صلو على سيدنا محمد وعلى آله وصحبه وسلم
صوتو وخلو تعليقات حلوه
..........
.......
يلا نبدو---
تبعت الضو حسيت بروحي بعدت عالمكان يلي حني فيه وكان ليل وشويه ظلام مش دامس يعني تشوف قدامك مش بوضوح وكل مره تزيد تظلم اكتر ولو بنشغل الكاشف مش حنقدر نتبع الضو تلفتت بنكلم لبنات معاي بس مالقيتش حد كملت جيهة الضو حسيت خلاص لازم نرجع كملت بنفس الريق اللي جيت منها ريت واحد متكي ع شجره ويتكلم لابس اسود في اسود ف توقعت انه واحد من ولاد خوالي ضربت راسي معقوله تبعت ضي نقال زي المهبوله
اني: احم احم السلام عليكم
تلفت عليا وبسبب الرؤيه ماقدرتش نشوفه كويس وخاصه انه لابس كبوس مش واضحين ملامحه وعليكم السلام وقعد يشوفلي فتره وقرب دكتوره اهلا وسهلا
اني: 😳وائل شن دير هني
وائل: انتي شن ديري مش اني
اني: كيف بنتكلم جتني لحظة ادراك انه هوا السبب في يلي صار مع بابا قتله ماليكش فيه شي ما يعنيكش وجيت راجعه من نفس الطريق
وائل: غر استني شويه بنقولك شي قداش ليا نحاول نوصلك
اني: وقفت شن بتقولي المره هدي خديت روح بوك ولا شن وضعك بالضبط
وائل: 😒😳عيب عليك دكتوره بنشكرك بس
اني: اخر مره شكرتني فاها قريب مشو فاها بابا وخوي المره هدي مني عطيته بالظهر وكملت طريقي الين ما وصلت للاستراحه وكانو لبنات خايفين ويدورو عليا ومرعوبين يقولو لجدي حمدت ربي ان ما قالوش انهم ضيعوني خشينا مع بعض نضحكو والجو فيه ريحه ونسمه هاديه تجنن وبسبب الاضاءه غايب عامل الليل من عندهم لقيت سماح وعيلتها وعبدالمهيمن وصلو سلمت عليهم وتعرفنا كان عندها اخت تقرا فالتانوي نسرين وباها وامها وتلاته ولاد سلمت وقعدت مع باقي لبنات وماخافيكم ع صوت الضجيج اللي نعاندكم جدي يسمع فيه كأنه موسيقى وسعيد بيه شفت لقيتهم يهدرزو ويضحكو ويلعبو الشباب وخوالي وجدي مكسد بروحه نضت جيهة السياره طلعت الشطرنج وجيت لجدي
اني: حاج سليمان هي نوض يا غالي نهزمك شويه
جدي: هههه ماناقص غير فصعونه زيك تخسرني
حولنا لطاوله الاكل مع خالي عبدالرحمان ومسعود وكان منظم ليهم عبدالعزيز وعدنان وعمار اب سماح وقابلت جدي فتحنا الشطرنج وبدينا فاللعب وجو لبنات يشجعو فيا وكدالك في من ولاد خوالي زي مروان ومعاذ لازم من الحماس وجدي كان لعيب وخطواته مدروسه وخبره خبره قعدنا نلعبو في جو حماسي وجدي لعب لعبه غلط وخلا الملك بدون حمايه بينما اني خلاص بنهزمه قمت عيوني في جدي بنقول كش ملك محمد اشرلي بعيونه لا غيرت اللعب وهزمني جدي رغم اني الفايزه وارتسمت ابتسامة نصر ع وجه جدي مستحيل تتكرر
جدي: عمري مع هاللوح اطول من عمرك يا بنتي مستحيل ننهزم قدامك
اني: منك نتعلم يا جدي واني مبتسمه وقعمز خالو عدنان بيتحداني وهزمته من اول عشره دقايق وقعدو يضحكو عليه ومافيش من تغلب عليا بعد الشوط السابع خلاص مليت واني كيف بنوض ونخلي مكاني لحد يلعب قعمز قدامي وائل
وائل: هزمتي الكل جي دوري نهزمك
اني: رفعت حاجبي ومن تكون حظرتك
وائل: اني... وكيف بيكمل رد عبدالمهيمن هدا نسيبي خو سماح الكبير وائل
اني: معليشي واضح ماعندكش مستوى ف مش حنتعب روحي عالفاضي اصبر نرشحلك حد ممكن يكون من مستواك اممممم مروان تعالى تحداه
ماما: من بعيد رغووده تعالي نبيك
اني: اوبسي ماما تنادي مشيت اني والبنات وهوا عيونه بيطلعو
فاطمه: خيرك مع الولد مسكين حشمتيه
اني: مانحبش نعطي وجه للغرباء
قعدو لبنات سندس ونورس وتسنيم يتغزلو في خوت سماح لين وصلنا
اني: نعم يا ماما
ماما: خشو جهزو السلطات والطاولات خالك قال شويه وبيطلعو البرديم وعدنان وقيس واحمد واصيل دخلو المشاوي حطوهم في صحون
اني: حاضر يا ماما
خالتي حميده: يا رغد وراس بنتي بري لعبد المهيمن قوليله يعطيك صناديق المشروب خير ما ينساهم في السياره
اني: حاضر في حد مزال يبي من رغد شي
ماما: هههه يعطيهالك بعد لا تكلمي عبيد بري لسيارتك جيبيلي مغلف المعده منها عشان ناكل كويس😂
اتي: من عيوني شكلا ناويه تقضي ع كل شي الليله😂😂
طلعت برا لقيت عبيد(عبدالمهيمن) احفظوه عبيد ناديتله
اني: عبيد
عبيد: نعم
اني: ينعم عليك باللهي يا غالي قالتلك امك اللي هيا خالتي جيب صناديق المشروب من السياره
عبيد: تصدقي حق كنت ناسيهم تلفت عالشباب يولاد تلاته يجو معانا باللهي بالقدر ناضو محمد ومعاذ وهاشم وجي معاهم وائل
مشينا وخديت معاهم صندوقين مشروب دحطيتهم ع كتفي جي وائل خداهم مني: بري قعمزي ليش ديري في خدمة الاولاد
اني: انت شن قبل لا نكمل لقيته ماشي ومسيبني حاط صنوقين ع كتفه وصندوقين يلي خداهم مني في حضنه ومكمل ضحكت وكملت طريقي لسيارتي فتحت الشنطه الخلفيه طلعت شنطة صغيره متع الاسعافات وحاطه فيها علاجات مختلفه جبتها معاي للطواريء خديت منها امبرازول ومشيت كملت مع لبنات الطاولات وكانو الكميات كبيره الله يبارك قعمز الكل عالطاوله كنا حوالي50شخص او 65 ما اقل شخص يقرا في صف سابع واكبرنا جدي وجداي توزعنا عالطاولات وفي وقت يحطو فالعشي اتصل بدر كانت الساعه11:20 نضت بعيد عليهم قعمزت عالارض جنب الحوض وقعدت نهدرز
بدر: اهلا بالنسايه القاطعه
اني: اهلين بحبيبي يلي اطمن عليا مليون مره وقرفني عيشتي بمكالماته
بدر: شجو غاليتي
اني: جميل ياريتكم معانا
بدر: والله ما جوي الاختلاط وانتي عارفه
اني: كان هدا راك وازيت بنت من العيله وكبدت علاها والله اقارب امك كلهم طروف
بدر: انتي والله مخك الا فاصل شن حال امي
اني: والله تقول عمرها ما طالعه اللي يشوفها يقول عايشه في شقه مش حوازه والجو هدا عندها طبيعي
بدر: ربي يسعد قلبها والله لمة العيله ما تتعوض يا وخيتي
اني: معاك حق والله استاحشتكم وين الحقير الصايع
بدر: في داره
اني: بدر ارجوك رد بالك منه
بدر: ليش
اني: مش من عوايده الوقت هدا فالحوش
بدر: قال تاعب شوي شكله محصل برده بدايت قريب
اني: اعطيه مضاد يا ولدي ورد بالك منه
بدر: انشالله وخيتي من عيوني
اني: يسلمو عيونك الحلوين شن حال بابا
بدر: زعلان منك ماكلمتيشي
اني: حق والله لهيت مع لبنات
بدر: اي هدا غر ماعندكش نيه تمشي
اني: هههه جوهم مش عادي حت جدك خليته يلعب شطرنج بس يخساره خسرت
بدر: كدب
اني: عمدا ماقدرتش نربحه قدام الكل وخاصه انها زحمه
بدر: شهيتيني نجيكم
اني: الله لو كان تقنع بابا ومنير وتجو تبدا عيد
بدر: توقعي يجي بوك لانه فاد ومال من اول ي وم مش حيتحمل حت تلاته ايام باش يتحمل اسبوع
اني: ربي يخليكم ليا والله ناقصتكم الطلعه هدرزتله ع هلبا حجات وتفاصيل ونفختله راسه وفتت جزئية وائل.........................
بدر: شن ديري
اني: لما اتصلت كيف بيتعشو
بدر: امالا هي حبي ردي بالك على امك وروحك توا
اني: حت انت حبيبي دير بالك على روحك وطمني ع منير لو صار شي
بدر: في امان الله
اني: ليلتك سعيده 😍
سكرت المكالمه وجو في بالي هلبا افكار تعودت من الشيطان وكيف بنوض من مكاني نسمع في صوت عياط مشيت نجري لقيت خو سماح الصغير مراد متبزع ع رجله كانون لبياض وفوقه شاهي يركرك ساقه مسلوخ صبت عليه سماح ميه مصقعه مشيت جري للسياره جبت الصندوق ورجعت قعدته عالكرسي وقعدت عالارض
لبست قوانتياتي وطبت منهم يباعدو دارت الاجراءات زي التنضيف وحطيت فاشات علي الفقاعات وكونه مش عميق جدا الحرق ف يحمد ربي لفيت الرجل وعطيته مسكن خداه وقلتلهم ان بعد تلاته ايام يقدر يبدا في المراهم وعلاجها وطول ما اني موجوده حنغيرله كل يوم ونطمن علاها
اني: توا خليتكم تتعشو ولا شن جيبك للشاهي
شافو لبعض كلهم
مراد: احني تعشينا وكملنا وكنت رافع الكانون الصغير جنب الحاج سليمان قالي هاته
اني: شفت لماما حت انتو تعشيتو
ماما: اي والبنات حت بدو في غسل لماعين
اني: باهي وين عشاي اني🥺
ماما: وين ندري عليك نحسابك كليتي
عبيد: 😂😂😂انتي وين كنتي باش ماتعشيتيش
اني: كلمني بدر رديت عليه معقوله هالشويه مسحتو فاها كل شي
عبيد: شوفي ساعتك
اني: لقيتها12:47💔معقوله ماحدش استفقدني
جدي: الله غالب انتي عتابك عالنساوين ماحدش فقدك
جداي: حق والله الكتره تحرم الود وتنسيك
اني: خلاص شويه وبنبكي من الصبح بلا ماكله وتوا كلو لعشي عليا اخس بس يا مريومه تقول عندك ميه غيري الله الله ع يوسف ما يحط اللقمه في فمه لين يناديلي ويطمن عليا كليت
ماما: 😂😂البنت من الجوع نست اني امها
سهام: يا نويرتي ع بنتي كولي خبزه وجبنه😂😂
سماح: شكرا وخيتي ساعدتي مراد الله يفتحها عليك ويعطيك اللي تتمنيه وسامحينا تمينا عليك لعشي
اني: 🥺😭😭
كلهم: ميتين عليا ضحك
وائل و محمد في نفس اللحظه: خليتلك عشاك
اني شفتلهم والزوز شافو لبعض
جدي: كيف عرفتو انها مهناش وامها مالاحظتش
وائل: ريت الكل لاهي ياكل وهيا قاعده عالمسبح تتكلم رغم انها كانت مقعمزه لما يحطو
محمد: كنت نغسل في يديا داخل وسمعتها نازله في بنات عمامي وعماتي حشان عرفت حيفوتها لعشي ومش حتكمل مكالمتها
اني: ياسر دراما اصلا عارفه اني حناكل لحمه الليله يعني حناكل لحمه 😂😂😂
معاذ: والله يا عمتي بنتك الا متوحده مش كيف دايره روحها بتبكي رجعو قعدو زي ما كانو وخديت اني عشاي اللي مخليهولي محمد و وائل وائل كان قاسملي اللحم بيديه واضح ومافيشي ولا عضمه وحاط معاه رز وسلاطه وفطيره وريش وسيخ وحاط فالصحن خضرا طماطم وبصل ومغطيها بي فطيره ومحمد كان حاط موزه بعضمها ومعاها سلاطه وفطيره وريشه قعمزت عالارض نضت نجري للسياره جبت عسل كانت امي جايباته من المنحل متعنا لخوالي ودرت منه عاللحم متع وائل وفجأه خطر في بالي شي
اني: س سؤال
مروان: ج جواب
امي: كيف تعشيتو وانتو بس دايرين خروف واحد كيف قسمتوه
خ عدنان: قسمناه كل حد عطناه في صحنه نصيبه والمشاوي في بزايد
اني: معناها هدا مش نصيبي وهما ما تعشوش
عبيد: فعلا لان هما خدو وطلعو من الطاوله
محمد: اللي فيه النصيب كليناه صحتين
نضت عالطاوله تي وربي مانضوقه بروحي وانتو غر تفرجتو عليه هدا نصيبكم واني يلي نشارك فيكم مش العكس بدل مروان مكانه لوائل وجي جنبي ومحمد مقابلنا والعيله كلهم مقعمزين ويضحكو عليا قلتلعم متعوده ناكل مع رجاله عادي في دكاتره مخلطين والله مرات ناخدو في قهاوي بعض بعد يوم طويل خدمه الطاسه اللي تلقاها تشربها وماتعرفها لمنو ضحكو وقعدنا ناكلو وبالعسل طعمته غير ودرت دعايه لعسل بابا 😂كان موترني قرب وائل بس عادي كملت ماكله وشبعت بسرعه من اول خمسه لقمات خشيت بنغسل يديا لحقني محمد: احم بنقولك
اني: نعم حمود
محمد: شكرا عشان ماخسرتيش جدي امبكري
اني: هههه ولا يهمك منور عالعشي
محمد: بوجودك غسل وطلع واني خشيت الدار نحاول نعرف روحي شن ندير هدي مش اني بس بجد والله جو العيله نساني حت ليش جايه ليش بابا ما يخليناش ديما نطلعو هكي مرات اللي صايرلي من الكتم وقلة الطلوع تعودت من شطاني وطلعت برا وكانت الاجواء تجنن خوت ووخيات وضحك وهدرزه واني سرحانه معاهم ونبتسم مره مره
الساعه2:15 خشو خوالي وخالاتي وجدو وجديده قعدنا كان حني مع الباقي
هاشم: الجو بدي يصقع شن رايكم تخشو تقعمزو فالخيمه
فاطمه: حسيتها توترت من تفنيص محمد ليهما قالت اني بنرقد تصبحو علي خير
اني: خليك فطوم شويه ونخشو جميع انتو بتخشو برو اني لا
قاسم: لالا الجو مليح بردر خلينا وغمز لهاشم بمعنى اركح
اني: تصدقو ولاد خوالي وخالاتي ومانعرفش شن تشتغلو
معاذ: هههه وماتعرفيش خير
اني: مش عارفه ليش حاسه ان انت ومروان بالدات خاشين كلية محاسبه وفاشلين
صقر: 😂😂😂جابتكم بالمللي
هاشم: اني واسلام وايمن وايهاب نخدمو مع عمي عبدالعزيز في المعرض متعه
وعندك قاسم وقيس وزياد هدم يخدمو في شركات
معاويه كابتن طياره
معاذ و مروان هدو تعرفيهم محاسبه
اصيل واحمد هدم الزوز راسين في شيشه يقرو قاعدين في البحريه
ومحمد عسكري تبع النظام السابق وحاليا راقد عاطل عن العمل😂
اني: حسيته استهزء بيه والله يا محمد من لما ريتك هكي راجل وشخصيتك وبنية جسمك حسيتك الا عسكري لان النظام السابق كان ما يتبعوشي الا الرجاله
عبيد: حس ان الجو نشحن واني كهربته بدفاعي هدا شن يا رغد قالولي تعالجت الارض وبديتو تزرعو تاني
اني: الحمدلله طول ما الرزق في يد ربي ما يقدر حد يمنعه وشفت لوائل
وائل: خيرها مزرعتكم 😳
اني: ولا شي في سبب حقير شعل النار راحت ضحيتها محصول العام هدا ومعاه فرستي وفلوها
وائل: يعوضكم ربي خير منها
اني: تسلم
استمر الحديت ولاحظت هاشم يتقصد يحرج محمد واني ما هتميتش وفاطمه طول القعده ولا حس خشو كل حد مكانه واني استأدنت سماح في راجلها 😂 عشان نقدر نحكو في موضوع القضيه
بعد لا بعدت ع مكانهم كله قعمزت اني عبيد عالارض قدام الحوض
عبيد: والله ماعرفتك يا بنت
اني: علاش
عبيد: قبل لبنات يحكو عليك معقده وشايفه رويحتك
اني: وعندي حاله نفسيه ومغروره😂😂
عبيد: وربي هي شخصيتك اليوم اتبتت العكس
اني: لما تبدا متفرغ من المسؤوليات وماعندك شي شاغلك حتتصرف بطبيعيه انت عارف الالتزام بالدراسه وبعدها التدريب واني ماعشتش سني لان حت قرايه قريت قبل عمري يعني مع ناس اكبر مني بتلاته
سنين ف طبيعي نكبر بكري
عبيد: كل عيلتنا لما بيعايرو حد بتعليمه او قرايته يقولوله شوف رغد كيف عقلها كبير من يومه لكن حق والله معاك حق الضغط الا يخلي الواحد نفسيه
اني: يعني توا اني نفسيه😳😒
عبيد : لا والله حاشاك بنت عمتي ع قولت اسلام😂
اني: في شي لفت انتباهي حاليا🫤
عبيد: شن هوا انشالله خير
اني: شن في بين هاشم ومحمد
عبيد: في بينهم مشاكل وباللهي حاولي ماتخشيش فاها مش ناقصك
اني: شن دخلي نخش فاها غر نحل مشاكلي
عبيد: ريتك امبكري كيف تدافعي ع كل هجوم من هاشم والشي هدا يجيبلك وجاع راس
اني: ع فكره مش بس محمد اللي يتنمرو عليه حت فاطمه من غير خواتها
عبيد: هدا بروحه موضوع طويل
اني: نبي نعرفه لو مافيهاش خطر ع حياتك
عبيد: طويل وماعنديش خلوق
اني: حقا ع سيرت الخلوق شن صار في موضوعنا
عبيد: اعتقد انك شفتي الشخص يلي في قضيتك وعشان هكي خليتك تجي
اني: يعني كنت عارف انه نسيبك
عبيد: لما بعتيلي الفيديوات والصور والتسجيلات اي طول عرفت من اول ليله في حد ما يعرفش شكل نسيبه خيرك انتي قام نقاله بعت رساله في بالي انها سماح للامانه
اني: باهي شن مصلحته في حرق مزرعتنا وداير روحه بريء منها يا عبدالمهيمن اني فيش ضريته تعرف لو مش مني اني كان حاليا حيكون ميت ويعلم الله وين جتته ملوحه تعرف يوم لقيت كلبه فكرت مليون مره قبل لا ندير اي شي وقلت يلا يا بنت حاولي وفالنهايه واجب توصل بيه النداله لانه يهددني بعيلتي لا هكي هلبا يا غالي مانتحملش
وائل: فجأه تكلم من وراي معاك حق في كل اللي قلتيه فعلا لو مش منك حاليا الله اعلم وين حتكون جتتي وحنكون جته وياعالم شن وضع عيلتي وللأن ماعرفتش من ورا اغتيالي بس يا دكتوره اني لا حرقت مزرعتك ولا هددتك بعيلتك ومش من اخلاقي نرد المعروف بغدره اني حكالي عبيد ع كل شي وفتحنا المحضر اللي تبيه جميع فقط باش نحمي عيلتك وشفت الرساله اللي جاتك والله ماليا علاقه لا بالرساله ولا بالرقم وتفضلي تقدري تتأكدي وللمعلوميه شاورتك قبل لا نجي لو ممكن نتلاقو ونحكو او لا وانتي وافقتي ع طلبي عشان هكي جيت
اني: شفت لعبد المهيمن ليش تحكيله التقاصيل وهوا المجرم الحقيقي مش عيل اني ولولا اني داسه التسجيل متع كميرة المراقبه كنت حاليا شادينك بتهمه ما اغباني الزح نوتق فيك وانت تبري في نسيبك غباء وربي
عبيد: توقعتك تقولي هكي لكن حاولي تهدي وتجمعي اعصابك ونحكو بعد لا تهدي باش تعرفي ان حت وائل اكتر واحد يبي يفهم من طيحه واغتاله وانتي حاليا الخيط الوحيد اللي ممكن يوصل منك
اني: ريت هالشخصيه الامبراطوريه اللي بيغتالوها كلهم يحساب روحه عضو فالبرلمان
وائل: اني مش مهم معاك حق هي تصبحو ع خير ولو عندك بال تسمعي اني قاعد لغدوه وفي فرصه نتكلم معاك وفالنهايه القرار ليك ومشي وخلانا
عبيد: يخد فالاستخبارات الليبيه وغير هكي انه المسؤول علي مكافحة التهريب فالمنطقه الغربيه لما نقولك تهريب يعني كل الانواع وقود ادويه مواد غدائيه اي شي غير قانوني يتصادر ويتوقف فلهدا الكل يبيه يسيب ومادابيه يتخلصو منه مانحكيش بس تجار تهريب صغار لا حت روس كبار ومرموقين فالدوله ع اساس وهما اصل الفساد ولان وائل في من داعمه مش ساهل ينحوه من مكانه وقله بس يلي يعرفو لكلام هدا الاغلبيه زيك انتي يحسابوه مليشياوي ومتع دواوي فاضيه
اني: يعني شني توا يلي غالطه حرق مزرعتنا نشكره متلا لا بابا كان حيمشي فاها ولا شن الوضغ
عبيد: والله يا رغد انتي ادرى بتصرفاتك لكن خوداها مني واسمعي منه شن بيقولك بالك عنده اسباب لتواجده عندكم رغم انك متواجده في عرسي ولا خطيبته معاك اللي بدورها شافاتك فالعرس وتعرفت عليك
اني: قصدك البنت يلي ندور فاها...
عبيد: ع حسب كلام وائل لما حكينا البنت يلي مشت معاه كانت خطيبته
اني: كلي صدمات
عبيد: احكي معاه باش تعرفي الجواب لكل اسألتك بدل لا ضيعي فالوقت بأسألتك هني وللعلم مكانش يعرف انك بنت عمتي ولا حت تقربيلي
خش عبيد مع الاولاد الخيمه واني قعدت فتره بروحي وخلاص الفجر ع ادان خشيت لداري لقيت فاطمه راقده خديت توته وطلعت للحمام دوشت ولبست توتي كانت عباره ع سروال قطني باللون الازرق وتيشرتها شبيه بالهودي نفس اللون وفيه الاسود طلعت حطيت حوايجي فالدار وحسيت بالجوع طلعت للكوجينه ندور ع اي شي يتاكل واني نطلع في الجبنه من التلاجه نسمع في صوت هدرزه برا من باب الكوجينه قربت من الصوت نسمع في محمد يهزب في حد
محمد: مليون مره نقولك تقعدي جنب امك ماتطلعيش جنب صغار عمامك ولو صدف وطلعتي مع الحقير هاشم ماتقعديش في نفس المكان
فاطمه: اسفه والله طلعت مع رغد ماقدرتش نقول لا
وبعدين عمتي سهام مش مقصره في تلويح الدوه هيا وبنتها انوار
محمد: ماتفهميش في فيتي رغد حليمه لو بوك نفسه ناداك انطمري في دارك ياسر ما جاني منك
فاطمه: وصوت بكاها بدي يطلع اكتر واكتر
محمد: ما تجبرينيش نرتكب جريمه في واحد منكم ارجوك
فاطمه: 😭😭😭😭😭😭
محمد: خشي ارقدي وياسرك تلودي
فاطمه: كنت..
محمد: اقلبي رمتك من قدامي
خشت فاطمه وطلعت اني
هي انت مش اسلوب بني ادميين هدا اللي تتعامل بيه مع اختك غيرت فكرتي عليك كليا
خشيت قبل لا يرد عليا اي كلمه وطول لفراشي والنوم مش ناقصني مشاكل اللي فيا ساد ونرقد ع طول.................................؟.......
يتبع
رايكم فالتعليقات
