لساعه10:20
في حوش عمار والد وائل كان فيلا من تلاته طوابق ومن نوع السقف العالي الاتات جميل وكلاسيكي واضح انهوق انتوي وكل قطعه فيه تحكي قصه شكل كان فيه لوحات فنيه والشي يلي اتار فضولي كان في قيتار معلق في الصاله
كان الحوش مليء بالناس خالات وعمات وائل وبنات خالاته وفي ناس مش شايفتها فالعرس
خشيت اني وائل كنت لابسه بدله الكبيره عاللون الدهبي والابيض ومكياج صدره وقصه عالجنب
وشاده في يد وائل يلي لابس بدله عربيه وفرمله سودا
ع. عجيليه: اهلا اهلا نورتو انستو الف مبروك انشالله
اني: واني نسلم علاها الله يبارك فيك ياربي
وائل: باس ع راس امه ربي يبارك فيك يا غاليه
خالته نواره: الف مبروك انشالله تتهنو
خالته سميه: الله يوالف قلوبكم ع بعض
عمته فجريه: منه المال ومنك العيال انشالله
عمته سعاد: ربي يدوم الود بينكم ويباعد عليكم الحسديه
ونساوين عمامه وجو يباركو وبنات العيله يدحنسو عليه وماخافيكم عاد حور جت بتسلم عليه وبدون وشاح وكانت لابسه قفطان قصير وجيهة صدره مفتوح مدت يدها سلمت علاها اني
اني: واني قاعده شاده يد حور حبيبي برا للرجاله ياسر هني
وائل: هانيه حبيبي ماتبي شي انتي
نحيت يدي منها والتفتت عليه: هانيه عمري توكل ع ربي وماتنساش تدخلي الاكياس يلي فالسياره بعد العشي
وائل: تمام حبيبي سلم ع امه وطلع مشي للرجاله واني طول التفتت ع حور وكانو معاي سماح ونسرين وشويه بنات مانعرفهمش: لما تشوفي وائل تلمي نفسك شويه لو مش عشان كرامتك عشان ولد لمرا يلي متزوجتيه
خشيت للاستقبال وكانو قاعدين وجوهم يجنن ضيافتهم مرا تاخد العقل وكل شي ع اصوله
سماح: الله الله وائل مش معقب مكان فيك الا ما واكله
اني: اسكتي هدا قعدت نغطي فيه بالكريمات عشان نساوين العيله الكبار حشومه
نسرين: مانلوماشي صراحه ماتتقاوميش اني بنت ومعترفه بجمالك
اني: يا عمري عيونك الجميلات يا روحي
عرفوني ع بنات عمامه وعماته وخواله وخالاته وطول الوقت حور تتفرج عليا وخلاص وكل ما يفتحو موضوع تجيب سيرة وائل كان يحب كدا ويحب كدا وكلهم عارفين انها حقيره ومافيش حد تكلم
جي وقت العشي كان رشدة كسكاس ومسير وزيتون وبوريك جبده وبطاطا مبطنه ومشروب
قعمزنا نتعشو طبعا مانحبش الرشده ومانحبش االبوريك كليت مبطنه ومشروب ونضت بنغسل بدي خشيت للمطبخ لقيت العاملات يتخالو
العامله1:عرسان القهره هوا يتمعشق مع حبيبة القلب
العامله2:حرام مرته زي الورد
العامله 3:وهدي مش متزوجه يلي تتصيع وين راجلها
العامله 1:الاغنياء كلهم غايب عليهم الدين
العامله 3:الوقت اللي وصلناله
اني: انتو تشتغلو هنايا
العامله 2:بخوف اي من سنين
اني: القاعده رقم 1 مهما كان يلي صاير تعلمو تكونو اوفياء للشخص يلي عايشين من خيره
القاعده رقم 2 اللت والعجن في امور ماليكمش فاها ممنوع ضمن ساعات العمل
القاعده رقم 3اكتر شي نكرهه هوا انكم تطعنو وتسربو اخبار الحوش يلي انتم فيه
العامله 3:جت بتتكلم قاطعتها وينه وائل وحور
ردت انهم في جناح وائل وخليتها ادلني عليه
مشيت بعد لا مشت هيا وقفت نسمع
حور: كيف قدرت تقرب منها وائل مش اني حورك يلي وعدتها مستحيل تسكر باب دار ع غيرها
وائل: واقف عالمرايا بشكل مايل وهيا شاده في فرملته يشوفلها وساكت
حور: وائل ماحبيتهاش صح مستحيل تحب غيري عارفه اني وتقرب منه قاعده بشكل بينهم انش واحد بس
وائل لف يده علي خصرها
فاللحظه هدي اني طلعت من الجناح كله لقيت نسرين تستنى فيا
نسرين: حور ماتفهميش وائل غلط هيا يلي لحقاته تدحنس عليه
اني: خوك عاجبه الجو الظاهر حن لايامها حت هوا مش هين
نسرين: حور شخص من يومها استغلاليه وتحب روحها بس وما تحبش حد احسن منها
اني: امورها يا قلبي لكن.. سكتت وخشيت للاستقبال قعدت نسلك ونجامل طول السهره الين ماجت الساعه 12:30
خشيت مع نسرين لدارها غيرت نحيت الصدره ولبست تكشيطه مغربيه ودرت شعري ديل حصان ومكياجي زي ما هوا نحيت الروج الفاقع ودرت لون اهدى شويه ورجعت جنبهم
روحو اغلب النااس قعدو بس العيله خش وائل وجايب معاه الاكياس يلي قتله علاها
خش هوا وعمي عمار ومراد خوه الصغير وليد اللي اصغر من وائل واكبر من مراد
وقفت سلمت ع عمار بوه
عمار: اهلا اهلا نورتي حوشك بنتي
اني: نورك يا عمي
عمار: ربي يقويك ويسدد خطاك يا بنتي
اني: اللهم امين قلتها بقلة حيله ونفاد صبر
خديت اكبر علاقه واعطيتها لعمي كنت واخدتله هديه
وبالمقابل عمي عطاني 1000هديه
سلمت ع وليد وعطيته هديته وعطاني 1000هديه
اني: علاش متعبين ارواحكم انتم بروحكم هدايا
وليد: مش من واجبك والله
اني: يبارك فيك ياربي وقعدت نشوفله
وليد: هههه خيرك متنحه
اني: ماتشبهش لوائل
وليد: ولا حت فالتصرفات مش غر الشكل
سلمت ع مراد اللي اصلا كان فرحان بيا
مراد: نواره مرت خوي
اني: نورك مرادو شجو
مراد: بعد ريتك بديت كويس الحمدلله منوره عالهديه مردودلك فالفرح
اني: وين مردودلي فالفرح نبي هديه حت اني
كلهم قعدو يضحكو عليه
كملت هدية عمتي عجيليه ام وائل وخواته الزوز وضحكنا وتغير جوي شويه
وائل: هيا حور كان بتروحي
شافوله كلهم بصدمه
اني: حور بايته مش مروحه
غطيت عالموقف ع اساس
حور: علاش شن قاعده ع كتافك تبيني نروح
اني: من تلات العرس وانتي مسيبه حوشك هوا ع مصلحتك
وائل: سخن وبدي احمر برايك حوش خالتك وحره فيه هيا رغد لو بتروحي
نضت وخلاص الغيظ راكب فيا الف طول الطريق مسكره فمي ومانطقتش بكلمه وصلت للفندق لميت حوايجي وجيت عالصالون وقعمزت
وائل : خيرك ما غيرتيش حوايجك
اني: مش بايته هني
وائل: علاش
اني: امس بس نقولك ديرلي اعتبار اليوم تغلط في اسمي وتقولي حور شن تحساب روحك لو حالف تهيني ف نحب نقولك صعب عليك وع امتالك نطيحلهم تعرف اني لو تحلل عروقي تلق العز فيهم اكتر من الدم
وائل: خطا وصار شن بنرده
اني: لانك خاين وحقير تفكر غر فيها واني لوطى نبيض في صورتك مع عيلتك ونديرلك في شان وانت تخون فيا في دارك مع الخاينه يلي خاناتك تعرف ليش لان الطيور على اشكالها تقع خاينين زي بعض
وائل: كان مصدوم اني ريته
اني: حسبي الله ونعم الوكيل فيك بس ماتبينيش فهمتها حاولت نوضح معاك كل شي من الاول ليش تدمر فيا هكي
وائل: رغد افهميني..
اني: ولا حرف ليك الكلام الجديد بما انه التفاهم والبنود مش طريقك ومجبور تلتتزم بيهم
الاول:حر في حياتك وفي قراراتك واني حره بالمتل
التاني ممنوع تقرب مني او حت تتعاطى معاي في اي موضوع انت في مكان واني في مكان وما تحلمش حت تلمسني
التالت مانيش مسؤوله عليك باي شي لا اكل لا غسيل ولا تنظيف امورك
الرابع في وجودي في نفس المكان لو فيك خير اغلط في اسمي في وجود حد
الخامس والاخير ماليكش الحق تسألني وين تبي ومنين جايه واني نفس الشي وعيش حياتك يا حبيب حور بالطريقه يلي تعجبك
وائل: تميتي
اني: اي
وائل: اسمعيني اني توا
اني:مانبي نسمع شي سمعت وكله بلابلابلا غر كلام زايد وهيا بنروح للحوش مليت من المكان يلي اني معاك فيه نخنقت
وائل: تمام نوضي هي
طلعت وخليته يكمل الباقي بروحه
ركبت السياره وفتحت نقالي نهدرز اني وبدر ومنير وهما يطقطقو عليا ودايرين عليا سليطه
بدر: اختي المتزوجه من يوم طلعت معاش ريناها
منير: خلاص معاش تحكم في روحها😂
اني: اسكتو بلا عار ليا يومين بس متزوجه اللي يسمع يقول سنه
بدر: والله تقول ليك قرن طالعه
منير: الحوش تقول معايش في حد خلاص فاضي يصفر
اني: كلها ايام وراجعتلكم
بدر:شن تقصدي
اني:شي نقصد عالسبوع نكون عندكم
منير: تي كان تحملك للسبوع هدا وجهي
اني: شن قصدك
بدر: واضحه اكيد حطلعي عيونه وتروحي
منير: طالق بالتلاته حوش بوك يراجي فيك
بدر: غدوه ياخد غيرك يبدا يقهر فيك
اني: 😂😂😂
بدر: امك قالت محظرك اليوم شن صار فيك
منير: من فاتح فاها محظر هدا
اني: 😂😂😂 مشت الامور كيف روحنا من عندهم
بدر: اسكت يحمار انت تقول تركي معارف شي
منير: كلمت وائل بكري قالي اختك تعد غر في لفلوس
اني: صح روحت ب30الف غر رمو غير الدهب والهدايه التقيله
بدر: معبيه اختي
منير: تسلفينا
اني: هوا ليك
بدر: في سؤال محيرني
اني: اسأل
بدر: ليش الدهب يلي شراهولك بوي مارفعتي منه شي حت الخاتم يوم بتروحي خليتيهم عندي
اني: بدر هدا الدهب من رزق بابا مش حنجيب منه شي لين نستقر في حوشي بعدين ساهل
منير: مافاهم شي اني ودهب اللي جابوهولك شيابينك
اني: عطيته لأم وائل عجيليه خليته عندها
بدر: اني خايف من تفكيرك شن تخططي
اني: ولا شي
منير: شيطان الشيشه😂😂
اني: والله استاحشتكم
بدر: و منير: في نفس الوقت حت اني وربي استاحشت دوشتك
اني: في واحد صايع حاط عينه ع بنت من اقارب وائل
بدر: انت ماتوبش
منير: بالتريس عجبتني ماعرفتش من تكون
اني: كم تدفع ونقولك من تكون
بدر: اقوا بزناسه نشوفها فالعالم😂😂
منير: تحتي 300دينار ماتغلاش عليك
اني: خليهم 500نقولك
بدر: يا عن جد السوق😂
منير: تم
اني: حماتي الصغيره😂😂😂
منير: غدوه جايك اني
اني: اركح منير البنت كويسه وعاقله لو تبي تلعب ابعد علاها لاني مش حنرحمك
بدر: فكنا من لحشايم يا راجل
منير: تي غر تعطيني وجه بس نتزوجها طول
اني: خرف تحلم تتزوج قبل بدوري
استاقظت ع صوت وائل يقولي هي انزلي وصلنا
قمت راسي لقيت روحي قدام حوش العيله
شفتله 🙄
وائل: ماتشوفيليش الشبحه هدي اني بنسكن هني ماعنديش حوش بروحي
اني: هه باه حلو باش تقرب ع حبيبة القلب اكتر
بعتت في لقروب: نتكالمو وقت تاني يا غوالي🤭
نزلت وخشينا كان الوقت شوي متأخر قريب الساعه3:00 نص الليل كانت الصاله فاضيه بس في نور جاي من المطبخ الارضي قعد وائل يدخل في الشناطي والحجات واني كملت للمطبخ لقيت وليد مقعمز ع ارضية المطبخ ياكل في شكشوكه
اني: صباح الخير سلفي الغالي
وليد: شرق سلاما وقولا من رب رحيم
اني: شن شايف جن قدامك
وليد: ههههه لو شايف جن ارحم
اني: هكي باه باه
وليد: مرت خوي الغالي تعالي كولي
اني: تصدق اني جعانه حق قمت كمامي غسلت يديا وقعمزت ناكل في شكشوكه معاه الله الله بنه وصنه طباخ ممتاز
وليد: باللهي شني
اني: يسلمو يديك بجد
وليد: صحيحتين شن جابك وين وائل
اني': وائل يرقي فالشناطي مانرتاحش في الفنادق يا وخيي
وليد: معاك حق حوشك وعيلتك وخيتي وتفضلي في اي وقت
اني: كمية اللطافه يلي عندك والدوق سلفت منهم خوك شويه
وليد: تعرفي يوم قالولي خطب وبيتزوج في اقل من شهرين قلت الا بنت امها طيحاته
اني: باش تقرع للتريس بس😂😂😂
وليد: 🤚تريس شكلنا بنولو صحاب
اني: 🤚 جوك حلو زي منير خوي لو تتعرفو اكيد تتصوحبو
وليد: صحه النوم هدي الشكشوكه ع طريقة خوك منير وراني الشات المفتوح يهدرز هوا ومنير
ماستغربتش لانهم الزوز تافهين زي بعض😂😂😂
خش وائل: اووووو خيانه تاكلو من غيري
وليد وقف: اصلا اني شبعت
قعمز وائل ياكل ويشوف فيا نضت اني غسلت يديا وجيت بنطلع قالي: اصبري نتم ونوريك جناحي وين
اني: ماتعبش روحك نعرفه ريتك فيه انت وحقيرتك بكري
وائل: انتي خيرك
اني: شبحتله من فوق لتحت وطلعت كملت لجناح وائل خشيت وتدكرت وقفته مع حور شبحت للمرايا نحيت الوشاح والعبايه طيح سعده لاقيه الزين يلي عندي باش يخونه هالحقير اصلا اني حرام فيه خديت بجامه من شنطي شورت وتيشرت ربع كم وخشيت للحمام ندوش الحق كان دوش حلو بردلي اعصابي بعد يوم مليء بحرق الدم وطلعت كان وائل مغير لابس شورت رمادي وكنتيرا كحله ومتكي عالسرير قعمزت قدام لمرايا مشطت شعري ونضت طلعت شنطه متوسطه فتحتها وبديت نحط في يلي فاها ع طاولة المرايا مكياج ومواد تجميل ونظاره وكريمات وزيوت تميت تفريغ كان شعري بادي ينشف اللي اصلا كان اطول من الشورط يلي لابساته خديت اول شي زيت الشعر ودهنت شعري ومشطه تاني ولفيته كعكه فوق ورجعت للحمام غسلت يديا ورجعت نحط في مرطبات ع وجهي ويديا ورجليا بعدها طلعت شبشب ع هيئة ارنوب لبسته وفتحت الدولاب لقيت حوايجه معبين الدنيا
اني: واني وين بنحط حوايجي انشالله
وائل: وين ماتبي
اني: انت شايف ان مزال في مكان لحوايجي معاك
وائل: عادي خليهم في شناطيهم
اني: هين يا وائل فتحت شنطه خديت منها كتاب وقعمزت عالصالون نقرا الين ماخداني النوم
وائل: هالبنت مش طبيعية اقسم بالله خدي غطا وغطاني طفا الضي وطلع
واني كملت نوم وسافرت مع احلامي
.......
الساعه9:10ص
نضت ع صوت كانه حد طاح مخلوعه قعدت نستوعب ان الصوت جاي من الحمام وخاصه انه مصحوب بكلممة اااه
فتحت باب الحمام واد بي وائل طايح عالارض وكله صابون
اني: مجنون تطلع من تحت الدوش بصابونك
وائل: تعالي ساعديني بلا شماته خشيت وكيف بنقيمه ونزلق نطيح نجي فوقه تواني فوقه حسيتهم سنه نضت ومديتله يدي وقف
وائل: شكرا
اني:/مغولي استعجل تلبزت بندوش بعدك
وائل: تعالي حت معاي عادي وغمز في نهاية كلامه
طلعت واني حمرا وائل شخصيته غريبه تحسي عنده انفصام لالف شخصيه عاقل وصايع في نفس الوقت
واعر وطيب في نفس الوقت حقير ولد ناس ايضا في نفس الوقت قطع حبل افكاري صوت باب الحمام يفتح طلع وائل وخشيت طول دوشت ولما جيت بنلبس ادكرت اني مش مدخله شي ناديت وائل مره واتنين وعشره ماردش ف قلت اكيد طلع لفيت المنشف ع جسمي يلي اصلا يادوبك يغطي فخدي وصدري نصه عالشارع وجري للشناطي ندور في حوايج نلبسهم وكيف لبست ملابسي الداخليه وسروال جينز 👖ازرق نشوف ع يميني نلق وائل راقد عالسرير وملاحظتاش حاط سماعات في ودانه ولا حرف مصدوم لبست سوريه بيضا بسرعه وضربته بالمنشف: حقير انت حقير ليش ماتقزلش اني هني ولما ناديتك علاش ما رديتش خزي صايع منحرف تافه ومشيت جففت شعري واني كلي نرعش من الموقف يلي نحطيت فيه ونقنع في روحي في سري باش نهدا بس راجلي عادي مادرت شي حرام حت كان شاف اااه اهدي خلاص مصار شي
جففت شعري وضفرته وصل لين قريب ركابي ومكيجت مكياج خفيف درت ريحة حلوه ولما جيت طالعه اصلا حرام فيك زيني يا تافه
طلعت وخليته في صدمه....
꧁___________________________________꧂
وائل: مخلوقه غريبه خشت لحياتي مش عارف منين
كنت عاشق شي اسمه حور حور حبيبتي من ايام الابتدائي لما سكنت جنبنا خالتي وتوفى زوجها وحور كانت بيبي كبرت حكم بين يديا لما كبرت بدت تخش خاطري بعد التانوي بديت نسافر ونقرا برا وفي اكتر من مكان بعدها بديت نغيب عالحوش فتره طويله ونجي بعدها عشان بس حور اخر مره لما جيت كان في عيد ميلاد حور 17 لقيتها متغيره كليا اعترفتلها بحبي واني نبيها حلالي قعدت تماطل تماطل فالموضوع وتأجل والكل يعرفها ليا خلاص بعد 12 سنه غربه قررت نرجع ليبيا ونستقر توظفت تبع الدوله وكلمتي كلمه حقير لكن نخدم بشرف اول سنه ليا اكتسبت عدوات بالملايين بس كان حب حور ليا كافيني عالعالم بدت طلباتها تكتر بدت لما بتجي تقولي كلام حلو بس لما تبي فلوس واني عادي دفيع نعرف انها تبي شي مني بس نفرح مع هدا الكل وحت امي نصحوني نبعد علاها ونشوف نصيبي ودلالي والمكانه يلي كنت عاطيهالها كان مش مخلي حد يتجرأ ويكلمها او يغلطها الين ما فسدت وبدت وقحه مع الكل في يوم جاني اتصال ان حور في استراحه ومعاها حد خصم ليا ولما اتصلت باها ومتردش واتصلت بالحوش وقالولي طالعه مع صحبتها بدون اي تردد مشيت ولقيته كمين ونصبت فيه اني وكلبي وبدون سابق اندار ربك يبعتلي بنت بمليون راجل تخاطر تركبني وترفعني تعالجني وتعالج كلبي وماقصرتش معانا الين ما صحيت عالاخر ونكتشف بعدها ان حور خدت مبلغ كبير باش باعتني وبعدها من يلي تشريني رغد حور باعت ورغد شرت شرت مشاكل ودفعت حقي ضرايب حوازتهم نحرقت فرسها ماتت قريب بوها وخوتها ماتو نتيجه لانقادي واجهت حور بس لاني نحبها كنت اعمى سامحتها وقوة شخصية رغد دمرتني للمره المليون لما تلاقينا فالرحله كيف بنت دكيه وجميله ودكتوره وقوووويه فالعمر الصغير هدا وخاصه بعد ربت حور بطريحه علمت ع كل جسمها ويومين حور مريضه وراقده من الضرب يلي كلاته
فات وقت وننصدم لما توصلني بطاقة دعوه لعرس حور وصلتني بعد العرس باسبوع باش اني ما نفركشش الجوازه ولا متزوجه الد اعدائي سافرت مقهور ومغصوص كاره الدنيا وما فيها فقدت غبت عن الوعي شي ماقدرتش نرتاح حت واني في ايطاليا كانو يبو يغتالوني وفعلا تكاترو علي وضربوني وطعنوني وماقدرتش نقاوم ونهرت وكنت نشوف فاها ساعة موتي خلاص واد بي رغد تطلع للمره التانيه من العدم وتنقد حياتي مانعرفش شن السبب يلي خلاني نحط موضوع منير كتهديد باش تتزوجني هل لانها الوحيده يلي حتشفيلي غليلي من حور او لانها البنت الوحيده يلي حركت غيرة حور تجاهي مانعرفش خطبنا وكل يوم نكتشف صفات جديده فيها عاقله واعيه في الاماكن يلي تطلب واتفه منها مافيش في اماكن تانيه قويه بس تحسها طريه بين يديك السهل الممتنع وفي نفس الوقت هيا المستحيل تفاصيلها جميله بس حور مزالت مسيطره ع قلبي تزوجنا والبنت مغريه هيا تغري فيا بملابس ف تخيلو وهيا لابسه اشياء مغريه ااه صعب العيشه معاها
فمتلا اليوم دوشت وفي نص الدوش نسمع في نقالي يقول في اسم المتصل حور خفت تنوض عالصوت وترد ونتعاركو طلعت بنسكره طحت جت تجري كل مايصير معاي شي سيء نلقاها في ظهري طاحت معاي طلعت كملت دوش واني نضحك طلعت لقيت حور باعتتلي تسجيل مكالمه قديم لينا ركبت سماعتي عشان نسمع بروحي فجأه تطلع مستحيل تكون انسان اكيد ملاك نازل قطعة جيلو اناقه رتابه غمضت عيوني لما هيا فتحت المنشف وقف التسجيل الصوتي فتحت عيوني هيا شافت في نفس اللحظه كانت عارضة ازياء ولا اجمل لبست بسرعه وكملت ولا كأنه صار شي وطلعت خلتني في حيره من امري
على الرغم من ان يوم الي شافتني مع حور مصار بينا شي كل يلي صار ان حور قربت مني في شي في راسها تبيه بس ما قدرتش توصله لاني لما خلاص قربت تبوسني حطيت يديا ع خصرها رخت روحها وخنقتها ونبهتها تطلع من حياتنا وان اني شخص متزوج لو كانت تحبني مكانتش تجرأت وتزوجت وقلتلها لو تتقربي من هني لعشره اسنين مش حتلقي ولا ورقه ولا ملف للعيل راجلها اللي يستغل في حبي لمرته باش يوصل للشي يلي يبيه.....
فتحت الباب نزلت لقيت العيله كلهم ملتمين ويضحكو وطبعا حت حور قاعده معاهم بتموت سممم
قعدت جنب رغد وصبحت عالكل
...................
نزلت لقيت عمي عمار وعمتي عجيليه يشربو في قهوه فالصالون جبت فنجان وقعدت معاهم
اني: صباه الخير
عمي: صباح النور
عمتي: نهارك سعيد بنتي امت جيتو
اني: امبارح متاخر
عمي: انشالله خير
اني: تقدر تقول مارتحتش فالفندق روحت
عمتي: باهي قلتيلي راني استنيتك
اني: علاش نتعب فيك يا عميمه الامور الحمدلله وبعدين استقبلنا وليد واني معاش برانيه توا خلاص
عمي: لا صح والله كان زي لبنيات سماح ونسرين
اني: ربي يعزك ويعلي مقدارك
عمي: يا بنتي اني مانعرفش ولدي شن قايلك ولا شن داير باش حصلك بس طول ما انتي معاه اني واتق انك حتصلحيه
عمتي: انتي بدون اي علاقه كنتي بمتابة الملاك الحارس ليه ونقدتيه مره من قبل فما بالك وانتي مرته
عمي: يا بنتي املي كله فيك بعد الله انك ترديلي ولدي متع زمان اللي دايما مبتسم ومتفائل ويحب الحياة
اني: انشالله نكون عند حسن ظنكم بيا يارب
وليد: اووو خيانه من الصبح لقيتو من يشرب معاكم القهوه توا
اني: باش تعرف بس اللي سبق كلي نبق
وليد: لا انتي هكي تنافسي فيا حتخسري بحت
طلعت نسرين: صباح الورد ولما شافتني شهقت اااييييه انتي امت جيتي
وليد: جت لما تسكي فالنوم
نسرين: عطيك سكه تسكك انشالله
اني: بعيد الشر ع وخيي
نسرين: ااه انتي طول مشيتي لصف وليد
اني: لا اني في صفك غر نكدب بس
وليد: يا ملاعبيه انتي 😂
طلعت مرا من داخل واضح علاها علامات الكبر
وقف عمي عمار شد في يدها لين وصلها مكانها
اني: بعلامة استفهام مني هدي
عمتي: هدي عزوزتي رقيه
نضت سلمت علاها وبست راسها
رقيه: انتي مرت وايل
اني: ههه كان سخر ربي
رقيه: ربي يهنيك بنيتي
اني: انشالله ربي يحفظك
جت العامله وقالت ان الفطور جاهز وكان راسها لوطى
عمتي: تمام نوضي مراد
قعمزنا ع سفرة الفطور وكان عمي موصي العامله تديرلي كبده جابت حطتها قدامي
نزلت حور وقعمزت مقابلتني: صباح الخير
مارد علاها حد كان خالتها
ناكل ونتبادلو فالاحاديت اني وعمي ومرات وليد يشارك
حور: انتي كيف نازله بدون حجاب
اني شفتلها من فوق للوطى ومارديتش علاها وكملت هدرزه وعمي يحلفلي ناكل
اني: كان هدا حال كل يوم نولي برميل
عمي: صحتين مايزيدك الا صحه
حور: ع اساس يعني
وليد: انتي جميله والله العظيم واكيد طرف كبده مش حيزيدك وزن
نزل وائل من فوق: باش تعرف دوق خوك بس وقعمز جنبي
وليد: باللهي اختارلي معاك قوليلي يا رغد
اني: عيوني
وليد: ماعندكش خوات
اني: مع الاسف
وليد: يخساره بس
نزل مراد وكان يتدمر لانهم نوضوه
قعمز بعد لا صبح
وبين الهدرزه وائل بياكل من صونيتي
اني: نحي يدك هدي ليا
وائل: 🙄😒خيرك
اني: كول جبنه ودحي ماتقربش كبدتي
عمي: ههههه صح كلامها
حور: هدا غر كنتي تدلعي ماتبيش
اني: انتي الظاهر جنابك يحكو فيك😒 احترمي المكان يلي قاعده فيه والناس يلي معاك افضل من اني نعلمك يلي فقدتي تتعلميه في صغرك
حور: شوفي يا خالتي كيف تكلم فيا
اني: دوتك معاي مش مع خالتك بعدين يا ماما ياسرك بري كملي اياماتك عند امك احني عندنا ما نديرو مانبوش حد غريب
عمتي: ماغريب الا الشيطان يا رغد هدي حور متربيه معانا
اني: كيف متربيه معاكم وهيا ماعندهاش حت ربع رباية نسرين وسماح مع احترامي ليك يعني
عمي: طلع من الحوش كله
عمتي: من اولها قطاف
حور: ريتي ياخالتي كيف لزتني وهيا تنزل في دمعتين كدابات
اني: اسمعي لا اول ولا اخر متحملتها من يوم ريتها فالرحله وحطيت صوابعي ع رقبتي ومش نازلتلي من هني اني مانيش مجبوره نتحمل مناظر مقرفه طول اليوم وتشوفي فاها من لما نزلت بدتها نشاف
حور: اني ما بديت شي
اني: اسمعي من بدايتها انتي قعدتك عشان راجلي واني مانبيكش في نفس الحوش معاه وبما انه الاقربون اولى بالمعروف ف اني اقرب منك الان ولو اني في مكانك ندير قدر لروحي ومانمشيش حوش الاكس متاعي اللي مامنقص عليا شي وخنته مع خصم لكن انتي وحده مهزبه ولا كانك
عمتي: تبكي ومنزله راسها صلو عالنبي ونقصو قطاف بس اليوم اماليك جايين
اني: تمام يا عمتي فالنهايه هدي بنت اختك وفاهمه عليك لكن اسفه اني مش حنعيش براجلي مع نمودج زي هدي
عمتي: علاش هكي يا بنتي شن دارتلك
اني: امس لما اني بين ناسكم ونجامل ومحافظه ع صورتكم قبل ما نحافظ ع صورتي اسألاها شن ادير فالجناح مع ولدك المصون عريس ليله
خديت نقالي وطلت برا من الباب نسأل ع عمي وقالولي انه يتمشى لحقته لقيته مقعمز عالطاوله تحت المظله قعمزت بجنبه
اني: احم احم
عمي: اهلين
وني: اسفه يا عمي ع قلة ادبي بس والله مستفزه من لما قعدت وهيا راسها من راسي
عمي: النسون فيهم الغيره مشاكل الله غالب يا بنتي
اني: متحملتها طول فترة العرس يعلم الله انها ماخلتني نرتاح
عمي: فاهم عليك يا بنتي هدي من يومها قليلة ادب ومش محترمه حد وراهو مش راقيلي منك ممكن لو كل واحد غلطت فيه دار ردت فعلك كانت تربت من زمان
اني: اسفه علي كل حال وانشالله مش حيتكرر موقف زي هدا تاني.
