අවාරෙක | ON HOLD |

07

මටත් නොදැනිම ඉදගෙන හිටිය පොඩි සෝෆා එකේ නින්ද ගිහින් තියෙද්දි කවුරු හරි මට රෙද්දකුත් පෙරවලා තිබ්බා... ඇහැරුන පාර වෙලාව බලද්දි අම්මටසිරි 5.30යි වෙලාව... ඇනෙක්ස් එකේ ඇවිදලා බැලුවත් කවුරුත් පේන්න නොහිටි නිසා මං කරේ රෙද්දත් නමලා පැත්තකින් තියලා අපේ ගෙදරට ආව එක... ලොකූනං නැගිටලා උයන සද්දෙ ඇහෙද්දි බඩගිනි නිසාම මං ගියේ කුස්සියට තේ ඉල්ලගන්න...

" චූටි මල්ලි නැගිට්ටද... මං ඇහැරෙව්වේ නෑ.. 4යිනේ නිදාගත්දි... "

මං කුස්සියට එද්දිම ආරෝශ් අයියා මට චූටි මල්ලි කිව්ව පාර මං එයාට ඔරවගෙනම පැන්ට්‍රිය උඩ වාඩි වෙද්දි අක්කා හැමෝටම කිරි හදනවා...

" එයා ඉතිම් හැමදාම නිදාගත්දි පාන්දර 3 විතර වෙනවා... තාත්ති කියන්නේ නිශාචරයා කියලා... "

" එච්චර වෙලා මොකද කරන්නේ එක්සෑමුත් ඉවරයිනේ... "

" මොනා කරන්නද ගේම් ගහනවා... සින්දු කියනවා... ඕවා තමා... ඊට පස්සේ උදේ මාව ඉස්කෝලෙට දාලා ඇවිත් ආය අපි ගෙදර එනකල් හොදට නිදාගන්නවා... ඔහොම තමා එක්සෑම් එකෙන් පස්සෙම මෙයාගෙ දවස ගෙවෙන්නේ... රිසාල්ට් ආවම බලමුකෝ නිශාචරයාගෙ වැඩ... තාත්ති කිව්වා හොනට් එකක් අරං දෙනවා කියලා හොද රිසාල්ට් එකක් තිබ්බොත්... ඒ නිසාම හැබැයි එක්සෑම් දවස් වලනම් හොදට පාඩම් කරා සෙට් එකත් එක්ක... මල්ලි දන්නවා ඇති ආශු මල්ලි එහෙම... සෙට් එකම එක වයසනේ... "

" දන්නවා අක්කි... සිරීපාදෙදිනෙ සෙට් එකම හම්බුනේ මං කිව්වේ අක්කිට... "

ලොකූ මගේ පට්ටම අරිද්දි ආශුව දන්නවා නෙහ් කිව්ව එකට ආරෝශ් අයියා දන්නවා සිරීපාදෙදි සෙට් එකවම හම්බුනා කියද්දි මේ මිනිහා අක්කට තව මොනා කියලද දන්නෑ කියලා හිත හිත ඉන්නකොටම චූටි කඩා පාත් උනේ නැතැයි කුස්සියට...

" අද තේ පරක්කුයි ලොකූ... කෝ මල්ලි බබා තවම නිදිද... ඉන්න මං ඇහැරවගෙන එන්නම්... "

මල හොල්මන වගේ කොටට කපපු කොන්ඩේ කූරු කූරු වෙලා තියෙද්දි ශෝටකට ටී ශර්ට් එකක් දාගෙන තේ ඉල්ලං ආව චූටි ඇහුවෙ මිරෝශ් ගැන වෙද්දි ඩයල් එක මගේ කාමරේ නිදි කියලා දන්න නිසාම මාත් කටපියාගෙන හිටියේ චූටිගෙ හැටි දන්න නිසාමයි...