*اليوم السابع*
🖊ياسمين مجدي فريد
*في المستشفى*
عائشة بدموع: ماما وحشتيني
ياسين: اللهم لك الحمد اللهم لك الحمد
*نظرت لهم خديجه وهي سعيدة لرؤيتهم ولكن لا تستطيع التحدث*
عائشة: هيا دي المعجزة ي دكتور؟
الدكتور: ايوا ياقمر انت ياصغير
عائشة: انا دعيت النهارده كتير اوووي وطلبت من ربنا يشفي ماما
الدكتور: واستجاب منك هتعملي اي بقا بعد مااستجاب
عائشة: اممم مش عارفه
الدكتور: عرفت انك بتحوشي
عائشة: ايوا
الدكتور: طلعي جزء من فلوسك دي لله
عائشة: هطلعهم كلهم بس اطلع لله ازاي
الدكتور: احنا فرمضان اكيد في ناس معندهمش اكل ممكن تساعديهم ولو بجزء صغير
عائشة: ماشي هروح اشوف هما كام واسال بابا ونشوف حد نساعده
الدكتور: ربنا يبارك فيكِ يارب
الدكتور: ياسين روحوا دلوقتي وبكرة تعالو فالزيارة
ياسين: ممكن تطلع امتى
الدكتور: بكره هنعمل تحاليل واشعة ونطمن
*قبل ياسين رأس زوجته التي فاقت ولكن لست واعية كاملةً*
عائشة: هجيلك بكره ياماما خلي بالك من نفسك
*عادوا الى البيت وصلوا ركعتين شكر لله*
عائشة: بابا عايزة اعمل صدقة شكر لربنا
ياسين: يعني اي؟
عائشة: عايزة اعمل حاجه حلوة عشان ربنا تقبل دعواتي ويكمل شفاء ماما ع خير
ياسين: عايزة تعملي اي بظبط؟
عائشة: نشوف مين فقير نجبلو فطار نساعده اي. حاجه انا محوشة استنى استنى
*تركته وذهبت ثم أتت حامله الحصالة وقامت بفتحها*
عائشة: هشوف فيها كام ونساعد حد
ياسين: وانا كمان هساعدك يلا شوفي كام سمي الله
عائشة: بسم الله امممم طلعو100 بس
ياسين: انا كمان هديكِ 200ونجيب بيهم اكل لمين لمين
عائشة: لمين اه في حد
ياسين: مين؟
عائشة: ماما لما كانت موجوده كانت بتساعد طنط سعاد جارتنا جوزها ميت وعندها 3ولاد اي رايك نساعدها
ياسين: نساعدها ان شاء الله بكره بنهار ننزل نجيب الحاجات
عائشة: اتفقنا
ياسين: هنجيب اي
عائشة: نجبلهم فرخة ورز وخضار وفاكهة
ياسين: بارك الله فيكِ يحبيبتي
*في اليوم التالي جلبوا الطعام للسيدة واعطوها اياه، ثم ذهبوا الى المستشفى وتحدثوا مع الدكتور واطمئنوا عليها*
الدكتور: هنتابعها كم يوم وان شاء الله تخرج اهتموا بيها علاج واكل لحد ماتتحسن
ياسين: الحمدلله يارب اكيد اكيد
عائشة: ماما صوتك وحشني اووي
خديجة بتعب: احلويتي ياعائش
عائشة بفرحة: الله ي ماما انتِ اللي زي القمر
ياسين: اخيراً قومتلنا بالسلامة
خديجة: اتغيرت ياياسين
ياسين: اتغيرت اي دول3شهور بس
خديجة: كإنهم سنين
ياسين: يومين بس كده وترجعي البيت وتنوريه ياحبيبتي
خديجة: اي دا بتقول كلام حلو ياياسين
عائشة: يااااه ده اتغير خاااالث
خديجة: اممم شطورة يابت ياعائش تربيتي
*تركوها بعد الاطمئنان عليها ومر اليوم بفرحة*
عائشة: يلا القصة القصة
ياسين: هحكيلك قصة حلوة اووي
عائشة: يلا بينا
ياسين: راجل بيقول ربنا رزقني بالبنت اللي بحبها، ورزقني أطفال منها وعرفنا نعلمهم ونربيهم صح، كان أكبر طفل عندي في ٦ إبتدائي اسمه « كريم » كنت طول الوقت بقوله أنا بحب اسمك، حاول تكون قده، خليك دايمًا أهل كرم، وجيت في يوم كنا في رمضان، بعت كريم للسوبر ماركت يجيب لانشون وبيض وجبنة، استنينا شوية ولاقيته داخل إيده فاضية، بقوله فين الأكل، قالي أصل الفلوس وقعت مني!
