هَجَر الجَمال أوطانهُ وأسَتقَر بِعينِاك!.

البارت(22)

راحت رجوا وهي خايفه انها تحصل احد قدامها ويكون سمعهم راحت بتجاه الصوت وهي تتلفت يمين ويسار تطمنت ان مافي احد وراحت للجوهره تأشر لها بعيونها وتطمنها ان مافي احد

دخل وهو يسكر باب الغرفه ويطيح بالارض مصدوم من اللي سمعه حط يده يمسك راسه وهو مصدوم ويحس نفسه بحلم ويضرب ثوبه وهو يقول: كنتتت داريي والله انييي كنت شاكك فيك كنتت شاك انك بنتت يالله كيف كيفف جرحتها بكلاميي كيف جرحتها ياطلال رصد على اسنانه وهو يشوت الشماغ بالارض ويمسح على وجهه مايدري وش الدبره وان كان قاعد يكلم ويتعامل مع بنت طول الايام اللي فاتت كان منقهر من حركاته معاها وانه كان يجرحها بالكلام بجهل منه انها بنت كان شاك بس ماحب يدخل عمره بسوالف زي كذا ابتلش في عمره انه خلا بنت تبكي والسبب كان هو  وقف يهدي نفسه ويحاول مايبين لها انه عرف ماينكر ان كان في شعور داخله يحس بفرحه ماتوصف بس كان يغلب شعور الندم والخوف من انها ماعاد تتعامل معه مرا ثاني ولا كان يدري ليش خايف هالقد اخذ نفس عميق وعد لثلاثه يفتح الباب بعد ماطول وهو بالغرفه دخل عليهم بالمجلس وجه منصفق جلس بدون مايتكلم

الجوهره: الوليدد مصلح ماقلتوا لي رأيكم بالحلا
مصلح: والله حلو يااحمد ماشاءالله عليك بدعت
الوليد: والله زي ماقالوا العيال حلو بس ثقيل شوي
رجوا ضحكت: حركات احمد ذي مايحب الا الثقيل
ضحك الوليد ولف يكمل طقطقه على جواله
طلال كان سرحان في الجوهره وهو يدقق في ملامح وجها وان كيف ماانتبه طول هالفتره انها بنت او تأكد رغم انه كان حاس وعنده شعور يقوله انها بنت بس تجاهله لانه مو منطقي بنت وفي ثانويه عيال ؟ ابتسم بدون مايحس

الجوهره طالعت فيه: وش تبي تتبوسم في وجهي
طلال سكت ينزل عيونه ويشرب قهوته
الجوهره: اكلمك انا
طلال: وش تبي
الجوهره: في شي يضحك بوجهي
طلال: ماكنت اطالع فيك لا تزعجنا
الجوهره: سبحان الله
طلال صد عنها يشرب وياكل من الحلا وهو ساكت

دخل عليهم عساف بصحن العشاء وهو يرمي السفره على رجوا ويقولها: سرريعع افرشها ترا بيطيح فوق راسك الصغير
رجوا فزت تسحب السفره وتفرشها
عساف ضحك ونزل الصحن اشر للوليد يروح يجيب الببسي والسلطه فز الوليد يجيبهم فتحت الثلاجه ياخذ السطله والببسي واكواب وراح يدخل المجلس وينزلهم ويجلس

اخذ رجوا تصب لهم ماعدا طلال تركته بدون ماتصب له
طلال ضحك ومد يده ياخذ الببسي ويصب لنفسه ويشرب وياكل

الجوهره كانت تبي ليمون بس ابتلشت لانه كان عند طلال وهي توها مسويه فيه حركه : الوليد عطني ليمونه
الوليد: احول انت عند طلال مو عندي
الجوهره طالعت بطلال: خلاص اجل
طلال رفع راسه يطالع فيها ويبتسم اخذ الليمونه يعصر لها بقوه
الجوهره لفت نظرها عروق يده البارزه ابتسمت : شكرا
طلال : العفو
عساف حس ان الجو غريب شوي بس كمل ياكل
رفعت ثوبها ومدت يدها تاكل
انتبه طلال لشامتها اللي كانت عند كوعها ابتسم ونزل راسه يكمل اكله
قام مصلح : الله يعطيك العافيه ياسوسو
رجوا لفت تدور مين سوسو ذي
عساف رد: الله يعافيك بس مااكلت شي تراك
مصلح: دقيت في حلا احمد الله يقلع بليسه
الجوهره ضحكت: عافيه يارجال
مصلح:الله يعافيك
رجوا : سوسو ؟ صار بنت مو ولد وكملت تاكل
الوليد: شف من يتكلم
طلال ضحك : مشكله والله
عساف: مو عاجبك الدلع غيران شكلك
رجوا: وش شوف من يتكلم وش فيني انا رجال
عساف ضحك وطلال مسك ماوده يطلع كل الرز اللي اكله لانه عرف انها بنت مو ولد
الوليد: صح عليك انت رجال
رجوا: ماكملت كلامي ذا اولاً ثانياً اغار من وش انت وجهك سوسو هذا حتى اسم قطو مايجي
عساف ضحك: وانت ليش يهمك وجهي شكله عاجبك
رجوا:من زين هالوجه عاد
الجوهره: مايهمه يطقطق عليك يالسبيكه
عساف: كل كل وانت ساكت ورع
وقف الوليد يحمد ربه على النعمه ويروح يغسل والجوهره قامت ولحقها طلال
اما رجوا كانت تدق بالنعمه
وعساف كان ملاحظ وساكت ياكل ويقطع لها من الدجاج وتسحب الدجاجه وتاكل
رفعت راسها وهي تاكل : عثاف
عساف طالع فيها ورفع راسه يضحك بصوت عالي: عيون عثاف
رجوا انحرجت ورفست عساف: كل تبن مانكلج يعني
عساف مسك رجله: اح والله طلعتي قويه
رجوا : انطم لحد يسمعك
عساف: وش تبين قولي
رجوا: الحين صدق هذا طبخك
عساف ابتسم : اي صدق ليش مو مصدقه
رجوا: من حقي مو مصدقه اول مرا يطلع منك شي حلو
عساف: يالجحوده اكلي عليك بالف عافيه
رجوا سكت تطالع فيه وترجع تاكل وهي تبتسم من كلام عساف ولاول مرا طالع فيها عساف يبتسم ويشرب ببسيه
_____________________________