هديكا الليله حسيت بالكسر لاول مره في حياتي وما كنتش اني لاني طبيعتي ماحدش يتجرأ يلوي دراعي بشي لاني واضحه لا نلف لا ندور ولا نكدب ماننكرش اني كنت حاسه بشي تجاه وائل مانعرفش نحدده بس الطريقه مش ليا ماتمشيش مع اسلوبي فيها نوع من الاهانه قبل شهرين كان يحظن ويبوس في بنت تانيه وكان دايب فاها وتوا يقولي تزوجيني مش مهبوله اني اكيد مش ع طبيعته والمخدر اللي عطيتهوله خلاه يهلوس نضت جهزت شنطي ولبستي يلي بنلبسها وخشيت سريري بنرقد بصعوبه رقدت من ريحة وائل
نضت ع صوت الباب فتحت الباب
عمر: بابتسامه مشرقه توحي ان الدنيا بخير صباح الخير رغد
اني: صباح النور دكتور
عمر: خيره عيونك شن صايرلك
اني: ولا شي قلة نوم بس
عمر: كيف حال قريبك توا
اني: ماشي حاله الحمدلله مشي ومعاش كلمته
عمر: الحمدلله اتصلت بيك نقالك مسكر
اني: طاح نقالي نكسر امبارح
عمر: اها فداك المهم جهزي روحك بعد تلاته ساعات رحلتنا
اني: هي الساعه كم توا
عمر: الساعه 11:20
اني: اووه رقدت تمام نجهز روحي ونكمل وننزل وابعتلي حد ينظف وينزل معاي بضاعتي لا تصغر
عمر: تدللي انتي
فعلا جوني زوز وحده نظفت وحده كملت معاي ضمان شناطيا ونزلنا مع بعض لقيت عمر بهيئه تخطف الانفاس اني منجدبه وحابه شخصيته رغم عمره في اواخر التلاتينات الا انه جماله يوحي انه عشريني بشوش ويعطي طاقه ايجابيه فات الوقت معاه جميل وممتع ونسيت حت وائل وسريبه مشينا المطار لقينا المشرف خدي الجوازات والشناطي وكل شي وركبنا الطياره
.......................................................
كانو يشتغلو فالارض
منير: اتصلت بيا رغد
بدر: شن حالها ليا يومين ماتواصلتش معاها
منير: ماسألتش ع حالها لانها سالتني ع موضوع وسكرت
بدر: موضوع شنو؟
منير: موضوع خاص واستغربت حت كيف وصلها
بدر: اختك هدي داهيه يا لطيف تعرف كل شي وبعدين انت ع اساس عندك مواضيع غير لبنات
منير: شافله ع جنب بس مره كون جدي
بدر: انت معاش عاجبني وضعك بديت نخنس منك
منير: بارتباك خيرني
بدر: متغير يا حبي كلامك اسلوبك كلك مش زي الاول
بابا وهوا جايهم: الله ع اولادي كيف تواضعو ونزلو للارض يشتغلو معاي
منير وهوا يغرس في كم شتله: طول عمرنا نشتغلو معاك شن الغريب فالقصه
بدر: عيش وخبر😂😂
بابا: والله وكبرو صغارك يا مريم كان غر تجي وتشوفي كيف يكايرو في بوهم
بدر: حاشا لله نكايروك يا غالي انت الخير والبركه
بابا: اني طول عمري فخور بيكم وحنقعد راسي عالي طول ما ولادي وبنتي ماشين في طريق الصح رافعين راسي بين الناس
منير: كيف تعرف ان حني في طريق صح
بابا: اني نعرف شن زرعت فيكم وكيف ربيتكم اني مش بس نزرع في اشجار وتتمر زرعت فيكم حت انتم وتمر زي اني زرعت فيكم حب الخير للغير وعزة النفس والحق والصدق عمرهم ما ينجحدو
منير: لكن البني ادم خطاء
بابا: وخير الخطائين
بدر: التوابين
منير: بس في اخطاء لا تغتفر
بابا: مهما كان حجم الخطأ طالما عرفته واعترفت بدنبك فيه يتصلح
ب
در: مهما كان حجم الخطأ يا منير تقدر تصلحه طالما ماوصلش فالدين يعني كفر او رقبه
منير: حس انها رساله ليه عشان يتراجع
بابا: اي مافيش اخبار ع اختكم مسكر نتها ومسكته اليوم لا مكالمه لا سو
كملو شغل فالارض وهدرزه .......
..........
وصلت ليبيا اليوم التاني الساعه6:00م
واول ماحطت رجلي ليبيا
كأنه روحي رجعتلي اول شي درته بعد لا مشيت المستشفى وكملت اموري رجعت للحوش وكان هدوء تكلمت مع البواب وحكيتله وفهمته بنته شن دايره بالحرف وطلبت منه المغادره بهدوء وبدون كترة كلام وفضايح لاني مش حنسكت ع بنته وجعني رغم ان عشرة عمر بس هدا انسب حل عطيته فلوس اكتر من حسابه كيف انه يدبر روحه حت شهرين بدون شغل وعطيته عنوان ممكن انه يشتغل فيه وقالي من الصبح حيطلب انه يغادر الحوش وبدون لا يجيب سيرتي وتوعد في بنته ان ليها حساب معاه
خشيت للحوش وبمجرد ما تكلمت ودرت دوشه طلعولي منير وبدر وبابا وماما يرحبو بيا وانها مفاجأه حلوه دردشنا وحكينا وموضوع يجيب موضوع وتعشينا من يدين ماما واستئدنت منهم لاني بجد كنت تعبانه دوشت وطلعت برا جيهة الخيل نبي نطمن عليهم حاسه اني استاحشت كل شي هني واني نتمشى بين الخيل جاني منير: احم في شن سرحان الحلو
اني: اووه موني تعالى يا حبي
منير: شن ديري برا بروحك
اني: عارفاته يبي يحكي بس مش عارف يبدا ف خديت الخطوه الاولى اني: نفكر فيك يا عمري شوف اني عمره ماكان بينا حواجز او اسرار ومن لما صغار تعودنا نستندو ع بعض انت عارف ان عمري ماوقفت ضدك وانت الغالط فكيف لو انت تحت التهديد مش نخوف فيك ولا نفرض في كلامي عليك ولا نبي نسيطر بس كل ما في الامر ان نبيك تونق اني في ظهرك وتطمن من الناحيه هدي مش حيصير عليك شي ولا حتنمس شعره من راسك
منير: نحسابها تحبني طلعت بنت حرام وجايتني بالاسم باش يلوو دراع بوي بيا واني كنت خفيف وطحتلها
اني: لا يا حبي هيا ما وصلت لشي وملفك تسكر قبل لا ينفتح وهيا حسابها معاي انساه الموضوع كليا نوعدك كل شي حيكون بخير بس اوعدني انك تكون حدر ومسؤول اكتر من هكي
منير: كيف ملفي تسكر قبل لا ينفتح
اني: حكيتله كيف ان موضوعه وصل في يد وائل ولاني انقدته وللمره التانيه كان عربون جميلي عليه وكترة اسئلته وان مش مصدق هم وانزاح ع قلبه والطريقه يلي تنفس باها وتنهد خلتني ناخد قرار مصيري
حضني منير وهوا يبكي واني نبكي معاه فجأه يجي صوت من ورانا دراما العائله حبوني معاكم وكان بدر اكيد اللي قعد يهدرز ولاحظت انه معجب بحد من خلال خبرتي😂 وكيف كل شوي يقول عندي واحد صاحبي عاجباته وحده بس خايف يعترف وترفضه مش حيتحمل ومنير واني ميتين ضحك عليه
منير اتصل نقاله وكانت بنت نوري البواب شافلي
اني:رد وقوللها تعالي للاسطبل
رد وتعيط وجت للاسطبل وبدر مافاهم شي شغلت الفيديو في نقالي قعدت نصور
البنت: انت عارف انك مش حتقدر تنفد من الموضوع بانك تلز بابا من خدمته وتبعدني عليك
منير: غيره شن جايه تبي
البنت: مانبي منك شي لكن زي ما خشت رجلك حتكمل ولا حتمشي تتاسف من بوي وترجعه لخدمته والا صدقني حنخربها معاك
منير: نجريت وراك مره لكن طلعتي رخيصه وماتستاهليش
البنت: قامت نقال في وجهه وشغلت فيديو بس هدا لو شافه بوك حينعرف الرخص لمنو
منير: بدي احمر واستفزاته شن تبي انتي لوين بتوصلي
البنت: اختك الحقيره اللي مش متربيه تعتدر من بوي ع كل كلمه نقالت في حقي ويكمل بوي شغله والا تواني ويكون الفيديو هدا عند بوك
وقتها طلعت وكان بيني وبينها مسافه مش بعيده وحدفت نقالي لمنير وقتله صور يلي بيصير شديتها من شعرها من هيا الحقيره يلي مامرتش عليك ربايه تعاليلي جاي وكف عالخد اليمين ويلحقه اليسار وجبدت النقال من يدها
اني: افتحيه
البنت: تبكي نحي يا حيوانه مش منحقك تاخدي نقالي
اني: وربي ندفنك في مكانك ومافي دكر ولد امه يقدر يوصل لخبر عليك افتحيه خير مانوريك الحيوان كيف يصطاد
فتحت النقال ولقيت فيديو ليها هيا ومنير في شكل فاضح
اني: بدل لا هوا يهددك انتي تهددي فيه قداشك.. سكتت لما تدكرت خوتي بجنبي خشيت غيرت كلمة السر متع نقالها ودرت سيف للي فالجهاز كله بما في دلك ايميلاتها
ورجعت ضربتها ضرب لين وقفني بدر وقالي خلاص البنت بتقتلاها بين يديك
وناديت ع نوري البواب ياخد زبالته خشيت وكلي نصر قعد منير يحكي لبدر عاللي صار واني نفتش فالنقال لقيتها مدايره العار مع كدا حد وتهدد فيه هيا بس لفت انتباهي ان يلي يعطي فاها في معلومات لولاد يلي لازم اطيحهم واحد وكل مره برقم ومن ايميلات مختلفه طبعا لقيت ليا في نقالها اكتر من صوره في مختلف الاماكن بس ما ركزتش هلبا
خشيت لداري ورقدت ع سريري وكلي غيظ وغل
رقدت واني في راسي الف موضوع
الساعه12:20
ماما: رغد نوضي في شرطه لوطى ومعاهم شرطيه
اني: اي
ماما: يبوك
اني: لبست وشاح وطلعت في سروال توته اسود وتيشرت ابيض كم نزلت
السلام عليكم
الشرطي: وعليكم السلام
اني: خير انشاء الله شن في
الشرطي: في من فتح فيك محضر انك اعتديتي عليه بالضرب وتم تحويله للطبيب الشرعي ولوقت ما يطلع التقرير نتشرفو باستظافتك
اني: حكيت حاجبي لما ريتها هيا وباها ورا الشرطي واقفين انتي شكيتي
بنت البواب: اي وكتبت حت انك خنبتي نقالي
اني: نغير ونجيك في مجال
الشرطي: اكيد خودي راحتك
رقيت فوق واتصلت بوائل رقمه في ليبيا يعطي مسكر اتصلت عالنت ورد طول احكيتله اللي صاير قالي اعطيني اسم الشرطي واللي مسؤول عليه بس ومعاش تدوري
رجعت نزلت واني نفس البس وقفت فالدروج صفرت
التفت الشرطي وهوا مستغرب
اني: بعد ادنك شن اسمك وشن اسمي الافندي المسؤول عالقضيه
الشرطي: شن دخلك انتي
اني: واللهي جعانه نوم وكيف مروحه من سفر ويديا واجعيني امبارح مربيه حتاله اختصر عليا خلي نحلاها من هني
الشرطي: الباين ان حت انتي تبي ربايه عالاسلوب هدا
بابا: رغد ماتوقعتش تصرفات هدي تجي منك
اني: اسف يا بابا بس لما وحده ضايعه تاكل وعايشه من خيرك ونسمعها تسب فيك ماتتخيلش اني حنسكتلها
من الاخير بتجيب الاسم او لا
الشرطيه جت وبتطلعني اني ويت فتحت نقالي وبعتت لوائل انه يستعجل ويحلي موضوعي لان ماعرفتش الاسماء وسكرت نقالي وطلعت معاهم زي ما اني حفيانه زياده
وصلنا للمركز وخشيت قعمزت وزعميته بيستجوبني
الافندي: رغد
اني: نعم سيدي😂
الافندي: انشالله تقعدي متسايره هكي هل قمتي بالاعتداء على فلانه بالضرب
اني: مانبيش نتكلم لين يجي محاميا
الافندي: انتي مأترين فيك الاتراك
اني: شفتله شبحه متع دير شغلك بلا خفة دم مش من حقك تمنعني
نص ساعه اني فالمكتب مابيتش نقول كلمه
رن النقال متع الافندي رد ومافيش ع لسانه غير حاضر يا فندي وتمام سكر وشافلي من تكوني انتي
اني: من الاول قتلك هدي انت ماتبيش
الافندي: احني نفدو فالقانون ليس الا
اني: وتوا
الافندي: تقدري تروحي مع عيلتك وتكملي يومك عادي
اني: اها والنوم يلي طيرتوه
كل يلي فالمركز قعدو يشوفولي ويشوفوله
الافندي: المطلوب انسه رغد
اني: واضح وبسيط اعتدر مني ومن عيلتي اللي برا لان هدي اول مره حد يتجرأ ويستوطى حيطي ويحطني في موقف بايخ ونسيت الشرطي الصبي متعك فالحوش قال كلمة اني بلا ربايه حاسبه علاها
طلعت وكانو بدر ومنير وبابا برا ونوري وبنته درت روحي نسخف ومشيت جيهتها وهيا علامات النصر ع وجها ونزيدها كف تاني لين طاحت ع كتف بوها وابتسمت في وجها حصلت دعي من امها وهيا ع اساس تحسب في ربي وفالحكومه الفاشله ولكن هيهات تتحرك فيا شعره تم كل شي واني راكبه فالسياره من الخلف مع منير
بابا: تعرفي في تارخ عيلتنا عمره مافي بنت خشت للمركز
اني: الله غاالب مافيش حد فيهم انت مربيه
بابا: تعاملي مع الناس ع انك بنت رغد مش موضوع ديما مشاكل ديما شكاوي الفتره الاخيره تخوفي
اني: هما مشكلتين اللي درتهم وحده ربيت فاها رخيصه تستشرف عليا والتانيه خاينه تعض فاليد يلي نمدتلها ومش نادمه ولو حيطلعو في حياتي ناس هكي حنأدبها وحت لو نحبست مش غر تحقيق
بابا: ومن كلمتي انتي باش الافندي متعهم اللي كان راسه كبير يطلع مدلول ويتأسف
اني: وائل
بابا: معاش زاد كلمه ساكتطول الطريق واني نحكي مع منير ونضحكو ع منظرها كيف خليتها زرقه وبدر معانا عالخط بس ما تكلمش
فعلا اني الفتره التخيره موليه عدوانيه
وصلنا ولقيت ماما تبكي حضنتها وهدرزنا شويه وانبتني وعيطت عليا ووووووو
الساعه2:35الليل
نضت ع صوت نقالي رديت بدون لا نشوف
نعم
وائل: نقدر نشوفك
اني: شوف ساعتك كم
وائل: اها متأخرالوقت صح باهي قوليلي
اني: شن بنقولك
وائل: فكرتي في عرضي
اني: موافقه وسكرت عليه وكملت نوم
اليوم اللي بعده جي ومعاه اهله وخطبوني وكانو متفاجئين بشكل كبير من التغيير اللي صار كيف عاشق حور قدر ينساها ولا يخطب وحده عكسه تماما
في اقل من شهر درنا حفله صغيره ولبسني دبله وكان ناقص نجوم الليل بس مش جايبهم معاه جايبينلي سوق المشير للحوش غير الملابس وفساتين الافراح والعرس قࢪرو يديروه مشترك في مزرعتنا العيلتين اقارب وما يبوش ينقسمو فقالو لازم ما نديروه جميع نظم بابا الامور وتمت الترتيبات علي هدا الاساس والرجاله قعدو في صالة الاستقبال والاولاد في الملحق الخارجي من الحوش وجو اصحاب واحباب وجيران واقارب من كل مناطق ليبيا شرقا وغربا الحوش فجأه ازدحم قبل العرس باسبوع الشهر هدا كان مره متعب كنت نجهز في روحي وماكنتش عاطيه رياكشنات اني مغصوبه او مانبيش جو الناس من يوم السبت وبالاضافه لعيلة وائل واقاربه اللي استغربو فكرة العرس المشترك الحوش تحول لمجمع تجاري وزاد بابا في كادر الخدم والطباخين وفر كل وسائل الراحه للموجودين والحوش ماتسكرش فيه الا غرفنا النوم الشخصيه فقط كان العرس كالاتي غدي عشي هدرزه وضحك ورقص وفالليل سهريات لعند الساعه اتنين نص الليل بعدين الاغلبيه يرقدو ونكملوها حني لبنات سهاري
يوم الاحد بعد لغدي جت حور ولابسه وكاشخه واضح ان بطنها كبير شويه حامل ولا عبرتها اصلا جت تهني وتبارك وجايبتلي روب هديه
حور: الف مبروك يا عروسه تتهني انشالله
اني: يبارك فيك
حور: هدي هديه بسيطه حاولت نختارهالك ع دوق وائل
اني: قربت من ودنها ماتزبطيش دوقه مع الاسف
حور: علت صوتها باش يسمعوها لبنات الموجودات
اني: لا حبيبتي معروف ان الرجاله دوقهم في البيلات متعهم الق......
حور: بغيض شن تقصدي
اني: اللي فهمتيه يا بيلا
فاتت من جنبها ولا كأنها حشره
فات اليوم بين غني ورقيص وجو حلو اللي روح روح واللي قعد قعد وكالعاده حور تربعت بالعرض ما بتش تروح
مقعمزين لبنات في المزرعه مفرشين تحت اشجار الفواكه الريحه الحلوه والجو الجميل يهدرزو
حور صاحبة المشاكل يلي ماتوبش قصدت تسال عالرجاله وين قاعدين ورغد مش مطمنتلها نهائي
سماح: رغد تمالكي اعصابك انتي عارفه انها متع مشاكل
اني: ولا هامتني اصلا وماتاخدش معاي عشره دقايق نغيرلها فيهم جمالها
سماح: تقداها وربي تصدقي اني فرحانه انك بتتزوجي خوي
اني: مش تحبي حور
سماح: حور عمرها ما حبت وائل بس تستغل فيه وهوا عاشقها لكن هيا حبت بس فلوسه ولما سكر علاها الرفاهيه تزوجت وفتاته
قطع هدرزتنا صوت منير ينادي
اني: نعم
منير: وائل يبيك
اني: اف جايه
مشيت وكان في الملحق والشباب كلهم برا واول ما شافني وقف
وائل: بعد لا طلع منير قرب مني وحضني حضن كبير ودافي اني اسف رغد حاس اني نظلم فيك معاي بس ماعنديش حل تاني نحبها كسرتني خانتني غدرت بيا وبكل عين وقحه جايه بتحضر عرسي رغد اشفيني منها مش انتي دكتوره خليني ننساها ولا خلاها تطلق وترجعلي راضي بيها مطلقه ولا حت فاسده قلبي رغد قلبي
اني: كنت في حالة صدمه من انهياره يلي مش وقته بكل جايني في اسبوع العرس ويقولي نباها واو يعني لو تضحكله توا يفركش العرس عادي
بعدت عليه وبكل ماعندي من قوه كف ع وجهه انت شخص حقير فوق ماغاصبني عليك فوق ما بتدمرلي مستقبلي جايني بكل وقاحه تترجى فيا نخلاها ترجعلك اصحى حبيبي هدي بدلاتك وعطت اللي عندها لدكر غيرك وحامل يعني في بطنها تمرة غيرك اصحى
وخود مني هالكلمتين وائل يا اما تكمل معاي وتنسى حور نهائي وماتدكرهاش قدامي او تنساني وتفركش العرس وطز فيك ودير يلي تبيه
وائل: كانه مخدر مش واعي بيا بكل ويردد بس في جمله وحده حور في شن قصرت معاك باش تخونيني بالشكل هدا دخلته للدوش وفتحت عليه لميه وطلعت وخليته............
