صلو علي الحبيب المصطفى محمد رسول الله وعلى آله وصحبه وسلم (صلى الله عليه وسلم)
نبدو
......
طلعت بين عياط وكلام ونقاش عيلتي مش شايف قدامي شي كل يلي نشوف فيه ونعرفه ومتأكد منه اللحظه هدي ان رغد مستحيل تفارقني ومستحيل تموت وندعي ربي ان يكون في غلط ومايكونش صارلها شي مانعرفش كيف سقت ولا كيف مشيت وربك نجاني الحمدلله الين ما وصلت المصحه يلي نسعفو فيها وكانت زحمه ناس وعياط واني كل يلي في مخي حاليا صورة رغد وهيا تبي تطول فالحضن واني مستعجل بنرجع للاولاد نادم ندم السماء والارض مع بعض
وائل: لو سمحتي نبي عيلة...... دايرين حادت سعفوهم هني
اللي فالريسبشن: مش وقت زياره توا
وائل: بتعطيني معلومات وهما وين ولا نهد ام المصحه ع راسك
هيا: شن هالاسلوب الهمجي هدا وين تسحاب روحك
وائل: مافيش دكر هنايا نتفاهم معاه غيرك
ع صوت لعياط طلع منير وعيونه حمر
وائل: طمني منير شن الوضع
منير: يبكي زي العيل ماتو يا وائل ماتو كيف بنكمل من غيرهم
وائل: تسمرت في مكاني معاش عرفت شن نقول شن ندير قلتله منير من مات قولي الله ونبيك تركز معاي اقوى انت راجل مش هكي
منير: كيف بنقوى واني فقدتهم معاش في لا حن لا حس لا سند قعدت بروحي وبعد صراخ وكلام خلا الكل يبكي يطيح مغمي عليه من قوة الصدمه ناديت عالدكاتره جو خدوه وطلع صايرله انهيار عصبي من الصدمه ماقدرش يتحملها مشيت ندور في اي حد يفيدني وبعد جهد كبير عرفت ان اب وام رغد وخوها انتقلو لرحمة الله تعالى بس لان رغد قدرت تطلع من السياره قدرت تنجى من الموت بس بأضرار فالجسم كبيره وبليغه حزنت بس ارتحت انها مازالت عايشه ومزال عندي فرصه معاها جو باقي العيله ونسرين معاهم كملنا اجراءات الدفن اني ومنير وتم دفن المرحومين اللي كانت فاجعه لهلبا ناس وجو من كل مكان وزحمت هلبا والعزاء تم في حوش عمار تكفل بكل شي اما اني مفارقتش المصحه تانيه لا ليل لا نهار بس نبي نطمن فات اليوم الاول والتاني التالت وهيا ولا في عالمنا بعد اسبوع كامل بدو العيله يتناوبو عالجيان ومنير بالرسمي معاي وعيلتي يواسو فيا ماحكيت لحد ع قصة الطلاق كنت بس نباها تنوض بخير ومستعد نتخلا علي روحي عشانها منير كان منهار كنت كل مانشوف منير نفكر في ردة فعل رغد كيف حتكون وهيا خسرت اغلا حد في حياتها في عز افكاري جي منير رغم المأسي يبتسم رغد ناضت
مشيت نجري معاهم خشينا الحجره في دكتوره و زوز ممرضات وهيا بس تشوف للسقف وفي دموع تنزل من عيونها
الدكتوره: دكتوره رغد تسمعي فيا
رغد:....... لا رد
الدكتوره: شوفي فيا رغد هل تسمعي فيا
رغد: ولا كأن في ناس معاها
الدكتوره اضطرت تقرب من رغد وتحرك وجها وتبدا تفحص فيها ولكن رغد مش مساعده كأنها ميته لا تسمع لا تشوف الشي الوحيد يلي دايراته تشوف لسقف الحجره ودموع ينزلو بروحهم
طلعنا برا والدكتوره قعدت تحاليل وفحص ودكاتره تخش ودكاتره تطلع عالحال هدا الين ما طلعت الدكتوره وفاء وقالت: الدكتوره رغد خاشه في حالة صدمه تبي وقت باش تطلع منها بس ياريت تخلو وفاة اهلها سر علاها مبدئيا مش وقتها بكل مش متحمله اي خبر يزعل ومشت في حالها
منير: ياربي مش حمل اختبارات يارب الطف بحالي
وائل: منير لازم تقوى علي خاطر اختك ياراجل معاش عندها حد غيرك
منير: ياريت اني يلي متت وبدر عاش ياريت اني يلي روحي طلعت وقعدو امي وبوي ياراجل مش عارف حت نحزن زي الناس
وائل: اسكت يا راجل استغفر ربك كلها اختبارات من ربك اصبر خليك صابر
منير وهوا يبكي زي عيل سنتين في حضن وائل: اني مش قوي لدرجه نفقد عيلتي في ليلة عرسي اني مش قوي لدرجة..... سكت لما سمعنا صوت عياط فالحجره والممرضه تنادي عالدكتوره خشينا الحجره كانت رغد تعيط بشكل هستيري وتنحي فالتغديات يلي في يداها بهمجيه والدم يصب وتضرب في راسها ع حاشية السرير وتعيط بكلام مش مفهوم والمنظر بجد يخلي القلب يتقطع حاولت نشدها ماقدرتش رغم الاضرار يلي في جسمها الا انها تأدي في روحها بطريقه عجيبه ومش قادر نسيطر علاها جت الدكتوره وعلي طول ضربتلها يبرا قاومت مده قصيره الين ما فشلت وسكنت في حضني
وائل: دكتوره ليش هكي
وفاء: الظاهر انها علي علم انها فاقدة لعيلتها على كل حال انشالله لا باس علاها وربي يشفاها
وائل: امت تطلع من هني
وفاء: من غدوه لو تحب اساسا ممكن الحوش افضل ليها من المستشفى
وائل: علي خير ان شاء الله
طلعت واني قعدت معاها بعد لا طلع منير ونسرين وروحو سماح وعبيد
طول الليل واني نشوفلها وهيا حت وراقده الدموع تنزل
لو تشوف كيف الواحد يخسر حياته في ليله يخسر كل عيلته ويخسر روحه ويخسر كل سبب كان يوم في الايام فرحه وسعاده ليه تقول نبي نقعد كل لحظه مع الناس يلي يحبها قلبي وهدا درس علمني ان ماداما رغد في قلبي وهيا سبب في سعادة قلبي مش حنتخلا علاها
غفيت واني نفكر وكنت حاضن كفها وكأني خايفها تهرب نضت الصبح لقيتها ع نفس الوضع بس تشوف للسقف ودموعها تنزل
: صباح الخير
رغد: لا رد
وائل: كيف حالك اليوم شن حاسه
ولا حرف رداته عليا تكلمت هلبا بس ولا رد جاني
كملنا الاجراءات ورجعنا لحوشنا كان الكل غادي يستنا فيها بوي امي خواتي كلهم خايفين علاها كان عندها كسر في تلاته ضلعات جيهة اليسار وعندها فقرات الظهر اربعه في اماكن مختلفه من العمود الفقري كان وجها في جروح وفي اضرار تانيه بس هدو اصعب شي وما قدروش يدخلوها للعمليات الين ما تستقر حالتها اكتر من هكي خشينا الحوش والكل سلم علاها وهيا عالكرسي ونمشي باها ولا نطقت حت حرف واحد بس تشوف للكل نظرات عيونها من اول يوم شفتها لليوم هدا ماريتش نظرات حزن هكي رقيتها طول للدار وحطيتها عالسرير وقعمزت جنبها
رغد يا قلبي قولي اي كلمه عيطي ابكي اي شي
رغد: من نجي من عيلتي
وائل: نزل عليا السؤال زي الساعقه بس نظرتها المطوله ليا شغت للارض بس انتي والباقي عطوك حياتهم عظم الله اجركم
سكتت ومعاش شافتلي ابدا
فاتو ايام طوال كان الصمت سايد فيهم ولا حرف لو من ما حاول يحكي معاها ماتردش عليه وصلت بيها المرحله انها تبكي دم عيونها بدل لا تطلع دموع طلعت دم وقتها خفت علاها بجد اول مره في حياتي نشوف حد يبكي دم فات شهر ونص وبدت صحتها ترجع في انها تنوض وتخش للحمام وترجع ترقد اكل وشرب وكأنها للعيش بس يعني متلا فاليوم كله ممكن ما تستهلكش كاستين ميه والاكل لقمه وحده فاليوم من اي صنف وبعدها معاش ترضى تاكل كان جو الحوش كله كئيب وحت منير مكانتش تحكي معاه بعد لا امتتلت للشفاء كنت خايف علاها من نفسها ومن هدوؤها
فاليوم هدا خشت بعد العصر ع اساس جهزت نفسها للدوش وخشت للحمام صوت الميه كان عالي بس واضح انه يرتطم بالارض مش صوت ميه وحد يعيق في حركتها لان واضح ان ماحدش تحتها نهائي طقيت عالباب مره واتنين وعشره كسرت الباب وخشيت لقيتها فاتحه مية الدوش وحاضنه نفسها في تركينة الحمام وتبكي وشهقاتها تطلع من وسط القلب تقطع في قلبي وهدي اول بكيه خلال الشهرين من وفاة عيلتها حضنتها بس كانت تبعد فيا ماتبيش حضني احترمت الشي هدا وطلعت بس خليت الباب مفتوح لو فكرت ادير في نفسها شي اني وقتها نكون موجود ساعتين كاملين واني نسمع في عياطها نتوقع دموعها تمو نشفو طلعت بعد الساعتين عيونها حمر وحوايجها متغيرات
وائل: رغد شن حاسه توا
رغد: شن صار فالاوراق يلي عطيتهملك
وائل: اي اوراق
رغد: ماتتغاباش اني مش ضعيفه لدرجه هدي وتسخف عليا او تتعاطف معاي
وائل: رغد ماتخلينيش نبيك
رغد: مكانش لكلام هدا قبل لا يموتو عيلتي توا بعد فقدت الكل بديت تبيني
وائل: مش صح اني نحبك رغد مش تعاطف ولا سخيفه ولا شي بس تمنيت ربي مليون مره يعطيك عمر جديد عشان تكونلي فرصه معاك
رغد: اني حبيتك وانت ماحبيتنيش ومن يوم خشيت لحياتي واني جربت كل انواع الوجع والدل وانتهت بفقدان اغلا ناس عندي لا اني ناسبك ولا انت تناسبني رح نعتبرك متت مع عيلتي واللي بيناتنا تم وخليك عالمخطط الاول اعتبر ان يلي صار بينا حلم واصحى منه كمل حياتك زي قبل عادي اني مش مكمله معاك من يوم خشيت حياتي الى اللحظه هدي يكفيني مجاني منك
نزلت وخلتني في صدمه عندها حق اني ضريتها اكتر ما نفعتها لربما هدا احسن قرار للطرفين نزلت وراها وكان وقت عشي الكل قاعدين بما فيهم منير ونسرين
قعمزت بجنبها ونشوف فاها نحفظ في تفاصيلها قبل لاتفارقني
بعد محادتات مختلفه في مواضيع مختلفه طويله دارت عالسفره تكلمت رغد
رغد: اللي صار سببلي وجع في قلبي مش قادره نتخطاه وفي نفس الوقت سامحوني اني عكرت صفو حياتكم واشغلتكم بيا وبالاخص وائل انت اكتر واحد تعبتك معاي رغم ان مانكش مجبور
عمي: هدا راجلك ومجبور فيك كيف مش مجبور وبعدين ماعكرتي شي يشهد الله اني يلي مات خوي مش بوك وفراق غيلتك هوا فراق عيلتي
رغد: لا يا عمي اني وائل قررنا ننفصلو قبل الحادت بساعات بس اللي صار منع الشي هدا
منير: كيف هكي
رغد: وائل واني معاش تفاهمنا ومعاش قبلنا بعض هوا ربي يهنيه واني ربي يقدرني ونشفى من كل الظروف
منير: لكن
قاطعاته رغد: اسئلكم بالله محدش يضغط عليا او يناقشني لاني منتهيه ومش حمل نقاشات الاوراق عندك ياريت تكملهم وتبعت الورقه لحوشي بعد لا تم وانتم عيلتي وناس نحبهم حت لو فارقة ولدكم تقعدو ناس عزاز ع قلبي بما فيكم وائل
شدت ع يد وائل انت ماليكش دنب اني يلي معاش نقدر نصارع كانت تتكلم بصوت واطي اشبه بالهمس رغم ان صوتها فالبدايه كان عالي دليل ع ان معاش عندها طاقه للنقاشات او للأخد والعطا احترم الكل قرارها بما فيهم وائل ومنير يلي قاللها اني ندعمك بالطريقه يلي تباها وفي ظهرك
بعد وقت قصير قالت انها تعبت من الكرسي وتبي ترقد ساعدتها تطلع مارفضتش والليله هدي رقدت في حضني بدون مقاومه وكان اني قلبي واجعني سبحان مغير الاحوال بس تهوجس في نومها وتنادي بدر بدر وكانت تحضن فيا وتقول ماتمشيش خليك عرفت انها تحلم او يتكرر في نومها مشهد الحادت اللي للان نبي نعرف كيف صار جي الصبح وناضت وجهزت روحها وطلعت من الحوش كامل بعد سلمت عالعيله واني وقعت الاوراق وعطيتهم لمنير يكملهم وكان هدا اخر يوم بيني وبينها رجعت لخدمتي والحوش معاش نروحله الا في الشهر مره ومرات كل شهرين مره ماحاولتش او ماكانش عندي الشجاعه اني نرجع ونتودد ليها بعد يلي صارلها حاولو معاي العيله اني نتزوج حور وبعد لا فقدت الامل مني وبكل الطرق طلعت هيا وامها واختها من الحوش ومشو استأجرو حوش بعيد علينا وهدا يلي نعرفه
فاتو سته اشهر تامات وجتني معلومه ان في صفقة ممنوعات بتتهرب عن طريق البحر وكانت دوريتي هداكا اليوم فالميناء
.......................
روحت لحوشنا كان بارد فيه برود الكون كله خشيت لدار ماما وبابا ااااه ريحتهم علي طول حاوطتني قعمزت عالكرسي قدام المرايا وين تقعد ماما وين تعودت اني نشوف فاها وهيا تتزين عشان تكون احلا مرا شافتها عيني وجمالي واخداته منها وشفت للسرير وين كان بابا يقعمز ويبدا يناشب في ماما ويقوللها كلام يخلاها تتكنطى ويبدا يتغزل في جمالها وهيا راقيلها هربت دمعه نزلت لما تدكرت بدر حبيبي كيف من واحني صغار كان حاميني ويحبني وكان يعشقني ويقولي بس بنتي خشيت للسرير وحضنت المخدات يلي كانو فيهم ريحة ماما وبابا وتدكرت اخر ليله كانت في حضن امي وكيف نظرات بابا ليا سافرت في احلام نكوم فيهم مع بابا وماما وبدر يلي كاسرلي ظهري بعد نوم طويل نضت جبت كتان ابيض غطيت بيه كل الغرفه عشان الغبره ماتخرب شي وسكرت الباب بالمفتاح ودرت نفس الشي لدار بدر حبيبي غطيتها وسكرتها كانو العاملات يبكو وجو يواسو فيا شفت نظرت الخوف انهم يخسرو خدمتهم
اني: انتو هني مع ماما من لما اني كنت صغيره ونلعب بينكم وحتقعدو هني لين اخر يوم ليا مش حنتخلا عليكم باختلاف بسيط ان يلي بيقعد فالحوش حوي وزوجته مش اني ونفس النظام حيكون ع اخر كل شهࢪ حتستلمو رواتبكم بس تأكدو ان الحوش امانه بين يديكم وتمشو ع نظام ماما في الترتيب والنظافه واهتمو بالمزرعه وياريت اي شي يصير تتصلو بيا وعطيتهم مرتبات الاشهر يلي فاتت وطلعت تكلمت مع منير اني حنسافر وان الحوش امانه في رقبته وان الديار الزوز ما ينفتحوش وما ينمس منهم شي واحترم رغبتي وافق ع كلامي وبالفعل حجزت وسافرت فرنسا لان ليا غادي ناس نحبها وتعزني واول ما وصلت عالجت ودرت عمليا ع ظهري وما طلعتش الين ما بديت احسن من الاول عيلتي في قلبي بس حياتي حتستمر كنت ندير فالخير والاعمال الخيريه بايم فقيديني والاكتر بدر نقطع التواصل بيني وبين ليبيا كليا منير مره بعد كل شهرين يتصل يتطمن والباقي مايدورش فيا وحسيته تعود علي عدم وجودي فاتو اربعه اشهر ليا في فرنسا بعد رجعت صحتي رجعت نشتغل واستأجرت حوش بحكم ان ماعندناش صلاحيه نملكو فيها الدوله هدي تأقلمت درت اصدقاء ناس حلوه نبتسم في وجودهم نشعر بالسعاده واستمريت عالنحو هدا الين جاني اتصال من سعاد يلي تشتغل عندنا حكتلي فيه ان منير متجاهل الارض والمحاصيل وبدي يبيع فالحيوانات يلي موجوده عندنا بالجزء ولازم نرجع نشوف الموضوع عن قرب وفعلا خديت اجازه شهر وحجزت ع ليبيا بعد اسبوع لما وصلت نكتشف ان المزرعه لا مواشي ولا دواب ولا احصنه وحت فرس بدر وبابا بايعهم ولما نخش للحوش نكتشف ان بابا الغرف مكسورات ودهب ماما مهناش وخزنة بابا مفتوحه ونفس الشي لغرفة بدر خزنته مفتوحه وحت داري ما سلمتش لا مخلي فيها دهب ولا فلوس ولا اي شي والكارته انه مطلق مرته بدون علمي والسبب انها فال نحس في يوم عرسها توفو عيلته واو علي حسن التربيه جيت فالصاله وقعمزت نستنى فيه فاتت الساعه الاولى فاتت التانيه واني في حالة صدمه من الوضع الين الساعه4الفجر روح سكران يتدعدع مش قادر يوقف يسب فالعاملات بالفاظ خبيثه ومش كويسه شديته من يده وطول للمطبخ دخلت راسه تحت لميه لمصقعه بالك يصحى ودارت سعاد طاسة ليم وقهوه من غير سكر شرب وقعدت بجنبه وهوا راقد للان مانزلتش دمعه شكلي تحجرت ولا دموعي جفو مانعرفش السبب يلي مخلانيش نبكي طلع الصبح وهوا شاد راسه ويعيط انصدم لما لقاني قدامه
اني: صباح الخير
منير: ررغد شن ديري هني
اني: ما يحقليش نجي زياره هني ولا كيف
منير: امت وصلتي
اني: لما انت خاش من الباب وتسب وتدعدع
نوض دوش وغير وصحصح ونتلاقو فالجنان برا خلي بنطلع نطمن عالاسطبل استاحشت الخيل يلي فيه
منير: ماتعبيش روحك الخيل ماتت كلها
اني: كيف تموت الخيل يا منير
منير: تسممت العلفه
اني: اوك معناها خلي نشوف البقر والبل
منير: حت هما تسممو
اني: معناها خلي نشوف المعيز والضان
منير: بقلة صبر معاش عندنا شي ولا حت عصفور ولا دجاجه كله بعته
اني: ليش تبيعه لييش هدا شقي وتعب سنين لبوك كيف يطاوعك قلبك بس
منير: استحقيت فلوس
اني: علاش وين مشيت بالفلووس يلي في خزنة بوك ودهب امك
منير: وهوا يحك في رقبته تمو
اني: وين تمو
منير: تمو وخلاص
اني: حت شقي عمر بدر وخزنة داري ودهبي ما رحمتهمش ماسدوكش اني مانحكيش ع الف ولا اتنين انت مفرط في ملايين يا بابا وين مشيت بيهم
منير: خسرتهم في لقمار
اني: شفت لعيونه بابا ربي يحبه لانه مات قبل لا يشوف المنظر السكرجي يلي مخليه اخس عالمنظر بس من اليوم معادش تقعد فالحوش هدا واعتقد يلي صرفته يا فالح هوا اكتر من حقك في ورت بابا ف حتتنازل قانونيا ع كل شي ليا والا في قانون فالبلاد وندكك في قعرها لين تعفن يا سكار يا نكار بوي معاشش عمره يشقى ويتعب باش حضرتك تسكر بيهم وتصرفهم بالحرام
منير: تي شن نسكر فرحان نسكر من قهرتي ومن خيبتي كلكم خليتوني بدر امي بوي وحت انتي تخليتي عليا وكأني حشره مالياش احترام عندك وكل الناس قالولي مرتك فال سوء عليك لولاها كانو عيلتي معاي وحت انتي ما تحبينيش زي بدر والباقي فارقتيني زيهم الفرق الوحيد هما غصب عنهم ماتو وبس انتي بارادتك وانتي حيه اخترتي فراقي حت نسرين البنت الوحيده يلي حبيتها ما تستاهلنيش لانها تستاهل حد محبوب مش منبود زيني صاحبت الكاس لانه ينسي فيا لكن نسكر نزيد ندكر قمرت مع ناس حرام لاني مالقيتش ناس حلال تبيع الدنيا وتشريني اني تعبااااان ياريتني اني يلي متت ياريتني اني يلي روحي طلعت وقعد يبكي وبكا كل يلي فالحوش حضنته وقعدنا نبكو جميع
اني: منير اوعدني نصلحو كل يلي خرب اوعدني نرجعو المزرعه زي مكانت اوعدني معاش تشرب معاش تقمر ارجع خوي يلي نفتخر بيه حضني وتأسف مني وتأسفت منه وقررنا نبدو بدايه جديده وحنبدو من نقطة الصفر
جبنا كادر جديد لزراعة الارض ومشينا رجعنا نسرين من حوش اهلها يلي فرحو بوجودي وعرفت منهم ان من يوم فارقت العيله فارقهم وائل معاي وسحبنا من حساب بابا مبلغ كبير ردينا منه الدحاج والمواشي كلها ما عدا الخيل لان يلي شراهم كان في مكان تاني كان بيمشي منير بروحه اصريت عليه ياخدني معاه ومشينا للزاويه لان يلي خداهم زاوي وخشينا كانت الدنيا ليل والراجل يسكن قريب عالميناء وخوي نزل يتفاهم مع الراجل واني نزلت نتمشى لبين ماكمل يتفاهم مع الراجل واني نتمشى بعدت شويه نسمع في نقال يرن والرنه مش غريبه عليا تبعت الصوت رغم اني مانعرفش شن دخلي بس لقيت شخص في بدله عسكريه طايح واضح انه متصاوب في اكتر من مكان قربت بنشوفه عايش او لا نصدمت في انه وائل كان فيه نبض بس ضعيف اتصلت بمنير واني نستعجل فيه وجوني هوا والناس يلي معاه وانتقلنا بيه لمستشفى الزاويه ولازدهار الدوله كان الدكتور المناوب طالع ف توليت اني العمليات وحكم كل شي شراه منير من الصيدليه برا الحمدلله تمت الامور بسلام وقدرت ننقده كانت طلقه في رجله وطلقه في كتفه الايسر وطلقه تانيه كانت اقرب للقلب لولا ستر ربي كان مشي فاها
الليله فاتت ع خير الساعه 5 الفجر نضت ع صوته يكح
قربت منه بعد لا حطيت الكمامه
اني: يا سيد ان شاء الله تكون بخير تسمع فيا
وائل: يشوف لي اني وين
اني: انت في مستشفى الزاويه تم اسعافك
وائل: بدو تلاته يا رغد مصره تبعدي
اني: عفوا
وائل: هالعيون مستحيل نغلط فيهم ولو حطوهم بين مليون عين
اني:الحمدلله على سلامتك
وائل: حاول يقعمز
اني: هي ممنوع تقعمز انت كلك مرقع خليك هكي
وائل: نحي كمامتك خليني نشوفك
اني: نحيتها وقعمزت احكيلي كيف صار معاك
وائل: يهمك يعني
اني: اي يهمني
وائل: جتني اخباريه ان الميناء في شحنة ممنوعات طالعه من هني لتونس واني اول مره مانتحراش عالموضوع ولما جيت هني طلع كمين والدوريه يلي جايبها معاي كلها خاينه وخرت وقعدت بروحي بعد مقومه تمت دخيرتي وتصاوبت وكنت نحسابها النهايه بس زي كل مره ملاكي ام عيون حلوه نقدتني من الموت
اني: معاش تتهور وتعرض حياتك للخطر بعدين انت في طرابلس شن جابك للزاويه من قلة ناسها يعني
وائل: انتي شن جيبك هني مش مسافره
اني: قدري جابني وحطك في طريقي
وائل: رغد ااه بس
حكينا شويه ورجع رقد وفالوقت هدا فكرت انه خطر عليه يقعد فالزاويه ولو عرفو انه تم انقاده رح يحاولو يغتالوه من تاني ف زيفنا الاسم يلي خش بيه للمستشفى واول ما طلع الصبح طلعنا حت قبل لا نديرو الاوراق
كملنا خط سير الين ما وصلنا لعند فيلتهم واستقبلونا عيلته ورحبو وائل طبعا كان اكتر واحد ممنون وشاكر ربه ع حياته يلي رجعت وكان في باله اني بنرجع معاها بعد الموقف هدا بس يلي صار اني مستحيل ننساه تعرفو شن يعني خسرت اغلا ما نملك ومش قادره حت نحزن زي ما لازم والشخص يلي قعدلي بدل لا نتمسك بيه نهاجر ونتخلا عليه وع شوي ضاع وضيع تعب سنين من بابا وجهده فيما لا يرضي ربي صح اني مش كبيره واعيه بالنسبه لعمري بس يلي زرعه الغالي فيا اكبر من انه ينقاس بارقام في الجلسه الكريمه كانو كل العيله حاضره ولما سمعت نسرين ان وائل جي ومصاب نزلت تجري في الاتناء هدي ريت نضرتها لمنير كيف كلها انكسار وضعف وتحكي عالخدلان يلي خداته وريت نظرة خوي يلي كلها اسف وحسره كانت فاقده وزن واضح عليها الارهاق
جت جنب خوها وقعمزت
اني: عمي عمار عندي ليك طلب او رجاء لو تلبيهولي
عمي: انتي تؤمريني مش بس تطلبي
اني: صدمة الحادت وفاة الغوالي رحمهم الله كانت قويه عليا اني ومنير لدرجه ماقدرناش نتخطوها بسهوله وكل يلي توعدو انهم يكونو معانا وبجنبنا اول الناس يلي فارقو وخدلونا وكل ما هنالك فالامر ان فالوقت هداكا كلنا اتخدنا قرارات خطأ واولهم قراري
وائل: بفرحه نقدر نصلح كل الاخطاء عشانك انتي بس اؤمري
عمي: لو عشانك بنتي موافق نديرلك خطوبه وشروط جدد غر ارجعي
اني: لا مانحكيش ع نفسي اني قراري اكتر قرار صح اني نفصلت ع شخص مايحبنيش ومش عاطي قيمه لوجودي اما بالنسبة لمنير ونسرين ف هما مزال بينهم ود وعشره يا عمي وخوي متندم ع قراره
عمي: نسرين وضعها مش احسن منك والخبر لما جي صعقنا كلنا وهدا اعطي للناس الفرصه انهم يجيبو سيرتنا ويتكلمو ع بنتي بابشع طرق من يوم اطلقت لليوم هدا وهيا تسمع في الكلام وكل حد يألف علاها في قصه شكل في يلي قال عايبه وفي يلي قال ندير شؤم وفي يلي قال عرقوبها احرف ليلة عرسها رفعت عيت شيابينها وهيا من يومها لليوم حالتها فالناقص وللاسوء والفضل لخوك
ناضت نسرين طلعت من المجلس كله
اني: يا عمي مش نبرر ولكن خوي حالته ماكانتش احسن ومكانش عايش الايام يلي فاتو اصلا وهدا ما يمنعش انه غلط بس اني حكيت بالود والعشره يلي بينا تعطيهم فرصه يرجعو ويختارو وعلي فكره مش عشان وائل نساوم فيكم من الاول رجعت وناويه نرجعهم لبعض قبل لا نرجع نسافر
عمتي: ومن رايي تشاورو نسرين لانها تبي راجلها قالتها من وسط دموعها
سماح خشت من برا تبكي وتعيط ع خوها خايفه عليه
تفاجئنا من سرعة وصول الخبر بحكم انها تسكن بعيد عنهم وهيا تفاجئة بوائل بينهم وتفاجأة بوجودي وبعد حوار طويل ننصدم انه اشاع خبر وفاة وائل وانه عبيد وصلاته الاخبار ع اغتيال وائل وتم العتور عليه جته هامده وجها متشوه ومرفقه بأوراق وائل ومصابه بنفس الاصابه والغريب انه وائل اقنع عيلته انه لازم يديروله عزي ودفن وقصه طويله وخلال الفتره هدي رح يختفي عالانظار كيف تم الموضوع هدا مانعرفش ونبه ع سماح ان ولا حد لازم يعرف انه عايش حت عبيد وهدا يلي زاد حيرني وافقت نسرين انها ترجع لمنير لكن بشروط بينهم تمت في نفس اليوم وبما انها طلقه وحده ف تقدر ترجع رجعها وروحنا جميع وروح معانا وائل للحوش بحكم مافيش مكان امان اكتر منه
وصلنا وخلال ساعه من وصولنا وصلت حمايه وحرس وسلاح وكلاب مدربين لحماية الحوش
خشيت داري تلوحت ع سريري وغمضت عيوني بتعب وكانت الساعه قريبه عال 6:50م
استرخيت ونفكر كيف بنرد كل شي زي ما كان عليه كيف بنصلح حال منير هل صح ترجعله نسرين ولا رجعت ظلمتها حطيت يديا ع راسي
ارجوك معاش تفكر خليني نرقد ونرتاح زي الناس
شفت للساعه لقيتها9:00م
وقت علاج وائل طلعت ورقيت للدور التالت للحجره يلي جاها اول مره طقيت الباب وخشيت كان راقد جبت الطاوله وطلعت جهاز الضغط واني نحاول نرقي كم التيشرت ناض
وائل: اه رغد خلعتيني
اني: اسفه مش بقصد بس لازم نوزن الضغط باش نحدد علاجك
وائل: مد يده خودي حت قلبي وعمري مش بس يدي
اني: فيك غر الدوه
وائل: وين منير ونسرين
اني: مشو لعزاك🙂
وائل: تخيلي ان وفاتي حقيقه
اني: متخيل بعد لا دفنت اغلا تلاته عندي وترابهم قاعد ما جفش واني مازلت عايشه ونكافح بنزعل ع شخص زيك ماعبرنيش حت مره
وائل: قعدت بس نشوف لعيونها وهيا تتكلم ومالقيتش رد ف فضلت الصمت عطتني علاج فالوريد وحبوب وهلبا حجات قلتلها شكرا رغد واسف عاللي صار ياريت تنسي
وصلت الباب بنطلع ادكرت شي ورجعت
بنجيب لعشي وبنجي بتفهمني الوضع وكيف نقلب وتغير
طلعت لقيت زينب وسعاد مجهزين العشي حطيت لوائل سفره وطلعت باها للدور التالت خشيت وكان يتفرج في اللا شي
اني: التلفزيون شغال لو تحب نفتحهولك تفوت عليه الوقت ولو تبي تفتح نت او شي نقدر نعطيك نقالي عادي
وائل: لالا مافيش داعي اتصلي بخوك اطمني عالاوضاع وقوليله يحفظلي من يلي جي ومن مجاش وبعدها كلمي نسرين خلاها تخش لداري وفيحجات تجيبهملي وقوليلها ماتفارقش سماح نهائي
اني: تمام غر نوض كول قبل وبعدين ساهل
هوا قعد ياكل واني بعدت عليه وكلمت منير ونسرين وفهمت نسرين ان حت عيلته مفروض ما يعرفوش انه قاعد عندي ونبهتها عالكلام هدا سكرت منهم وجتني مكالمه خلتني نستغرب
محمد ولد خالي يتصل
اني: الو قلتها باستغراب
محمد: ايوا الحمدلله على سلامتك
اني: الله يسلمك
محمد: سمعت انك روحتي من خوك توا
اني: اي وين ريته خوي
محمد: في وفاة طليقك
اني: وانت شن خداك لوفاة طليقي
محمد: مشيت مع العيله درت الواجب
اني: صاحبواجب من يومك
محمد: جيت لحوش خالي لقيت عليه حراسه قويه ومش راضيين حد يخش
اني: وعلاش بتجيني وانت عارف ان منير مش فالحوش
محمد: عادي قلت ندير الواجب معاك
اني: بروحك قلت اللي مات طليقي يعني مش شي كبير وفاته او حياته ماتعنينيش وياريت معاش تجي هنايا
محمد: باهي علاش الحمايه هدي
اني: لانه في ناس قلال اصل وقت توفو الغوالي استغلو ان اني مسافره ومنير بروحه استقوو عليه وخدو الرزق وخنبوه ارتحت هكي
وكيف بيتكلم سكرت عليه
محمد ما يحبش وائل وحت الفتره يلي من وفاة الغوالي وهوا علق فيا خاصه بعد سمع بطلاقي وضايقني باتصالاته وع اساس مهتم وحت سافرت بلاد مش متوقعينها وماقلت لحد اني وين عشانه لانه رقدلي في حياتي بالعرض وكل مكالماته يحاول يطلع صورة وائل مش كويسه في عيوني
بعد لا سكرت المكالمه رجعت للدار قعمزت عالصالون يلي بجنب السرير نتفرج عليه ياكل نستنى فيه يكمل ماكله
اني: كول عشان العلاج يعطي مفعوله مش تتفرج عالصونيه قدامك
وائل: من كان يكلم فيك
اني: كلمت اختك ومنير ليش تسأل
وائل: ولا شي سؤال بس حسيتك طولتي
حط الكاشيك واتكى ع مسند السرير
اني: وائل كول علاجك قوي ويسبب مضاعفات بدون ماتاكل
وائل: معاش قادر رغد نحس في روحي متقهقر
اسكتت وجيت نحيت السفره من عالسرير حطيتها عالطاوله في شي ليه في قلبي صعب ننكره بس في نفس الوقت في شعور انه لولاه هديكا الليله لو تمسك فيا ما كناش روحنا وكان بابا وماما باتو وبدر للان بينا ونزرعت في راسي فكرة ان المخلوق هدا احد الاسباب يلي فقدت بيهم عيلتي والدنب راكبني اني لان اني يلي اصريت نروح شعور اختلاط في مخي مستحيل نوصفه
ما صحيتش ع روحي الا بعد لا حدفني بالمخده
وائل: وين مشيتي ليا ساعه نادي عليك
اني: ولا شي قاعده بس في شوية افكار في راسي ليس الا
وائل: شن هيا
اني: كيف اشاع خبر وفاتك وكيف سماح سمعت وانت اصلا ماحدش يعرف وين تخدم ومن الشخص يلي دفنوه اليوم مكانك وكيف تبتو انه انت
وائل: وحده وحده نجاوبك بس سؤال قبل لا نبدا
اني: اسأل
وائل: قداش تقتك في الكلام يلي حنقوله قداش نسبة انك تصدقيني
اني: اكيد واتقه في كلامك
وائل: اسمعي وماتقاطعينيش لو سمحتي بعد نتم ليك الحق تسألي ونفسرلك
اني: تمام
وائل: طبعا عارفه اني نخدم تبع المكافحه ويلي يشدو فالهجرات الغير شرعيه والتهريب وما الى دلك كان في ضابط ديما يحاول يصاحبني عشان يمشي بضاعة للجماعه الكبار يلي اكبر منه باش يبيض وجهه ويعبي جيبه مافيش معاي بصاره ولاني نوقف في شحنات ونصادر في بضاعه لاكبر روس وتحتي كتيبه كامله تاكل الاخضر واليابس محدش قدر ينحيني من مكاني او حت يوصل فيا شخصيا واللي يتبعوني كلهم نعرفهم شخص شخص وماندخل حد او ينضم لينا شخص الا بعد اختبارات ومعايير خاصه عشان هكي كان صعب انهم يترصدو حركاتي او يطيحوني الين ما جت اختي سماح وصدمتني انها تحب ضابط اللي هوا عبيد وحكيتلها انها ما توتقش لان عبيد نفس الشخص يلي حاول يتقرب مني بكل الطرق وما قدرش فلربما اختار المصاهره لان في نظره حياخد اللي يبيه ولو اخبار والفتره يلي خاطب فاها سماح كان يبعت فيها تقصقص ع اخباري واماكن تواجدي بس لاني عارف النوايا ماكنتش نقوللها او نحسس فاها بالشي هدا والصدفه البحته انه عرف ان حور نقطة ضعفي استدرجها بالفلوس اللي هيا نقطة ضعفها للاستراحه وكانت النيه انهم يتخلصو مني وقتها انتي انقدتيني ومشيتي تحكي لعبيد اللي هوا بالفطره صاحب الكمين كيف عرفت وقت اتصل بيا فالوقت يلي الكل يحسابني متت من بعد شافتني حور منصاب اتصل بيا وحكالي كلام ع لسانك بينما لما احكيت معاك فالسياره حكيتي كلام تاني والحريق ايضا كان كمين من ولد خالك ولو نقولك ان حادث السير ايضا مدبر من ولد خالك مش رح تصدقي عارف القصه وما فيها ان الاخباريه جتني من عبيد ف كنت نبي نشتغل اي شغل يلهيني فالتفكير عليك وحت ولو كان التمن حياتي ما يفرقش ادا كنت عايش او ميت بدونك لان الزوز نفس الاحساس وادا بيه يطلع كمين تخيلي انه جايب كتيبه كامله عشان يصفيني اني ويلي معاي وليد مقطوع من شجره بايع الدنيا وماعنداش فيها حد وهوا يلي مات معاي في نفس المكان اعطيته هويتي واغراضي الشخصيه اقل شي يلقى من يصلي عليه جنازه وخوك منير هوا يلي شعل النار في الحوازه بعد لا لقيتيني وانقدتيني للمره التالته وتوا عبيد رح يحاول يتواصل معاك بطريقه او بأخرى عشان يعرف منك اي معلومه توا قولي لو في شي بتسألي عليه
اني: نسيت كل الكلام يلي قاله وركزت ع جمله وحده الحادت يلي صار معاكم وراه عبيد شن علاقة عبيد بموضوع الحادت
وائل: مع العلم انك تقدري تستعملي اي وسيله للتأكد زي انك تسألي اقرب ناسك منير خوك كان حاضر وقتها اللي صار ان فوق عناد وبحضور الجماعه بدلت اني وخوك السيارات ولد خالك قال تلوديجة سيارتك عليا اللي هيا سيارة بدر وفعلا ع اساس خداهم الزوز وزينهم لكن اني ما مشيتش فيها لانك مش معاي مشيت مع قيس ولد عمي
اني: وشن دخل هدا في يلي صار معانا
وائل: ولد خالك هوا يلي لودج السياره بس للنصيب اني ما كنتش فاها ف اول طلعه كانت لما انتو روحتو بعد الحادت فتحت محظر وتقدري تتاكدي والتقرير يقول ان تم فصل الفرينوات والبحت قائم علي اللوادجو يلي تمت فيه العمليه وحاليا مسألة وقت بس وحيتعاقب علي افعاله لان عندي عليه بلاوي وحده من ضحاياه اختي وهدا يلي مخليني نستنا ونصبر عليه
اني: مصدومه والافكار تضرب في بعضها في راسي مش مستوعبه يلي ماتت عمته وراجل عمته ولد عمته وكنت حت اني هدا وهوا يعشقنا وكنا مع بعض ديما عالحلوه والمره حت الدفاع كان يدافع عليا وفي ظهري مش عارفه نصدق وائل ولا نصدق حدسي يلي يقول عبيد مستحيل يدير هكي
كنت مقعمزه عالسرير تحت رجليه وجهي للحيط اتكيت بمرافقي ع ركابي ونزلت راسي بس نحاول الافكار تطلع وحده وحده بينما هيا طلعت مره وحده ومش مخليتني نركز في شي فاللحظه هدي محتاجه بابا يحظني ويوريني الطريق اللي لازم نسلكه اتنهدت بتعب وكأنه روحي بتطلع مني
في يد نحطت ع كتفي عرفته وائل
اني: وائل نحي يدك ماتحاولش تقرب مني وائل ياسر تعدب فيا راني تعبت
وائل: نوعدك رغد حنكون في ظهرك ديما ومش رح نخليك حت لو خليتيني صح فالبدايه مافكرتش فيك لا ك حبيبه ولا مرا ولا حت صديقه لان كنت مخنس من انك تكوني مع عبيد بس مع الوقت ولما عرفت انك مش علي علم باللي صاير وماتعرفيش عبيد ع حقيقته تعلقت بيك حبيتك هبلت لما مشيتي وخليتيني قتلتيني واني حي نموت كل يوم وليله بلا بيك تعودت ع عراكاتك وحركاتك وتعودت ع صوتك وريحتك حضنك كل تصرف بينا صار بعفويه او قصد استاحشته استاحشتك رغد
اني: حاليا مخي خاش بعضه وماتزيدنيش بموضوع زي هدا مش ناقصني وقفت وحطيتله النقال بجنبه لو تبي شي اتصل برقم مسجل بابا عندي اني وتقدر تتفرج كان مليت رد بالك تتواصل مع حد بس عطيته جهاز الضي عشان لو بيرقد وطلعت وسكرت الباب واني نبي نحكي نبي نفضفض بنتفجر خلاص مخي نزلت لدار بابا وماما قعدت ندور في تسجيل الكميرات خلال الايام يلي اني مش فالحوش واني ندور تدكرت ان سياره فيها كميرا مراقبه لو تدكرو قلتلكم بابا مركب لكل واحد فينا كميرا في سيارته عشان يطمئن علينا ركبت جري لدار وائل نبي ناخد النقال نتصل ب منير لقيته حاضن نقالي وراقد
قلت لروحي رغد مش وقت الحنيه وقت تفكري صح خديت النقال من حضنه ولقيتها ع صورتي معاه وكان راقد وحاضني مصورتها اني مره ضربت جبهتي اني حماره كيف نسيت انه ممكن يفتش الصور حطيت في مكانه نقال بابا وطلعت من الدار بدون صوت اتصلت بمنير واكدلي ان ما في حد بجنبه سألته ع سياره اللي درنا فيها حادت قال انها مغطيه في القراج متع حوشنا سكرت واتصل بيا وائل بنقال بابا رقيت قلتله شن صار وشن في وقالي بننزل معاك رفضت عشانه مريض واصريت عليه يرتاح ونزلت نجري كان الجو ظلام وصقع خديت الكشاف في حال القراج ظلام مشيت لما لقيته ضاوي حطيته في جيبي اللفي وقعدت مفتش في السياره يلي كان فيها اتار دم من بابا ومن ماما ومن بدوري قعدت ندور ونبكي واخيرا لقيت الكميرا كلها نحيت كرت الداكره وحطيت مكانه كرت وقلت لو في حد حيعرف ان في كميرا حيجي يدور وقتها ينعرف نخلعت لما في حد طق ع مرش السياره
رفعت راسي لقيته محمد ولد خالي
اني: محمد شن دير هنايا وكيف خشيت
محمد: نشغل عليك بالي قلت نجي نشوفك ليش سكرتي عليا
اني: يدي ع قلبي اه خلعتني باهي شن عرفك اني هنايا
محمد: مشيت للحوش زينب قتلي انك فالقراج
اني: عرفت محمد حاط زينب جاسوسه عندي وان هيا مدخلاته حمدت ربي ان لما جبنا وائل كان الحوش فاضي باه برا اني لاحقاتك قول لزينب تجهز القهوه
محمد: شن ديري هنايا انتي
اني: يوم الحادت ضيعت شي مهم وجيت توا ندور فيه علاش تسال
نظراته مش طبيعيات وكانه ناوي ع شي فتحت النقال واتصلت بمنير بعد لا جي الرد حطيت النقال ع ودني
الو منير
منير: ها عيوني شجو
اني: تمام امت جاي
منير: شويه تاني
اني: لا توا لانه ولد خالك هنايا وبالتحديد فوق من راسي واني فالقراج
منير: شن يدير فرخ الكلب هدا عندك
اني: مانعرفش تمام نستنو فيك
نزلت من السياره وسكرتها وخديت المفتاح في يدي
هي تعالى
محمد: اعطيني المفتاح وقوليلي شن دوري تو ندور معاك
اني: درت روحي غبيه ندور في نقال ماما لان مالقيناشي من بعد الحادت الوحيد يلي مختفي ف قلت بلكي كان طايح لكن مالقيتاش هي اطلع
طلع وقعد واقف معاي ن سكرت القراج واني ضبحت بصوت عالي للي واقف عالباب وهزبته لانه دخل محمد ومحمد واقف مصدوم
محمد: شني مصارش من القهوه
اني: القهوه للمحترمين اللي يعرفو اداب الزيارات مش اللي تلقيه فوق راسك
طلع مع يلي عالباب وهوا يقولي
محمد: تمام يا رغد ماتنسيشي اليوم هدا وخليه بين عيونك بس
اني: محمد ايدك وما تعطيك
واتصلت بخالي ونبهته يشد عليا ولده وكلمت جدي وحكيتله يلي صار واني علي اعصابي خلاص بنتفجر
سعاد زينب تهاني تعالو
جو التلاته حطيت رجل علي رجل من فيكم يلي طلعت دخلت محمد من برا وقالتله اني كنت فالجراج
سعاد: ماحدش طلع كنا نضفو قبل لا نخشو نرقدو
اني: اخر مره نسأل
لا رد
زينب تعالي قدمت وحاشيه راسها فالارض
نعم
اني: هاتي نقالك
خديت النقال واد بيه متسجل محمد❤
وعلاقات حب زياده مكالمات هلبا كل يوم وباديه امحادته من يوم عرسي بينهم
اني: هههههه بايعتيني ومن كل عقلك كادب عليك بشوية رسايل انه يحبك صدقتيه
زينب: نحبو بعض الموضوع ماليشي علاقه بيك
اتناء الكلام هدا خشو منير ونسرين بدون اي حرف قعمزو
اني: لو يحبك علاش كلامكم غر عليا ليش مدخلتيه اليوم ليش مدخلتيه يفتش داري ليش داير في الحوش كأنه حوش بوه
زينب: كنا نتلاقو في دياركم مش يفتش
شديتها من كتفها ومشيت باها قدام اللاب متع بدر فتحته ورجعت الكميرات بتاريخ الرساله يلي مكتوب فيه افتحي الباب اني وصلت وتحتها اني في دار رغد كانت صدمه ع امها انها تشوف شويه يلعب علاها ولما تطلع يرجع يفتش ويدور والكارته انه خانب قطع من ملابسي الداخليه في جيبه وقفت وقلت مريض نكملك ولا تأكدتي انك لعبه ورخيصه
زينب تبكي اسفه والله وهمني بحبه وحت اليوم اقنعني انه جاي بيقنعك تكلمي عيلته عشان يخطبني
امي: ههه سعاد تاخدي بنتك واللي مزالك من الشهر وتوكلي ع ربي معاش عندك خبزه عندنا رغم انك كنتي اكتر حد نحبه بعد الغوالي لكن الله غالب مانقدرش نعيش جاسوسه وسخه لا تؤتمن علي رزق ناس هدا غير السرقه يلي كانت تسرق فاها دهب ماما اللي ع اساس منير واخده كله عندها وايضا فلوس بدر وخزنتي كله طلع من التسجيلات كله حطاته وخدو بعضهم التلاته وطلعو من الحوش منير عرف روحه انه مش قد المسؤوليه وعرف انه لو كان مسؤول شويه مكانش صار هدا كله طلعو من جنبي منير ونسرين بعد مواساه طويله ودموع وكسرة خاطر للمره المليون خديت اللاب والشحن والداكره ورقيت لوائل بدينا نشوفو من اسبوع العرس الغريب في الفيديو انه عبيد خدي السياره واعطاها لمحمد ومحمد يلي لعب فاها وتم اللعب فاها في ورشت جدي بعدها بفارق توقيت اربع ساعات كنا راكبين السياره اني نبكي وبابا وماما يحكو وبدر عليه ابتسامه يحاول يغيرلي جوي فجأه يجي اتصال طاح النقال خدي النقال ويحاول يشد فرين ومافيش فايده صار فالسياره انقلابات بابا يشهد ماما تشهد بدر يحاول يتطمن عاللي فالسياره بس اني مش معاهم حاول بدر انه يطلع ماقدرش قعد يشهد ويدعي ربي يسامحه الين فارقاته روحه بعد الكارته بتلاته ساعات جي عبيد ومحمد يدورو مانعرفش شني خدو وفاتو قعد وائل يقدم الين يلي صار توا استغرب واني دموعي نازله انهار ع خدي
وائل: شن صار رغد
اني: حكيتله كل شي
وائل: خدي نقاله هوا فتحه واتصل بشخص وسكر نقاله كله
هدم صدقو اني متت وعشان هكي محمد جاك يستوطى في حيطك لان عارف منير مش رح يحميك ولاهي في عزاي وانتي بروحك وماتوقعش يلقى مقاومه تعالي جنبي
نضت من الارض وركبت بجنبه توا شني
وائل: شغل الشهور يلي فات كله اختصرتيه عليا في دقايق قداشني نحبك رغد
اني: لازم نطلع من الحوش
وائل: وين
اني: قبل لا ندير اي شي لازم عيت جدي يعرفو
وائل: ليش تمشي غدوه اتصلي بيهم واني معاك في اي شي تبيه توا ليل
بعت وائل الفيديو لشخص وقاله اعتبر يلي تبيه صار فات الليل عليا واني نبكي كل مره في مكان مرا شباك مرا صالون وكل شويه نشوف في وائل لان جرحه مخداش العنايه مزبوطه وارتفعت حرارته
ماقدرتش تغمضلي عين
الساعه8:00ص
اتصلت بخوالي وجدي وطلبت يجوني كلهم وولادهم وكلمت عمي عمار وعيلته يلي استعدرو من الناس وسكرو حوشهم وجو
الساعه 1:30الظهر كانو كلهم واصلين
وقاعدين فالصاله
جدي: خيرك بنتي ليش جامعتينا
اني: لاني عييت فدييت حت بعد بابا بينا مد البصر عليكم وخلينالكم الدنيا انتم مصرين اتضرونا مصرين اتخربو حياتنا انتم شن يلي تبوه بس وضحولي فهموني
عمي: علاش بنتي خيرك
اني: فتحت الشاشه الكبيره وربطتها باللاب وريتهم فيديو لعب السياره وفيديو الحادت وفيديو محمد وهوا يفتش في اغراضي باستتناء المقاطع يلي يخلو بالادب
كانت الصدمه عالكل والاخص عبيد ومحمد يلي فاتحين فامهم
اني: تعرف عبيد انت اكتر واحد في عييت جدي كنت نحبك ونحترمك وعمتك يلي دنبها في رقبتك كانت تحسب فيك زي ولدها
عبيد: راجلك حاولت معاه كل الطرق وكان مطلوب مني نصفيه ومكانش القصد انتو ابدا
اني: بهالبساطه الموضوع تلاته ارواح اغلا من خلق ربي تقولي كان المقصود راجلك ومحمد معاك شن استفدت بس
محمد: خطبتك مليون مره من بوك ورفض شن متوقعه مني نرفض اني ننتقم منك ومن الشخص يلي حرمني من حبي
بعد نقاش طويل وتبريرات تافها وندله وجدي طلع وخوا غاضب ع ولاده ع قلة ربايتهم والكل يبكي معاي وكانه اليوم هدا ماتو فيه طبعا محمد وعبيد خدوهم مانعرفش اي جهه امنيه او حت شن صار فيهم
بعد سته اشهر حوشنا فضيناه وحولناه لملجأ باسم بدر والمزرعه مدخولها بدي يمشي صدقات ع روح بابا وماما واني فتحت عياده فيها اكبر الدكاتره وبدينا نعالجو فالحالات الصعبه للناس المحتاجه ببلاش واول داعم ليا كان دكتور وليد ومجموعه من الطبيبات والاطباء يلي ماكنتش نتوقع يتعاطفو معاي في يوم
الساعه7:50م
كنت واقفه فالكوجينه وريحة الماكله معبيه الحوش واني ندندن يوم الغابو عيونك عني شو تمنيت
ارض تنشق وتبلعني وياما بكيت
عمرك بعدك حرفيا تمشاية حال
ياريت ترجع بس ماتنفع كلمة ياريت
مافي ليل يجاري ليلي ما في ليل
مافي ويل يوازي ويلي مافي ويل
كلمة اه بحسا بعدك مية حرف
تقطع نفسي توقف قلبي تهد الحيل
وين الكان يجيني بعز الهم
وين الكان يواسيني ودموعي يضم
حسافه وحيف هادنيا شو غداره
وليد: يصفر هههههه مجوعتينا بالروائح وطاربتينا بصوتك الجميل هلبا علينا نتعودو
منير: ريتها ولا ماتوقعتش تولي ست بيت في يوم
اني: شو بدي بقليبي بعدو شو بدي بعيونو
وائل: مدام الغالي وعيونو يا يما نسيوني
اني: ميه بالميه راحت عليا
وائل: ولفي نساني وصار مش ليا
نسرين : خلاص اللي يشوفهم توا ما يقولش كانو مايطيقوش بعض
سماح: ربي يهنيكم يا عمري
اني: تسلميلي حبيبتي
وائل: ياكل فالبطاطا من يدي ويلحس في صبعي ويهمس جنب ودني سلم حبي الفالحه وتطيبها
اني: سلمك يا عمري صحتين
وائل: حبيبي تعشي وارقي طول مستاحشك ما تسهريش هلبا زي كل مره
اني: لا يا قلبي الليله بنسهر مع لبنات ولا ناسي
وائل: وهوا قريب يبكي واني نهون عليك يعتي
كيف بنرد خش عمي عمار ع صوت الضحك العالي وساليطة الاولاد عليا الله قداشك نعمه يا بنتي من يوم خشيتي عيلتنا والفرحه رجعت
وليد: اصلا هيا اول من خلانا نحبو نجتمعو فالمطبخ ومانصدقو ع ربي امت نتمو الخدمه ونروحو طول الحوش
سماح: حت الاقارب بسببها كل خميس يسهرو عندنا عشان هدرزتها
عمتي خشت وفي يدها يوسف ولد سماح
عشان هكي يقولو ناس زمان ادعي لولادك ببنية الحلال وادعي ربك بالكنه السخيه لانها يا تجيك نعمه يا تجيك نقمه
كل واحد خدي حاجه من المطبخ وحطينا السفره وقعمزنا كلينا بأجواء الضحك والفرح ومنير وخيي مرته حامل وقال لو بنت مريم ولو ولد بدر
كملنا اكل وقعدنا نغسلو في لماعين اني ونسرين وسماح ونهدرزو خش وائل
وخياتي اللي نعشقهم شن جوهم
سماح: مافيش رغد
نسرين: نعم
وائل: من قاللكم نشاور فيكم اني
اني: مش راقيه راهو ماتحاولش
ماكملتش كلامي لقيت روحي في حضنه قامني وطلع بيا وسط ضحك لبنات وعلي طول للدار واني بين يديه قعمز ويشوف لعيوني
وائل: حبيبي يلي ما يبيش يرقى يفوت وقت مع حبيبه شن عقابه
اني: حت العيله عندهم فيا حصه راهو
وائل: واني امت حصتي انتي صبح خدمه تروحي تقعدي تطيبي وفالليل مع خوتي وخواتي والمفعوص مراد شبعان فيك اكتر مني
اني: هههه مبردك تغار منهم وباقي الليل معاك شن نسيت
وائل: هدا لاني نعشقك نموت فيك
كيف بنتكلم خداني في بوسه ع شفافي نستني اني من نكون وعشت ايام حلوه مع وائل وجبت يوسف وبدر وعمار ومريم وكل صعب مع بعض يسهل وكل مر يمر وحياتي حاسديني علاها كلهم صح خسرت ناس مستحيل يتعوضو لكن جبر وعوض ربي يهون الحمدلله على كل حال...............
النهاية
ومني اني نقوللكم مهما كانت اقدارنا بنعيشاها بحلوها ومرها وبنعيشوها في جميع الاحوال لدلك عمرك ما تاكل هم غدوه لان ربك يدبر الامور باحسن شكل وصوره
أيات**
