فتحت دار منير نشوف في كل شي متكسر عطوره مرايته الدار في حالة فوضى مش طبيعية وكان راقد ع سريره والدم نازل من يده لين جاف قربت منه نجري لقيت الحمدلله قاعد عايش من شكل الدم واضح ليه وقت طويل حاولت نوضه مباش جبت عقمت جروحه ونظفتهم وربطتهمله ركبتله تغديه وكلمت بدر جي معاي حولناه لدار بدر وكلمت سميه تجي تساعدني فالفوضى متع منير
اني: كيف خوك هكي صايرله وانت مش في علمك
بدر: بعد لا مشيتو فرحان وجوه يطبق حت انه خش بيرقد بكري وماعنداش جو للسهر وبعدين تعشيت اني وياه وبوك وطلعت مع جماعتي ولما كلمتك امس هداك الوقت هوا خش رقد ومن بعدها معاش بي يطلع
اني: يستر الله فالقصه هدي المهم درتلكم فطور اطلعو افطر مع بوك نحي التغديه ونجيك اني وياه
نحيت التغديه وقعدت جنبه حوالي 10دقايق ربع ساعه بدي يصحصح ويفيق
اني: صباح الخير
منير: كأنه يستوعب اللي قاعد يصير صباح الخير
اني: شن حالك توا شن حاس
منير: شاف ليده
اني: توجع🙄؟؟
منير: لا بس انتي شن جابك
اني: كيف شن جابني
منير: مش كنتو طالعين اسبوع
اني: تعرف ماشاءالله ومتدكر
منير: 😒😤
اني: خيرك تشوفلي هكي باللهي قداش عمرك باش تدير حركات المراهقين هدي
منير: اطلعي من داري
اني: مع الاسف مانقدرش نحققلك مساعيك لانها ببساكه دار بدر مش دارك
منير وقف وكان مش متوازن وكأنه دايخ ولما جي بيطيح سندته ارتاح حاليا وبعد لا تستعيد شويه من صحتك وتوازنك نبي تفسير رجعت رقدته عالسرير وغطيته وبست ع راسه وطفيت الضي وطلعت لبابا وبدر اللي كانو يستنو فيا
بابا: وين قالي بدر جايه نشيطه وحيويه زايده
اني: اي استاحشتكم قلت نجيكم
بدر: ياعمري والله الحوش بلا بيكم ما يسوى
اني: باش تعرفو قيمتي بس وقلبت عيوني
بابا: ههههه بنت باها في كل شي
اني: تربايتك عاد يا بابا في موضوع لازم نحكو فيه
بابا: قولي
اني: يا بابا انت عارف لما صار الحريق اللي طلع في الكميرا هوا وائل
بابا: اي قالي بدر
اني شفت لبدر بمعنى صحيت هدا غر بينا وكدا
بدر: ماتشوفيليش لان وائل جي فاليوم يلي مشيتي فيه انتي وامك للزرده وضح موقفه وفهمنا انه تعرض لكمين وماليشي علاقه فالحريق يلي صار مجرد صدفه
اني: امت جي وعلاش 😳😳
باهي تعرف ان هوا خو
بابا: نعرف انه نسيب عبدالمهيمن الولد نظيف وكويس وما دس عليا شي وللصبح كلمني وهدرز عليا
اني: مصدومه ومن وين ليه الجرءه هدي كلها يجي لعندكم
بدر: والله طالما جي وتكلم وبرا دمته يعني بجد ماليشي فاللي صار
كملنا كلام ع وائل وهدرزنا في عدة مواضيع درت زياره للمزرعه والحيوانات وفات اليوم عادي جدا..
اتصلت بيا ماما بعد المغرب اطمنت عليا وعالحوش وخوتي وقالتلي ان الكل وجدي يسألو عليا وفقدوني ومن وسط الكلام قالتلي لو تقدري تقنعي خوتك يجو معاك ماتقصريش خلي يغيرو جو
جت في بالي فكره منير نفسيته تاعبه والسبب مجهول واضح عليه المرض وبدر كدا كدا مش حيمشي يشتغل والوضع مع خوه هكي وبابا ساهل اني نقنعه
الساعه8:30
نوضت منير وطلعت اني وياه للصاله لقينا بابا قاعد وبدر يلي كان بيطلع
اني: بابا في موضوع شن رايك تسمعني
بابا: انشالله خير
اني: هي ارجعو معاي غدوه للمورعه والله الجو حلو وجدي طول الوقت يسأل عليكم وحت خوالي
بدر: شافلي واشرتله ع منير سكت
منير: لالا اني مادورونيش برو وين تبو
اني: علاش اقل شي غادي تغير جوك خير من راقد طول اليوم
بدر: حق اقل شي نغيرو جو واكيد دايرين غادي فعاليا وخاصه اني ولاد خوالي وخالاتي ليا مده عليهم
بابا: لو كلكم تبو هكي خلاص غدوه انشالله نجهزو ارواحنا ونمشو ونديروها مفاجأة لامكم ماتقولولهاش
اني: فرحت لان جدي يحب بابا بس من سوء تفاهم فالماضي خدو ع بعض صوره مش منيحه اني اكيده ان حتتحسن العلاقه
دارلنا بدر العشي واني ومنير ع اساس نساعدو فيه باش يطلع من المود متعه
وبالفعل بدي يضحك شويه وتعدلت نفسيته تم اليوم ع خير وطلبت من بدر يرقد مع منير في نفس الدار ورقدت اني فالصاله عشان لو صار شي نسمع بحكم داري يعيده عليهم
ماقدرتش نرقد واني نفكر شن السبب يلي يخلي وائل يجي لعيلتي ويبرر ولو عنده علم بهدا كله ليش طلب يكلمني ويحكي معاي اسأله اسأله ونوم هرب الين الفجر صليت ورقدت للواحد نوضني بابا قالي مش بنمشو ركبت لداري دوشت وصليت غيرت حوايجي وحطيت لبستين فالسياره ونزلت شفت خوتي منير واضح انه مضايق وبدر عادي ركبنا في سياره وحده بدر يسوق وبابا بجنبه ومنير مقعمز واني راقده ع رجله ونلعب بنقالي لان قاعده نبي نرقد مشينا ما يقارب نص الطريق بديت نشعر بالجوع بديت نقنق ع بدر نبي ناكل مالقيناش حت مقهى او سوبر ماركت بعد عناء طويل حصلنا محل صغير نزل بابا جابلي شكلاطات وعصاير وحلوة مصاصه 🍭😂 كليت وصحصحت ولعند وصلنا للاستراحه واني ناشب في منير اللي بدي يتفاعل معاي ويضحك شويه
وصلنا قريب السته اول ما وصلنا لقينا الجو شويه مشحون كأنه كان في مشكله وبالمجمل معروف من يلي دايرها سلمنا عادي استقبلونا استقبال حلو بس فجأه في نص السلام تطلع حور وهيا تنادي ع سماح
حور: سماح تعالي اعطيني الشحن شحني مباش يشحنلي
اني: كانت بمتابة صدمه هدي شن دير هني
سلمت عالكل وبما فيهم حور اللي كانت صدمتها مش اقل مني
سماح: هدي خطيبت وائل خوي وفي نفس الوقت بنت خالتي
اني: اهاا كويس (طبعا فالعاده نقول بالجوده او تشرفنا بس ما تشرفتش بجد)
حور: اهلا وسهلا تلاقينا من قبل قالتها وهي تبتسم
اني: اني نشوف في اعداد كبيره يوميا لو مش شخص مهم ماندكراش سوري منك
وفتتها باستحقار كبير وكملت طريقي للبنات وماما
ماما: شفت بوك حت هوا معاكم كيف اقنعتيه
اني: هوا مستاحشك ومش طايق بعادك اني عرضت الفكره وهوا وافق طول اصلا
ماما: الله الله ع طولة لسانك
خالتي نجاة: يحليلها
اني: قولولي خيره جوكم متكهرب اول ما وصلت وفاطمه وين ما قابلتش
ماما: ماما فاطمه راقده في دارها مافي شي مهم وغمزتلي بمعنى اسكتي
خشيت داخل وخشو معاي اماني وتسنيم ندردشو فالطريق
تسنيم: تصدقي توقعتك معاش تجي
اني: علاش
تسنيم: ماهو محمد غلط عليك فالدوه وعشان هكي انتي تحججتي وروحتي
اني: دن قاللكم لكلام هدا
تسنيم: بمجرد ما مشيتي اصيل واحمد حكولنا وجدي هزب محمد وصارت عركه
لان خالي عبدالرحمن قعد يتأسف من امك
اماني: وتعاركو محمد وهاشم ومحمد ضرب فاطمه مسكينه
اني: علاش هدا كله وين خوالي من المهزله هدي
اماني: لكلام هدا صار امس بعد لا روحتي لقاها محمد في خيمة لولاد بروحها ومعاها هاشم واما جدي وعمامي ف هما ماسمعوش بالموضوع اصلا وكلتها في روحها مسكينه
تسنيم: وخلي انوار تشمتت فاها وماخلت مادارت فيها
اني: وماما وخالاتي شن كان ردهم
اماني: ماحدش سمع منهم
اني: واو عيلة مشاكل قوليلي المناظر هدي شن جايه دير هني ع اساس زرده عائليه
اماني: ع من قصدك
تسنيم: بلا غباء مافيش حد براني الا حور واضحه
اماني: اها هدي جت مع وائل خطيبها قالت مكتئبه قالتلها سماح تجي تغير جو
اني: لما قالت اسم وائل حسيت بشي خنقني في شي غلط بس عديت مشينا لفاطمه نوضناها وغيرنالها جوها وحكتلنا ع كل شي بينها وبين هاشم وكانو الزوز متفاجئين زيني واكتر اول مره تحكي لحد وتعاهدنا نحلو الموضوع بينا بدون لا حد تاني يعرف بالموضوع
تسلت وغيرت وطلعنا سلمو ع بابا وخوتي قعمزنا احزاب المره هدي مش زي اول يوم كلنا مع بعض هما عالطاوله واحني مدينا فراش جنب المسبح ودرنا قهوه وسامينسا ونهدرزو ونضحكو ونسجمنا مع بعض بعد شويه جي منير ينادي عليا
اني: نعم حبي
منير: بالتريس فاد وجعان
اني: خيرك متحشم خش للكوجينه ودير موضوع ولا تعالى هدرز معانا
منير: هكي تقولي
اني: تي اي هدو يلي معاب جوهم يطبق وتباها تختم نادي ع مروان ومعاذ فيما درنالكم سندوتشات
مشيت اني وفاطمه وقعدو اماني وتسنيم درنا سندوتشات 🥪 جبنه وهريسه وهيا طيبت الشاهي
وطلعنا الجو كان يجنن خاصه مع مروان ومعاد كنت متأكده ان منير حيتغير جوه خلطنا عليهم ولقيت منير ميت ضحك وتسنيم بدموعها
م
