلم هذي وهي موتر والله ماتركب عليها الخلا بس
الوليد: اقول جيب المفتاح لا اهفك فيه الحين
عساف: موتري وكيفي مافي يلا
الوليد: موترك ولا موتر جدي مو شغلي انا حاجزه قبلك وسحب عساف مع ثوبه وهو يدخل يده في جيب عساف
عساف مد يده يمسك المفتاح ويد الوليد فك ياورع والله ماتاخذه
الوليد: اقول جيبه لا اعلم طلال عليك جيب عساف ياورع وش نظام المبزره هذا
عساف: حلفت والله انك ماتاخذه انا قايل لك يالبر ياالموتر مايتحرك من مكانه الوليد جاي بيرد عليه بس قاطعه صوت بعيد شوي التفت الوليد وعساف وهو مستغربين