*اليوم التاسع*
"احتفالا بالعودة"
🖊ياسمين مجدي فريد
عائشة: يلا يابابا
ياسين: جاي اهو
عائشة: محضر قصة حلوة
ياسين: محضر قصص احتفالا بماما
عائشة: الله الله قصص كمان لا نسمع بقا
ياسين: كان في راجل حكيم اعد وسط الناس فالقرية وقال نكته كلهم ضحكوا جامد وبعد نص ساعه قالهم تاني ضحك نص الناس بعد نص ساعه تانية قالها تاني ضحك ربعهم وقالها بعد نص ساعه تاني ضحك واحد وقالها كمان مره محدش ضحك
عائشة: ده راجل حكيم ازاي
ياسين: استني ع رزقك
عائشة: حاااضر
ياسين: وقف وقالهم بما انك وقفتوا ضحك ع نفس النكته بعد ساعان قليلة فلماذا تستمرون في البكاء على الجرح الى الابد؟
خديجة: عنده حق
ياسين: يقصد اننا بنعيط لنفس السبب سنين لكن بنضحك مرة او مرتين لسبب واحد برضو فهمتي ياعائش
عائش: فهمت ي بابا فعلا احنا بنحب النكد
خديجه بضحك: اروبة
عائشة: ها اي تاني
ياسين: قال رجل لجعفر الصادق: مالدليل على وجود الله فقال له: هل ركبت البحر يوما؟ قال نعم.. قال: هل عصفت بكم الريح حتى خفتم الغرق؟ قال: نعم... قال: فهل انقطع رجاؤك من المركب والملاحين؟ قال: نعم.. قال: فهل احست نفسك ان هناك من ينجيك؟ قال: نعم.. قال فإن ذلك هو الله تعالى
عائشة: رده حلو اوي
خديجة: القصص حلوة اوي ياياسين ماشاء الله
ياسين: في قصتين كمان
عائشة: امممم لا بقا كل ده عشان ماما
ياسين: هقولك نوادر وطرائف العرب
عائشة: اي داا
ياسين: حكايات صغيرة مضحكة ايام العرب زمان
عائشة: اااه تمام
ياسين: سرق اعرابي اسمه موسى صرة فيها دراهم ثم دخل المسجد يصلي فقرا الامام الاية "وماتلك بيمينك ياموسى" فقال الاعرابي: والله انك لساحر ثم رمى الصرة وهرب
*ضحكت خديجة ولاول مرة يرى ياسين ضحكتها منذ زمن*
عائشة: مفهمتش حاجه انا اضحك ازاي
ياسين: بصي ياست البنات واحد سرق كيس فلوس اسمه موسى دخل يصلي الامام وهو بيصلي قال اية قرأنية معناها اي اللي على يمينك ياموسي طبعا الراجل اتخض وقال انت ساحر رمى الفلوس وطلع يجري وميعرفش انها اية قرانية اصلا ملهاش علاقة بيه
*ضحكت عائشة ضحكة طفولية جعلتهم يضحكون*
عائشة: مفيش واحدة كمان
ياسين: اخر واحدة
عائشة: قول قول بس وضح عشان اضحك من اول مرة
ياسين: واحد كان بيسوق عشرة حمير فركب واحد منهم وعدهم لقاهم تسعه فنزل وعدهم لقاهم عشرة قال امشي واكسب حمار احسن من اركب واخسر حمار وفضل ماشي لحد ماوصل القرية ورجلو وجعته من غبائو عشان الحمار الناقص كان هو ركبه اصلا
*ضحكا كلاً من خديجة وعائشة وابتسم ياسين وضحك معاهم وهو يدعوا الله ان يحفظهم ويظل البيت ممتلئ بحسهم*
#حكايات عائشة وياسين
