هَجَر الجَمال أوطانهُ وأسَتقَر بِعينِاك!.

البارت(23)

طلال اخذ نفس عميق وبدا يتكلم: انا كنت رايح اغسل  عشان نتعشاء وقفت بعد ماسمعت صوت احمد وزياد وهم يتكلمون وكان صاير شي قسم بالله ماقصدي اتسمع عليهم وكنت بمشي بس سمعت شي خلاني اتجمد في مكاني بدون مااتحرك حتى
عساف بدا يشك في شي ويتوتر : وبعدين؟
طلال: مالك بطويله سمعت احمد  وزياد يهديه والمشكله مو هنا انه كان يكلمه كانه بنت !
عساف هنا ارتاح ان في احد غيره يعرف عندهم وبنفس الوقت خاف طلال يعلم العيال : كيف كانه بنت
طلال: احمد كان يشكي لزياد عن موقف صار له معي واني زعلته وراح زياد يقول العيال ماعليهم شره احمد بدا يبكي ويقول ليش تصارخين علي ! تصارخين ؟ ماقال تصارخ علي بعدين في ولد يلبسلك شربات ورديه ويبكي من موقف تافه زي كذا من زمان وانا ملاحظ عليه حركات ماتدخل المخ ان اللي قدامك رجال

عساف : اسمعني ياطلال حتى انا عندي كلام بقوله لك بس فكني من الزعل الضروف حدتني
طلال: مو مصدقني صح؟ اقلب وجهك اجل وقف بيروح يطلع
عساف سحب طلال يجلسه على السرير: طلال كملت كلامي انا بعدين ماقلت اني مو مصدقك وش فيك انت ؟
طلال: مدري عنك كنك مو مصدقني
عساف: كل تبن واسمع
طلال: اكله انت لحالك وكمل اسمعك
عساف: شكك في محله وزياد واحمد بنات ولا تعلم احد
طلال رفع حواجب وهو يفتح فمه : يعنيي انت تدري يالكلب!! ولا تعلمني! يعني هم بناتتت!!!
عساف: طلال! وش قلنا حنا ايي بنات!
طلال: ماعلي من اللي قلناه من متى وانت تدري؟؟؟!
عساف: لي يمكن اسبوع او اكثر بس
طلال شهق: بسسس! ياكلب وانا ماصار لي ساعه حتى وجيت علمتك
عساف: طلال! تجيك بنت وتقول لك بطلب منك طلب واحد واذا فيك ذرة رجوله نفذه ! وش بتقول لها !
طلال: مو عذر ياعساف!
عساف: طلال حط نفسك في مكان البنت كانت منهاره قدامي لاني غصبتها تعترف وانا ندمان على حركتي وقلت لها تم والموضوع ماراح يطلع وعدتها وعد رجال!
طلال سكت يطالع في عساف اقتنع في كلامه رغم انه كان زعلان

عساف: تكفى لا تزعل مني ياطلال انت تدري اني احبك وماارضى عليك
طلال: زين وش اسم احمد
عساف ضحك: اخس ليش؟
طلال: بتقول ولا كيف
عساف ابتسم: وش فيك ياخي امزح والله مدري وش اسم نسيته بس فيه حرف الجيم او الياء حوله
طلال: بالله اسالك عن اسمه تقول لي حرف جيم وياء تبيني اطبقك على وجهك انت
عساف: والله انا اللي بطبقك يعني يوم كنت تتسمع لهم معقوله ماقالوا اسمهم
طلال وهو يلعب بشعره: الا قالوه بس ماانتبهت له من الصدمه
عساف: وتبيت تطبقني بعد انطم بس اقول حتى انا ابي اعرف اسم العوبه الثانيه
طلال : نعم ؟ اي وحده تقصد؟
عساف: اقصد زياد بعدين وش اللي نعم ؟ تحبها انت ولا وش سالفتك
طلال تنحنح: لا وين في احد يحبه هالخكري وربي زعوله مرا
عساف ضحك: ليش كانت زعلانه منك
طلال: يخوي شفت شرباتها كانت ورديه وطقطقت عليها قلت انها حلوه يعني مدحتها وهي صدقت وانا كنت اطقطق بحكم ان اللي قدامي ولد يعني ماكنت صادق يوم قلت انها حلوه في شربات ورديه حلوه على ولد بالله
عساف: والله انك صادق بس زعلت على كذا هي
طلال: لا جتني مرا ثانيه ونرفزتني وطقطقت على شرباتها قالت مو توك تقول عنها كيوت قلت انت مخفه ولا عاد كلمتني يارجال حتى بالاونو طلعت تعرف تلعب بس خسرتني وراحت ترقص مع الوليد ومصلح
عساف ضحك: اشوفها يارجال انا مصدوم من جرأتهم يعني عايشين جو انهم عيال وندري كيف مايغلطون ويقولون اسمائهم بلغلط لاني كنت ادور الزله عشان اعرف اسم العوبه اللي عندي
طلال: ليش عوبه
عساف: شفت ثاني يوم لهم عندنا
طلال: اي يوم صفقتك
عساف: تعقب المهم شفت كتابها مكتوب عليه رجوا عبد الرحمن بن عبد الله
طلال: اسمها رجوا؟ من زياد لرجوا قويه
عساف: اسكت خليني اكمل المهم اني شفت اسمها وناديتها فيه عشان اختبرها يارجاللل البنتت كانت ساكته وهاديه ولا كانه اسمها! انا انصدمتت بس من هنا بديت اشك واخر شي قفطتها انها بنت ولحد الان تجحد ان اسمها رجوا مدري صادقه ولا تكذب
طلال: يارجال تكذب يعني واضح بنت في مدرسة عيال والكتاب مكتوب اسمه عليها
عساف: والله مدري لان قالت لي عندها اخت كبرها واسمها رجوا عشان كذا اقتنعت قبل لا ادري انها بنت
طلال: يعني وش اسمها
عساف: زياد
طلال ضرب عساف على راسه: اسمها الحقيقي لا تستغبي
عساف: وانا وش اقول من اليوم اقولك مدري بقره انت
طلال: اي رد عدل طيب والمزيونه اللي معاها
عساف: انت تفهم ولا ماتفهم اقولك مدري وصد ورجع يطالع فيه ويضحك مزيونه اجل؟ اي وضحت خلاص
طلال: وش اللي وضحت ترا حتى انت وضحت اجل تجيب لها بطانيه ومخده انت وجهك
عساف: لالا مالها دخل ذي مرا
طلال: الا الا خل عنك بس
عساف: قم شوف وش صار عليهم بس
طلال راح يفتح الباب ولف على صوت عساف وهو يقول له
عساف: طلال امانه لا تعلم العيال ترا البنت واثقه فيني
طلال: طيب تراك صدقت نفسك وازعجتنا  وطلع يروح لهم فتح باب المجلس بقوه وهو يقول وش صار عليكم بصوت عالي وقف وسكت وهو يشوف الجوهره سانده راسها على الجدار ونايمه