صلوا على الحبيب المصطفى محمد صلى الله عليه وسلم ولا تنسوا الاعجاب بالقصه وترك تعليقات حلوه بين الفقرات وتصويت للقصه
يلا نبدا...
......
فات يوم زي اي يوم ثاني بتت انا ومنير وبابا خدينا حجره كملنا فيها الليله وانا الليل كله ما قدرتش نرقد بسبب الحريق وراسي يفكر هل لي علاقه بالمكالمه اللي سمعتها فالعرس؟! او ما ليش علاقه ج!
صوره وائل مش راضيه تفارقني هو يفتح في الباب لجود ليش هي مش فرحانه انه وائل طلع عايش ليش ما شكرتنيش اني حميته!🫤 طب ليش هم مع بعض☹️ من اللي معاها يومها🤔 في هلبه علامات استفهام في راسي مش لاقيتلها جواب 🤦🏻♀️اكثر سؤال هو ليش وائل مع جود🙄 ليش يفتح لها باب السياره ليش ما فكرش يرجع او يشكر😣 او ليش وليش وليش😤 كنت بجد محتاجه لحد يجاوبني عالاسئله هدي🤕 قررت اني حنبدا ندور على وائل🙂 بس قبل كل شيء لازم ندور حد في الدوله ثقه عشان لو صار شيء في المستقبل نلقى من يحميني اني وعيلتي 😒اني مش غبيه باش نخلي موضوع زي هدا يمشي بالساهل 🫤وسط تفكيري رن نقالي
الو
_: اهلين دكتوره رغد
من معاي
_: انشالله تكون لهديه عجباتك
هدية شنو
_: اوو شكلها ماعجباتكش ولا ما اترتش فيك بس نبي نقولك وقبل لا تقولي اي شي
انتي مني وشن تخرفي بالله بري كملي نومك ناقصني عاهات اني وسكرت علاها 😤ناس بيئه مايعرفوش التقدير نهائي
وصل مسج مكتوب فيه بالحرف الواحد
(اللي صار في مزرعتك هدا هديه بسيطه من وائل عشان مره تانيه تدخلي في مواضيع ماليكش فاها وقالك حت لو شفتيني في طريقك اتجنبيني المره هدي فالارض المره الجايه حيوانات اللي بعدها عيلتك وردي باالك من روحك)
😳😳😳😳
نصدمت من يلي قاعده نقراا فيه اطلعت من الحجره واني نحاول نتصل بس الرقم تسكر قعدت ماشيه جايه متناسيه كل شي يعني الحريق بسببي يعني بدل لا يشكرني يحرق ارض بوي شقاه وتعبه ادكرت ان ولد خالي اللي حظرت عرسه الليله يكون ضابط فالجيش الوطني ومرات يديرلنا اي حل بعتتله رساله
3:48(السلام عليكم ورحمة الله وبركاته سامحني ع قلة الدوق يلي عندي عارفه ان الليله عرسك وانك مش فاضيلي بس عندي موضوع مستعجل شويه لازم نشوفك ونحكو فيه)
قعدت قلبي مشغول وقالقه
ع4:37(ولو بنت عمتي انتي تدللي وين انتي تو نجيك)
ر4:38(ما تجيش لولا مكان ربع ساعه ونكون عندك)
ع(تم)
خشيت الحجره نوضت منير اني: جاني شي ضروري بنمشي مشوار ونجي لما ينوض بابا كان ما قدرتش اداري غيابي اتصل بيا
منير: رغد ردي بالك ع روحك مش نا قصنا بالله عليك
اني: تمام ماتخافش
طلعت وكلمت وحده من لبنات اللي تخدم نعرفها وصلتني للفندق اللي قاعد في ولد خالي لان هوا يسكن فوق العيله قرر يدير دخوله فالفندق واني قلقته
وصلت وخشيت للصاله متع الاستقبال لين جي عبدالمهيمن العريس
عبدالمهيمن: اهلا وسهلا رغد شغلتيني عليك خير شن في
اني: سامحني عبدالمهيمن والله عارفتها وقاحه مني نتصل بيك في وقت زي هدا بس الله غالب ظروف
عبدالمهيمن: انشالله خير 🙂
اني: الموضوع ومافيه اني في يوم............................
................... وهدي الرساله يلي جتني قبل لا نتصل بيك وعطيته النقال
عبدالمهيمن: لا حول ولاقوة الابالله العلي العظيم هدا كله يصير واني ماعنديش علم شن حال عمي يونس ومنير توا
اني: بخير الحمدلله وامي رجعت لحوشكم
عبدالمهيمن: شوفي يا رغد توا بنفتحو محظر بضد مجهول وبنديره بتاريخ اللي عالجتي فيه وائل وحنحط فيه كل المستجدات يلي قلتاها بس هدي يلي اسمها جود وحاضره عرسي وليها يد بالموضوع كيف ناس زباله هكي ليها علاقه بعيلتي
اني: مرات مش عيلتك مرات عيلة مرتك انت اسأل عالبنت واني حنمشي غدوه لحوشكم ندور صور العرس والفيديوهات لو لقيتلها صوره هناخدها ونجيبهالك
عبدالمهيمن: انشالله واعتبري المحضر نفتح لان هدا تهديد مش شي ساهل
اني: وراس وليد خالي الموضوع يقعد بينا لين نشوفوله حل
عبدالمهيمن: حت اماني مش حتسمع بيه ادللي
طلعت بعد لا حولتله كل شي لازم للمحضر ورجعت للمصحه مع نفس البنت
مارقدتش الليل بسبب وائل لتالت مره
الصبح جي الدكتور ورتبت الامور وجي بدر وتفاهمنا نمشو نجيبو امي بعدين نرجعو المصحه ناخدو بابا ومنير ونروحو حوشنا طلعت اني وبدر فالطريق
اني: شن الوضع لقيته فالمزرعه
بدر: معقول مش مضروره كله في جزء قريب النص مش واصل فيه الحرق
اني: الحمدلله ربك ساترها ديما
بدر: لكن في خبرين مش كويسات
اني: هات الاعفن فيهم هوا الاول باش نحس التاني عادي
بدر: راجعت كميرات المراقبه لقيت وائل ومعاه بنت نزلو تكلمو مع ولد الحاج فتحي اللي فالباب وبعدها ركبو وفاتو مافيش ربع ساعه وجت نفس السياره نزلو زوز ملتمين بدو يولعو فالنار فالمزرعه ولما صار لعياط طلعو والغريب من الباب مش هريبه
اني: وائل هوا يلي حرق المزرعه
بدر: هدي الكميرات مش اني قلت اهو تو بنروحو وتشوفي بعيونك
اني: كان في شي داخلي متمني انه يطلع كدب 💔والتاني
بدر: الفرس متعك بالفلو متعها ميتات شكلهم مستنشقات الدخان
اني: والباقي مافيش اضرار تانيه
بدر: بس هكي
اني: نطلب طلب
بدر: عارفك بتقولي خلي الموضوع بينا وماتحكيش ع وائل للحاج
اني: تماما 🥺
بدر: ما يصلحش بيك يلي اديري فيه
اني: اعطيني15 يوم بس بعدها برا اشكي ع راحتك
بدر: تمام يا رغد بس ادكري انهم خطر ع عيلتك وفي رقبتك يلي صاير لتوا نساير فيك لان عارف ماتاخديش في قرار الا بعد لا تكوني دارستيه ولليوم ما طحتيش لحد يارب ما تخيبيلي امالي
وصلنا لحوش خالي وكان زحمه ومتخلطه هدرزنا شويه والكل يتحمد بالسلامه لحد ما مشيت ل شيماء اخت عبدالمهيمن قعدت نقوللها نبي نتفرج ع صور العرس وكدا ف قالتلي ان المصوره تبي اقل شي اسبوع باش تجهز الالبون م واول ما يطلعو رح تتصل بيا وتقولي قعدت نسلك فالدوه سويعه وطلعنا خدينا امي وبعدها بابا ومنير وجهنا للحوش فاتو الايام الاولى تقيله مش قادره نستوعب اللي صار معانا ولا قادره ندير شي نمشي نخدم نروح نرقد وخف الهدرزه شويه بعد لا كان حديت كل جلسه وخاصه ان بابا ومنير شاكين ان اللي صار ليه علاقه بيا وبدر داس التسجيلات عالكل بعد اسبوع كامل من محاولاتي للوصول لوائل او اي معلومه عليه كلمني عبدالمهيمن وقالي بالحرف الواحد
عبدالمهيمن: هلا رغد شن الاخبار
اني: تمام بخير ع حطت يدك شن اخبارك انت
عبدالمهيمن: تمام الحمدلله بنقولك
اني: حسيت روحي توترت بعد كلمة بنقولك لان عارفه حيقولي شي عالموضوع نعم يا عبدالمهيمن قولي نسمع فيك
عبدالمهيمن: طالعين احني وعيت جدك وخالاتك ومالي مرتي بس بنخيمو فالحوازه تلاته ايام زي قبل شني
اني: والله يا عبدالمهيمن اني كان تعفيني منها تربح عارف جوي مش تمام ومختلطه عليا المواضيع وبجد ماعنديش جو لا نقابل لا نجامل
عبدالمهيمن: يا ودي اهي فرصه تتعرفي ع سماح وتشوفي جوها ودوق ولد خالك وتاني شي عندي ليك اخبار عالقضيه اللي صارت معاك نقولهملك
اني: تمام يا عبدالمهيمن خلاص كلم بابا وشن يقوللكم اني معاه
سكر مني ولميت اوراقي وشنطي وكان مزال ساعه ويتم دوامي ماله فاده نبي حد نرغي معاه نبي حد نحكي معاه نقوله شن في راسي بيتفجر خلاص
طلعت قلت ناخد قهوه بما انه مافيش حالات
خديت قهوه وقعمزت ع كرسي الانتظار قعمزت جنبي دكتوره حنان هدي دكتوره اطفال وزميله يعني مش صديقه هلبا ولكن في بينا شوي هدرزه
حنان: يا غاليه شخبارك
اني: بخير حبيبتي الحمدلله وانتي
حنان: اني الحمدلله يا وخيتي اهو خدمه وصغار وحوش وعيله وشيابين كان عندك نيه تصدعي تو نحكيلك😂
اني: يا وخيتي ربي يعينك شن حال سها و مها يا وخيتي استاحشتهم معاش ريتهم
حنان: ماشيه حال الغيره والقار ونقير اللي تجيب توامه تنتحر بالبطيء
اني: 😂😂يعينك ربي اهي درتي عيله في زوز بطون وتميتي يا بختك ربي يحفظهملك شوي يكبرو ويعقلو
حنان: يا وخيتي لبنات اصعب من لولاد اهم شادي وفادي والله مع بعض حت نعطي لحد حاجه يقسم ع خوه طول هما شي
اني: شوفي لمن طالعين
حنان: الولاد لخوتي والبنات لعماتهم لفعات😂🐍
اني: يعطيهالك وخلاص الباهي حطيه لخوتك والعافن دفيه للعمات 😒😂😂
حنان: والله نبصر غر ليك كدا يوم مش ع بعضك نغيرلك في جوك شن صاير معاك
اني: ولا شي بس المزرعه نحرقت وبابا ومنير انضرو شويه ومشاغل وهموم ااااه
حنان: الحمدلله على سلامتهم والله ما سمعت وتو شن حالهم
اني: الحمدلله احسن من قبل
حنان: والله ما تطلع الا عوينه حصنو رواحكم وربي يحميكم
اني: انشالله.........
فات الوقت بين ضحك وهدرزه حنان من النوع يلي قلبه طيب بس فاها عيب تفضح في عيت راجلها وين ما ماشيه تخلي فالناس يدعو عليهم 😂 ركبت سيارتي وروحت وصلت الحوش نسمع في صوت هدرزه خشيت لقيت ماما فالمطبخ تدير في لعشي ومعاها تهاني
اني: السلام عليكم
الزوز: وعليكم السلام ورحمة الله وبركاته ❤
اني: ست الحبايب بجلالت قدرها تدير فالعشي شن المناسبه
ماما: ياسر كسل نحس في روحي عندي نشاط مفرط لازم ما نستغله
اني: واني نغسل في يديا بعد لا تنيت كمامي باش نساعدهم انشالله خير شن ندير معاك
ماما: لا حطي من يدك وبري جنب بوك وانتي خودي حصتك غدوه بديريلي تلاته انواع حلو وتلاته انواع حار.....................
Aya_te❤
