*اليوم الحادي عشر*
🖊ياسمين مجدي فريد
ياسين: كان وحشني اكلك اوي
عائشة: اه يماما والله
ياسين: تقصدي اي يابت
عائشة: لالا مفيش مفيش
خديجة بضحك: اعترفي ان مفيش زي اكل ماما
*نظرت عائشة لياسين وقالت بصوت خافت*
عائشة: الصراحه اه يماما
*وقالت بصوت مرتفع*
عائشة: اكل بابا تحفه
خديجة: اوماال
عائشة: بعيدا عن المعدة محضر قصة اي النهارده
ياسين: قصتين
عائشة: الله الله ياسي بابا يلا احكي
ياسين: كان عمر بن عبد العزيز رضي الله عنه معروفا بالحكمة وفي يوم من الايام، دخل عليه أحد أبنائه وقال له: ياأبتِ لماذا تتساهل في بعض الامور فوالله لو اني مكانك ماخشيت في الحق أحدا.
فقال الخليفة لابنه: لا تعجل يابني فإن الله ذم الخمر في القران مرتين ثم حرمه في المرة الثالثة، وانا اخاف أن اجبر الناس عليه فيرفضوه فتكون فتنه فاطمئن ابنه على حُسن سياسة
ياسين: عرف ان ابوه تصرفه ليس ضعف بل فاهم دينه كويس واننا مش صح نهاجم الغلط مرة واحدة لا لازم ننصح مرة واتنين بعد كده نبدأ ناخد موقف
خديجة: ماشاء الله
عائشة: جميل اوي يبابا ماتقول حاجه كوميدي زي امبارح وقولها بالبلدي كده عشان اضحك
ياسين: جحا كان فالدور العالي فبيته خبط الباب واحد فبصلو مالشباك فقالو ماذا تريد؟ قالو الراجل انزل تحت اكلمك نزلو فالراجل قالو انا فقير الحال اريد حسنه ياسيدي فجحا اتغاظ وقاله يعني تعالا ورايا طلعوا لحد فوق بعد كده قالو جحا الله يعطيك فالفقير قالو: ولي مقولتليش واحنا تحت فقالو جحا: وانت لي نزلتني ومقولتليش وانا فوق؟
*ضحكا كلا من خديجة وعائشة*
عائشة: جحا ده نكته
خديجة: والله بقالي كتير مضحكتش كده
ياسين: ربنا يديم ضحكنا
خديجة: اي رايكم اعملكو قطايف
ياسين: لا انتِ عملتي اكل بالعافية النهاردة
عائشة: سيبي المهمة دي علينا احنا
خديجة: ماااشي هقرأ انا فالمصحف عدا عليا اجزاء كتير وانا تعبانه
ياسين: ربنا يتقبل منك يارب ي حبيبتي يلا يالمضة نعمل قطايف
عائشة: يالا يابواللمضة
#حكايات عائشة وياسين
