*القصة الاولى*
🖊ياسمين مجدي فريد
عائشة: تقبل الله يابابا
ياسين: منا ومنكم ياحبيبة بابا
عائشة: هتحكيلي القصة
ياسين: يلا بينا
*عائشة تبلغ من العمر 10 أعوام، اما ياسين شاب يبلغ من العمر40 عام، صبر هو وزوجته 5 اعوام لِكي يرزقهم الله بعائشة فهي ابنتهم الوحيدة، جلست عائشة امام والدها بعد الانتهاء من الصلاة ترتدي الاسدال متحمسة لسماع القصة*
ياسين: بصي يحبيبة بابا قصتنا النهاردة عن ماة بنت فرعون
عائشة: ممفهمتش
ياسين: زي ماما كده بتسرحلك هي كانت بتسرح لبنت فرعون
عائشة بحزن: اااه فهمت
عائشة بلماضة: ودي هنستفيد منها في اي دي
ياسين: نستفيد نسكت عشان نفهم ي لمضة
عائشة: اممم عظيم كمل كمل
ياسين: فيوم خلال سير النبي محمد صل الله عليه وسلم
عائشة: عليه افضل الصلاة والسلام
ياسين: في رحلة المعراج شم ريحة حلوة زي المسك بظبط طبعا سيدنا محمد كان عايز يعرف ريحة مين دي فسال جبريل عليه السلام فقالو دي ريحة مشاطة بنت فرعون دي ست وحدت بالله فالسر عشان محدش يعرف ويإذيها الست دي فيوم كانت بتسرح لبنت فرعون شعرها وقع المشط من إديها فقالت بسم الله وقتها بنت فرعون قالتلها تقصدي ابي قالتلها لا اقصد ربي ورب ابيكِ الله وهنا فهمت بنت فرعون انها موحدة بالله وليست موحدة بأبوها فقالت لفرعون وطبعا فرعون كان ظالم
عائشة: عمل اي؟
ياسين: فرعون جاب الست دي وقالها انتِ ليكِ رب غيري قالتلو ربي وربك الله طبعا فرعون يسكت لا راح حرقها هي واولادها ولما جه يحرق اخر طفل ذكر وقتها ان الطفل ده كان رضيع كلمها وقالها ياامي اصبري وتمسكِ بإيمانك يعني خليكِ زي مانتِ هادية ومؤمنة وقالها عذاب الدنيا اهون من عذاب الاخرة وحرقه هو كمان وبسبب ايمانها وصبرها على حرق اطفالها قدام عنيها وحرقها هي كمان ربنا رفع مكانتها وبقت من اهل الجنة وبقى ليها ريحة طيبة زي المسك لي؟
عائشة: عشان مخافتش من فرعون
ياسين: شطورة فضلت زي ماهي متمسكة بايمانها مكفرتش ولا قالتلو انت ربي عشان ميحرقهاش هي وولادها هي ضحت بنفسها وبولادها عشان تفوز بالجنة وهي افضل من الدنيا الاااف المرات
عائشة: الله ي بابا يعني مهما يحصل منخافش ونفضل ماسكين في دينا
ياسين: بظبط مهما حصل هنفضل موحدين بالله وطبعا فالزمن دلوقتي يختلف
عائشة: يختلف في اي؟
ياسين: ع ايام فرعون بيخافو يقولو انهم موحدين بالله اما دلوقتي الاسلام موجود عادي لكن الخوف هنا بقا اننا منصليش منلبسش اللبس اللي يرضي ربنا عشان ميقولوش علينا شكلنا وحش اننا منشتمش عشان حرام اننا منجبش سيرة حد بالوحش عشان مناخدش سيئات مش مهم ياعائش الناس تقول اي المهم نكون بنرضي ربنا ونخاف منه هو مش من الناس فهمتِ ياعائش
عائشة: فهمت ي بابا وانا مش هقلع الطرحة عشان صحابي بيقولولي شكلك وحش انا هلبسها عشان ربنا يكون فرحان بيا
ياسين: شاطرة ي حبيبتي
عائشة: هستنى تحكيلي قصة تانية
ياسين: ان شاء الله بكرة
عائشة: بجد
ياسين: بجد عشان انتِ شطورة وبتصومي وبتصلي وبتسمعي الكلام
عائشة: حبيبي ي بابا
*احتضن ياسين ابنته وهو يدعي الله أن يحميها*
