صلو على خير الامه وشفيعنا وحبيبنا ونبينا محمد صلى الله عليه وسلم
حطو تعليق حلو ولايك وصوتو للقصه فضلا وليس امرا
.............
........
يلا نبدو
الساعه 4:12
الجو حلو وربيعي كنت اني وبابا قاعدين نلعبو في شطرنج وخلاص حركتين بس لو دارهم بابا حنقوله كش ملك واني في عز حماسي جت ماما وريحة الشاهي يلي جايباته معاها بالنعناع فايح مع ريحة كيك الزمني يلي لونه اصفر حاجه تريح النفسية
ماما: كان غر تلوحو عليكم اللعب وديرو اي شي تاني
بابا: باللهي الهي في روحك انتي حت بنشكر الكيكه يلي في يدك غيرت رايي
اني: خيرك يا ماما شن في من مزعلك
بابا: وين نعلم باها لاويه عليا شواربها من الظهر
اني: اممم معناها انت مزعلها اعترف
ماما: اي والله يبي يقطعني من عيلتي ومن الناس كلها هدا
بابا: اني لا بنقطعك لا سو قتلك انتي حره في حياتك وقراراتك لكن اني ما تجبرينيش ع شي
اني: اوووو شكلا الموضوع كبير احكولي
بابا: اونه امك تحكيلك
ماما: اماليا يا بنتي طالعين زرده كبيره وبيخيمو في حوازة بوي اسبوع وعزمونا ومعانا حت امالي كنت خوي الجديده وبوك قالي شي ما نمشي تبي تمشي اوني الباب
اني: باه وبري يا ماما مش ضروري بابا معاك
بابا: وهدا يلي قلته اني مريض وتعرفيني ما نحبش الخلطه الزايده
ماما: ومن بيرفعني ومن بيمشي معاي شن قزونه اني ولا ماعنديش صغار كل عيله ماشيه مع بعض الا اني نمشي بروحي ماهو
بابا: يا ودي خودي بنتك وولادك وبري
ماما: ولادك فرقة حالي كل واحد طالعلي بموال تحساب ما كلمتهمش وبنتك عندها خدمه ف من المستحيل نمشي بروحي وبدت تبكي الا اني ديما بروحي وعيلتي نشوف فيهم غر فالمناسبات وتقول مقطوعه من شجره نمشي بروحي ونروح وهما كل وحده بناتها محاديينها ماتعرفوش شن نحس اني معاكم حق
اني: نضت جنبها وبست ع راسها ولا يهمك يا ست الكل انتي بس قوليلي امت طالعين واني ناخد سيارة بابا ونمشو فاها ومش بس هكي وناخد اجازه عشره ايام مش بس سبعه
ماما: ضحكت وحضنتني سلم بنيتي الغاليه انشالله مانفقدك يا جابرة خاطري انتي
بابا: هههه غر هيا يلي تجبر في خاطرك
ماما: شافتله ع جنب وسكتت😒
اني: قوليلي امت طالعين باش نلحق نضم شنطه فاها حوايج ونشوف شن ناقصنا وشن دايرين حوش جدي هل حيجمعو فلوس او يقسمو ما بينهم القضيه باش نعرف
بابا: سلم بنتي اللي تفهم فالاصول
ماما: جهزي شنطتك وغدوه الصبح نمشو لحوش جدك ومن غادي نشوفو اللي يلزم ونديروه
بابا: تبي فلوس يا غاليه يا ضي عيوني انتي
ماما: 😊🫢مانبي شي يا غاليا انت كان سلامتك خيرك سابق
بابا: والله ما تتحشمي مني انتي الخير كله
ماما: ان شاء الله مانفقدك ويخليك ليا
اني: احححححم اح اح احوووو
بابا: باللهي مش كان تخلينا ناكلو هالكيكه الحلوه من يدين مامتك العسل وتخشي توتي شنطتك وتخلينا احسنلك
ع صوت ضحكت منير وبدر ميتين ضحك
منير: هوا بالتريس انتي بارده كان سكرتي فمك شويه راهو باسها ليش تخربي فالرومانسيه
بابا: ضربه بالشوكه من بعيد قليل ادب يا ولد الكلب شن هالدوه الواحد معاش يقول كلام حلو لمرته في وجودكم
ماما +: ميته ضحك عليهم ومتحشمه وبدر صايخ بالضحك خلاص خشيت اني ومنير وبدر ميتين قعمزنا فالصاله كملنا ضحكنا
بدر: اللي يشوف بوكم من بعيد مايتوقعاش يطلع منه هدا كله
منير: واني نقول الصياعه هدي كلها منين جتني
اني: لا انت صياعتك مجهود داتي
بدر: قصفاتك😂😂😂😂
اني: 😂😂😂😂احححو اححو الا قولي يا منير شن علاقتك بيسمين
منير: من يسمين
اني: بنت الحاج فتحي اللي يخدم عندنا شن معاش تعرفه
منير: تغير لونه ماعلاقتي باها شي علاش
اني: ولا شي بس سمعت شويه كلام بكري انك تحاول تتقرب من بعدت طرق وتتوددلها
بدر: حت بنت الحاج فتحي ما سلمتش منك لا حول ولاقوة الابالله العلي العظيم
منير: تلقاها اشاعه هيا مطلعتها عليا شن بنتوددلها هدي
اني: وبالاماره رافعلها في عيد ميلادها تورته صغيره للتانويه ومعاها سلسله دهب فيها فراشه ومعاها ايفون وعطيتها ربطه فلوس و...
منير: اححا انتي من يقولك فالكلام هدا
بدر: بما انك قلت هكي معناها صح حشم حالك وتقرا في تانويه كمان يا حبيبي والله انها قادراتك
منير: نبي نعرف من يقولك بس
اني: مش مهم مني بس نصيحه مني فوتها بأقل مشاكل البنت مش طيبه وعلي نياتها زي باها
بدر: وحت اني هدا رايي
اني: نستأدنكم بنوتي شنطتي بنمشي مع ماما
بدر:..... كمل كلام هوا ومنير....
..........
نجهز في شنطي ونحاول نحط ما يسدني لاسبوع رغم ان عبدو قالي تلاته ايام وبالكتير اربعه مش عارفه خطرلي فتحت نقالي وبعتت رساله لعبدو
ر(احم احم)
ع(صحه صحه خودي ميه شكلك شارقه😂)
ر(مش قتلي طالعين تلاته ايام)
ع(والله قبل بنمشو نخيمو كلنا لكن جدك قال حوازتي يعني امان وكدا قال خلوهم خمسه)
ر(اها يستر الله من قرارات جدك هدي عارف ديما يغير فالدقيقه ال90)
ع(😂😂صدقتي واللهي)
ر(معناها نتلاقو يا غالي)
كملت ترتيب الشنطه نادتني ماما نزلت
نعم يا ماما
ماما؛: تعالي موصيه منير ع حجات جابهم خشي ديريلي بسبوسة جالكسي عشان خالك مسعود يحبها وبسبوسة قشطه لمروان ولد خالتك نجاة طلبها مني وتشيز اللوتس لمحمد ولد عبدالرحمان ونبي كيكه بارده عشان عدنان مصماص الكرشه تعرفيه يحبها وديري معاك زوز كيكات وحده عسل طبيعي لجدك والتانيه شكلاطه للعيله نشربو باها قهوه
اني: اه يماما ليش هدا كله
ماما: ديري وانتي ساكته وماتنسيش ديري كميات كبيره وتخلي لخوتك منها
اني: هلبا عليا يا ماما
ماما: يا بنتي بلا سبل اونه معاك تهاني وتوا تساعدك اللطف اني في عمرك ندير في كل شي بروحي
بعدت عليا وهيا اتكمر بنات اخر زمن فالحين غر يتسبلو😒
قعدت ندير اني وتهاني ساعدتني وحت زينب لحقت معانا كملت بعد اكتر من تلاته ساعات طلعت من المطبخ وبوجهي للدوش دوشت وصليت ورقدت معاش نعلم بروحي وين اساسا 😴😴
...........
نسمع في نقالي يرن معاش بي يسكت
نضت من نومي متحيره رديت بدون لا نشوف الاسم
: السلام عليكم دكتوره رغد
اني: 😴نعم
: انشالله مانكونش ازعجتك بس
اني: اتفضل كيف نقدر نساعدك
: لازم ما نشوفك ونحكي معاك ضروري
اني: تمام مع السلامه😴😴😴😴😴
سكرت الخط وكملت نوم واني مش في وعيي تماما
ا
نضت الصبح متناسيه كل شي كأني فاقده للداكره جهزت روحي ونزلت لقيت امي مجهزه كل شي حت الحلو يلي درته فالليل مجهزاته نخلعت من كميه البضاعه والخرفان يلي يصيحو جنب السياره
صباح الخير😳
بابا: صباح النور
بدر: الخير كله بتاخدوه معاكم😂😂
ماما: هي يا بنتي رانا متأخرين بسببك كلمي حد يساعدك وطلعو هدا كله للسياره مش تنسو حاجه
بابا: ههههه اللي تنسيه نلحقهولك يا نوارة حوشي انتي
اني: بصوت واطي العشق الممنوع بدي هي نوض بدر ساعدني
توكلنا ع ربي عبينا السياره ومشينا حوش جدي ولقيتهم متجمعين الله يبارك خوالي وخالاتي وتفاهمو ع المكان وان اهل سماح مرت عبدالمهيمن بيلحقو الليل نظمو الاوضاع طبعا عيلة جدي كبيره وفي من خالاتي بأحفادهم وخوالي كدلك ف مستحيل نعددهم اللي حيندكرو فقط اللي ليهم دور في حياتي
نظمو الاولاد مطالب الرحله او الزرده وطبعا خدو من سيارتي البضاعه يلي رافعتها وحت ماما مكبره بيهم ورافعتلهم خروفين وكانت تحب عيلتها بشكل فضيع ونشوف فاها ديما تعطي في صغار خوالي وخاصه خالي عبدالرحمان اللي يعتبر اقل واحد فيهم من حيت الحاله الماديه والتواضع وكأﻧه مش من نفس العيله وخالي عبدالرحمان عنده تلاته بنات وزوز اولاد كبار وقالو ان مافيش سيارات ماشيات استغربت لما سألت قالو ان كل مره نطلعو يجيبو باصات ويركبو لبنات في باص والنساوين في باص والرجاله وهكدا والبضاعه يحطاها في سياره كبيره طبعا رفضت وقلتلهم مستحيل نركب يمين وحنمشي في سيارتي ولولاد تكنطو وكيف كلام جدي يمشي عالكل وين اني كلمته وافق ماما باعتني وركبت مع خالاتي واني ركبو معاي زوز من بنات عمي عبدالرحمان وخالتي سهام وكان الجو حلو الين ماقطعنا شوط مليح وسرعتهم تحت الميه طلبت من عبدالمهيمن يبعتلي الموقع واول ما وصلني شغلت الخريطه وطيران
خ سهام: نهارك عليك يا رغد من جدك
اني: استمتعي يا خويله بدون تفكير هما يمشو كالسلحفاة
فاطمه بنت خالي عبدالرحمان الكبيره: سعدودك تعرفي تسوقي
اني: بما ان قعدتنا مطوله لو حابه نعلمك عادي جدا
فردوس اختها الاصغر تقرا فالتانوي: اني نبي بالله عليك
خ سهام: هدا ما ناقص غر تتعلمو السواقه انتو غر لحقو تاكلو
نصدمت من كلام خالتي وحبيت نغير الوضع
اني: استمتعو يبنات وقويت الاغاني وكملت طريقي في سرعه وخالتي تعيط والبنات رغم كسرتهم فرحانات وصلنا المكان وكان قمه فالروعه
بما ان وصلنا قبل الكل ف خالتي ورتنا المكان وتعرفنا عليه وكان حوازه او مزرعه بس بدون زرع يعني شوي اشجار متمره ومساحه كبيره فيها استراحه كبيره فيها غرف تقول فندق ع دورين وفي جنبها صاله استقبال فيها مطبخ وحمامين غير الحمامات الموجود فالغرف وفيها حوض سباحه قدام وفيها جلسه للبلياردو وجلسه للكارطه وجلسه فيها مكان الشوي وقريب علاها طاولات اكل في بينهم مسافات ونفس الشي خلف الاستراحة بالاضافه لاشجار متمره فواحه تحيط بصور الاستراحه بس في نفس الوقت في مساحات كبيره فاضيه وفي اماكن تبنى نص تشطيب يعني تجولنا فالمكان قريب ساعه الا ربع وخالتي تحكيلي حكم اول مره نشوف المكان هدا بحكم اني مانخالطش هلبا فيهم ومش متع جمعات وهدا غير ان خالتي مش مقصره في تلويح لكلام ع فاطمه اللي بدورها تشوف للارض والدمعه تعبي عينها بعد ساعه وربع وصلو وطلعنا وين سيارتي ووقفت نستنى في جدي
نزلو كلهم وقفو واول ما شافني خالي باسط جاني
خ مسعود: لو سمعتي شي اسكتي وداترديش خوداها بروح رياضيه
اني: علاش بنسمع ومن منو تسخف انت
مشيت جنب جدي
اني: الحمدلله علي سلامتك يا جدي بجد الارض هدي تجنن والاستراحه خدت قلبي
جدي: هدي يا بنتي ورت مسيبهالي سيدي رحمة الله عليه
اني: فعلا يستحق ان الواحد يقول الف مره رحمة الله عليه بجد يا جدي ابدعت في التصميم متع البني بس في عندي اقتراحات وزع عليهم الشغل وتعالى نتمشى ونقولك
جدي: شافلهم اللي بدورهم مصدومين فيا كيف جدي ماعيطش وهوا كلهم يخافو منه 😂عدنان نضم الاوضاع ليل عليكم وابدو جهزو للعشي بعد اتمو وانت يا محمد تعالى معانا وشديت في يد جدي ومشينا
جدي: كيف حال بوك يا رغد
اني: والله قاعد تاعب يا جدي لكن نقولو الحمدلله
جدي: كان بودي انه يجي ويكون معانا
اني: الله غالب يا جدي والله حت هوا كان بوده لكن تعرفه ليه مده معاش يطلع ودابه داب الشغل والمزرعه
جدي: ربي يعينه حت هوا خسارته مش شويه محصول العام هدا كله نحرق
محمد: قدر الله وما شاء فعل المهم الانسان الباقي يتعوض
جدي: اي والله قوليلي
اني: نعم
جدي: مش ناويه تفرحينا بيك
اني: والله يا جدي اني فرحانه بروحي تبي تفرح معاي تفضل😂😂
محمد: 😂😂😂
جدي............ كملنا كلام عشوائي وكان كلام جدي بجد مريح ومحمد هادي ماسمعتاشي تكلم هلبا ومانعرفش ليش جدي ناداه معانا اصلاً
وين رجعت لقيت الاجواء واو بجد واو خيم منصوبه والاناره كأنه عرس الضي في كل مكان والدبايح في مكانهم والاولاد اللي يكسر في لحطب واللي يركب في الخيم واللي يولع في نار واللي يهدرزو واللي ينضفو فالمسبح حبيت فتت من جنب الحوض وكان فيه ولا خوالي وخالاتي كان فيه معاذ ومعاويه وانس ومروان ربي يعاونكم ولاد خوالي وخالاتي😂😂
انس: ربي يسلمك
معاويه: منوره
معاذ: نبي نفهم شي اني
اني: رغم ان واضح شن بتسألني لكن اتفضل اتحفني
مروان ومعاذ: في نفس اللحظه كيف قدرتاها
اني😂😂😂جدكم ولا السياره
مروان: جدي اكيد
اني: هدي وحده من فوائد انك تقعد محبوب وبعيد ودكي
معاذ: والسياره ليش السرعه هدي
اني: تسخف انت توا باللهي مش عار سياره 416حصان تمشي 100تي اني في جرتكم 60نمشي وراخيه قريب رقدت
معاويه: نبي لفه فاها بالتريس
اني: كان تبي تركب عاليمين ادلل😂😂
هاشم وهوا يكسر في لحطب: 😂😂نهايتها تسوقك انتايه
اني: لو كانت الانتايه اللي تحكي علاها اني صدقني حيكون ليك الشرف
خ عبدالعزيز: فعلا حت انتي بنت الغاليه ربي يحفظك
استأدنت وخشيت للاستراحه اللي بدورها كانت فوضى والميه طالعه من كل مكان وحملة التنظيف شغاله نحيت وشاحي ربطه في وسطي وبديت تنظيف مع باقي لبنات اول شي سيقت معاهم الغرف وبعدين عطوني مهمة مسح الغبره وتنظيف المرايات ولما كنت في الحجره اللي قريبه عالحمام نسمع في دموع قربت من الصوت نسمع
فاطمه وهيا تبكي: يا ماما ليش هكي عمتي تهين فينا شن دنبي انا
مرت خالي سناء: اتحملي يا بنتي الله غالب
فاطمه: انا مش متحمله اكتر من هكي بتصرفاتكم بتوصلوني للانتحار فديت اني خلاص وزاد صوت البكاء
سناء: ليش تسحني في كبدي يا بنتي ليش انا شن بيدي حل وما درته لكي وتبكي معاها وجعولي قلبي كملت تنظيف وكل شي وطبعا الميه كانت واصله لاخري وزعو الغرف وبما انه كل غرفه فيها سريرين وفي يلي اربع اسره اخترت غرفه فالدور الاول لشخصين وع اساس يختارو فيا معاهم للنوم اني احترت فاطمه مانعرفش ليش كلهم استغربو مني وقعدو يشوفولي لتاني مره في نفس اليوم وخلو غرفتين فاضيات لعيلة سماح بعد كملنا تقسيم غرف وكل شي خلاص ماما وخالاتي ونساوين خوالي كانو يجهزو مع خوالي فالعشي ولوازمه واحني طلعنا نجيبو في شناطي حوايجنا وللمره المليون فاطمه تدور ع كيسة حوايجها وما تلقاهاش ولما سألت خوالي والاولاد يلي حطو البضاعه لو شافو كيسه قالولها يلي طلعتوه جبناه واضحه في حد قاصدها بالدات سألت امها قتلها: اني وخواتك شنطتنا دخلناها بري البسي مع وحده من خواتك وياسر وجيج مش مشكله
سهام: قصدك الكيسه الكحله ليك
فاطمه: اها
سهام: والله جابتها مريوه بنتي نحسابوها كناسه خليناها فالجنان سامحيني الواحد مايعرفش انكم تحطو في كيس كناسه
اني: تعالي يا روحي ما دوري شي جايبه لبس بزايد نتشاركو فالدار واللبس ولا يهمك خديت شنطتي من سيارتي ونقالي وخشينا لغرفتنا طلعت زوز لبسات والنصيب انها كانت قريبه مني حت فالجسم هالبنت حبيتها وجعتني مانعرفش ليش رغم اني ما كونتش صداقات عميقه من قبل عطيتها سروال جينز اسود ومعاه سوريه طويله للركبه لونها بيج هادي ومعاها وشاح اسود وغيارات من عندي وطلعت اني سروال جينز ازرق ومعاه هودي اسود وخديت غيارات وخشيت للحمام اللي بين الغرف وخليت فاطمه تاخد راحتها دوشت ولبست وطلعت وخديت حوايجي معاي لغاية مانشوفو لو في غساله او شي خشيت الغرفه لقيت فاطمه جنب السرير وتبكي وعيونها متورمات واضح انها تبكي من لما طلعت من جنبها حضنتها 🫂 حبيبتي ليش تبكي
فاطمه: بس تشاهق
اني: تعرفي نحسابك قويه عشان هكي حبيتك
فاطمه: سكتت وتشوفلي
كملت اني مانحبش الناس الضعيفه مهما كان يلي صاير معاك لازم تتعودي تتجاهلي باش تقدري تكملي
فاطمه: بس انتي ماتعرفيش يلي صاير معاي
اني: ملاحظه من لما جينا مش عمياء لكن توا نوضي بنطلعو وفالليل لكل حادت حديت ناضت تغير واني طلعت مكياجي رسمت عين مع مسكارا بلاشر وروج نود واي شادو خفيف وبسيط وامممممواه يا اني لما بست روحي خشت فاطمه شافتلي وضحكت عليا
اني: اهو الحلو يعرف يضحك تعالي قدامي توا
فاطمه: ممنوع عليا المكياج
اني: تعالي مانوضحلكش بس نخفي احمرار عيونك ونفاخهم درتلها مكياج خفيف مسكارا وروج ناعم وخفيف يكاد يظهر اصلا وعدلتلها وشاحها ولفيت شعري ولبست وشاحي دخلته تحت الهودي ودرت الكبوس وخديت نقالي خديت سيلفي مع فطوم وطلعنا نكتلها اصلا اني مانعرفش شخصيتي المرحه امت طلعت ممكن لاني نسيت همومي بسبب جو العيله وتغيير الروتين بس حاسه اني بجد مبسوطه طلعت ولقينا لبنات حاطين جو العاله ويجهزو في كافي وعصاير مع الحلو اني بديت نسميلهم عالحلو يلي دايراته بسبوسة جالكسي عشان خالو مسعود يوبسبوسة قشطه لمروان ولد خالتي نجاة وهدي كيكه بارده عشان خالو عدنان وكيكة العسل طبيعي هدي لجدو حبيبي وكيكة شكلاطه للباقي العيله
اما هدا تشيز اللوتس هفوا طلب خاص لولد خالي الغالي والعزيز ع قلبي محمد شافولي طول يحسابو في شي 😂
مروه بنت سهام: يسلمو يديك مكلفه روحك بجد
صافيه بنت خ سميه: والله ماليه داعي هدا كله تعب عليك لو قلتيلي راني درت معاك حاجه
ابتهاج بنت خالي مسعود: كتر عليك الخير سلمها يلي مدكره بابا مانفقدوك لا انتي ولا عميمتي الغاليه يارب
اني صحتين عادي مش قدركم
خالي عدنان: يا ودي زايده معاك وخدي طاجينه وقعمز عالطاوله جنبنا وبدي يهدرز واحني نضحكو طبعا هوا الوحيد يلي مش متزوج خالي عدنان وكبوري شويه فالعمر لكن شخصيته حلوه اربعيني جذاب ومش واضح فيه ابدا بعد لا جهزنا القهوه والحلو بكل وقاحه
مروه: فاطمه وفردوس تعالو وزعو عالكل
اني: لحظه شن المعنى هما الزوز اهو كلكم فاضيين وزعو وحده منكم اهم خواتك جنات وتسنيم ناديلهم
مروه: بكل غيظ بس هما ما ساعدوش فالقهوه عشان هكي بس
اني: تمام هاتي القهوه وخودي يا فاطمه الحلا معاي بري دوسه حبيبتي ارتاحي تعبتي اليوم
بدينا نوزعو وكالعاده جدي قاعد ومعاه محمد وجنبه هاشم ومروان ومعاد ومعاويه واصيل واحمد عطيناهم قهوه وقعدت نوزع لكل واحد نوع الحلو يلي يبيه وصلت في محمد
اني: نح يدك
محمد: حس بلقطه اخي وبدي احمر جاني احساس ليش صغار خالي عبدالرحمان هكي متحسسين شاف لفاطمه وشاف لوطه
اني: اللطف اسألني علاش
مروان: اكيد خايفه عليه من السكر دكتورتنا
اني: لا يا خفيف لان دايرتله شي مميز محمد نكمل توزيع ونجيبه خدي مني معاويه السفره وكمل توزيع ع باقي الشباب والعيله مع فردوس اللي بدت حمرا واني مشيت جري طبعا حفيانه خديت تسيز اللوتس وكاشيك ورجعت لمحمد مفاجأة 😂😂
جدي: يا ودي هدا خبر جديد ما في من قبل يا بنت انتي
اني: هدا اسمه تشيز اللوتس يا جدي محمد يحبه عشان هكي درتهوله
جدي: تشتيز شنو الله يحن عليك الله ع ايام باسطي جداك الزمني بنه وصنه
اني: والله يا جدي واضح وانت الجلاكسي قتله هكي شبحه كان في خبر كان تقولي باسطي وزمني
جدي: امشي جنب امك وانتي لسانك طويل بري
بعدت واني ميته ضحك والاولاد كدلك ميتين ضحك معاي ع جدو ومحمد يشوفلي بيقول شي ومش عارفه مشت جنب خوالي مسعود وعبد العزيز وعبدالرحمان وكان معاهم اسلام وايمن وزياد واويس قعدت عالطاوله فوق بين خالي مسعود وعبدالرحمان بينما عبدالعزيز ومسعود وزياد واسلام ينزلو في سقيطة اللحم فالبرديم وزياد واويس يشوو في لحم 🍖ويهدرزو مع بعض
خ مسعود: والله لينا مده عليك
اني: الدنيا ملاهي يا خالي الله غالب والله مانفضى
عبدالرحمان: اي والله يا بنتي الواحد كان بيقعد ورا الدنيا يقعد عمره كله يجري ومش حيلحق ع شي
اني: الله غالب شن احباركم انتم خوالي والله استاحشتكم
اويس: حت احني والله في كل جمعه ندكروكم ليش ما جو بدر ومنير
زياد: ناقصتهم والله
اني: الله غالب مشاغل شن كان مش عاجبتكم نولي راهو😂اسلام: كلك بركه بنت عمتي خيرك
اني: البركه فيك ولد خالي 😂😂نزلت من عالطاوله هي نستأدنكم نساعد لبنات في حاجه
نزلت وشافني اويس حفيانه ف حلف عليا وعطاني شبشبه لبسته وطلع في رجلي نضحك زي البيبي يلي لابس كندرة امه
مشيت مع لبنات وخالاتي وطبعا مروه تشوفلي في شبحات يقتلو بينما اني نهدرز ونضحك وكلهم يحاولو يحكو معاي
اني: يا مرت خالي حنان
حنام: نعم بنتي
اني: وين عبد المهيمن كأنه عطل
حنام: ماتقولي الا وصلو
اني: اها تمام تمام
حنان: انشالله نفرحو بيك حت انتي ونبدو نستنو فيك في جمعاتنا معاك غاليك يارب
اني: هههه سلم حنونه الغاليه مشيت جنب فاطمه لاحظت انها عازله روحها من لكلام قعدت نهدرز معاها وكل شويه نطقهالها ونضحك بصوت عالي جكاره فيهم خديتها وقلت لماما
اني: ماما حني بنطلعو ندهورو شويه مش مبعدين
ماما: ديري بالك ع حالك بس
اني: بست ماما مشكوره حبيبتي وكلمي بابا راك تنسي
ماما: كلمته من لما وصلت راك فارحه
اني: الحب يا كبدي هيا بنات من بيطلع معانا
طلعو معاي جنات وفردوس وابتهال وسرور وسندس واسراء وصافيه ومحاسن
طلعنا ونهدرزو ونضحكو وندهورو فاتت اكتر من نص ساعه وبعدنا شويه شفت شي يضوي لمحته من بعيد وقفت ندقق فيه فتره وقرب للمكان معاش حسيت اني بعدت عالبنات وبعدو عليا............
يتبع رايكم فالتعليقات
