ا
ني عطيتها طريحه كان خاطري فاها من يوم الحريق لاني متاكده هيا وحد وراها هما السبب خداها وائل ومش للباص التاني وجو في مكانهم بنات خالاتي كملناها ضحك والبنات يسألو كيف قدرت نديرها
اني: كله نتحمله وعندي معاه صبر الا ان وحده ماتحترمنيش وتطعن فيا قدامي ولا تعلي في صوتها باش الكل يسمع الكلام
مروان: والله الا تعجبيني هما هالمناظر مانعرفش شن جيبهم في زردتنا العائليه
اني: مانعرفش تعرفو من اول ما وصلت واني مش هاضمتها ونفوت ونفوت لكن خلاص طفح الكيل منها
معاذ: ملاحظين ان رغد ومحمد يحبو الضرب مايحلوش فاها وديا
عماد: يا راجل في مواضيع لازم تبين قوتك باش اللي قدامك يتعلم يخاف منك هوا وغيره لان اللي ما يحترمكش لازم تخليه يخاف
اني: عندك حق كلامك عجبني
كملنا ضحك وقرمه شويه عالمشكله يلي صارت شويه ع طريحة حور شويه عالبنات كيف مافيهمش وحده ما تدحنستش ع بدر خوي والاولاد مركزين فيه وهوا يقوللهم اختي وخيتي ويصدم فيهم وبعدها غنينا وللامانه مش بس شكلي حلو وشخصيتي حلوه حت صوتي حلووو🙂
وصلنا وجي عبيد يسال فيا عاللي درته وكلي نصيبه وروحنا للحوش ورجعنا للشغل وللكرف من اول وجديد ورجعت حياتنا طبيعيه وبديت نشتغل في مصحات خاصه مش بس العامه فاتو شهرين كاملين معاش دورت حد في عيلة امي مره مره يتصلو لبنات ومرات يبعتو شي في قروب العيله اللي معبي فضايح اساسا ورجع السلام لحياتنا ورجعنا طبيعين كان في دوره او بالاصح ندوى علي دكاترة الجراحه وكنت لازم نحضرها والندوه هدي كانت في ايطاليا حاولت نقنع عيلتي يسافرو معاي هما يدهورو ويغيرو جو واني نحضر الندوه متعي وهوا اسبوع بس رفضو واضطريت اني نسافر بروحي مع مجموعه من الزملاء والزميلات من مختلف المدن تجمعنا في المطار الدولي ومنها بدت الرحله واني فالطياره تعرفت ع دكتور اكبر مني فالعمر وفالخبره ومشهور اسمه في مجالنا كان اسمه عمر.
اشهر دكتور في جراحة المخ والاعصاب كان شخصيه راقيه وجميله حسن المظهر ابيض البشره اشقر اللحيه والشعر عيونه بنيات فاتحات انف واقف شفايف متناسقات من تحت البدله الرسميه واضح جدا في جسم رياضي دار بينا اكتر من حوار كونه قاعد فالكرسي يلي بجنبي والطريق طويله وهدا غير الترانزيت من مدينه لمدينه
عمر: نحييك ع اهتمامك يا دكتوره رغد الى الان ما واجهتنيش مكافحه زيك
اني: شكرا ع اطرائك دكتور عمر طالما ان قدوتي فالحياة اشخاص مناظلين زيك ف حنلحق طريق النجاح ومش حنوقف عند يلي تخرجت بيه
عمر: تعرفي صعب في مجتمعنا الكلام يلي تقولي فيه
بس انك تتمسكي باحلامك هدي شجاعه
اني: صدقني دكتور عمر زي ما كان اسمك رنان في الوسط والكل يمدح ويحكي بانجازاتك حيجي يوم وتسمع عليا وحنكون ايضا افضل منك
عمر: هههههه عجبتني روح التحدي يلي فيك دكرتيني بنفسي لما كنت في بداية مشواري نفس الاصرار ونفس الروح اللي كانت عندي تعرفي ان كل اللي تخرجو من دفعتي وخاصه البنات اغلبهم فضلو التدريس ع ممارسة المهنه لان في نظرهم اهم شي الفلوس مش المضمون
اني: بتقنعني انك لو درست حتديى فلوس اكتر من كونك دكتور
عمر: اختلاف عقليات انتي كم تتقاضي في معاش من الدوله
اني: بديت ب600دينار والان في حدود4600
ومزال الين نوصل للمرحله يلي انت فاها
عمر: كيف
اني: العمليه الوحده تكلف اكتر من 150الف دينار البسيطه عندك
عمر: هههه نتمنالك التوفيق دكتوره
تبادلنا مختلف الاحاديت وطلع عندنا نقاط مشتركة زي حب الخيل والعزف والتنس وغيره هلبا الين وصلت الطياره ونزلنا للفندق المخصص لينا...
4:40صباح
بنتصل الوقت متأخر عندنا في ليبيا اكيد بعتت مسج لبدر وبابا اني وصلت وخديت دوش ورقدت وعيرت المنبه عالساعه عشره عشان نحظر اول ندوه
الساغه7:50ص
نضت ع صوت طقان الباب لبست وشاح
منو؟
عمر: هدا اني
اني: في شي دكتور عمر
عمر: لا بس..سكت شويه وكمل.. قلت بنطلع نشوف لمكان لو تجي معاي
اني: حسيت انه مافكرش قبل لا يطق والاحراج يلي ممكن يكون فيه تمام نص ساعه ونتلاقو فالريسبشن لوطى
عمر: تمام اني سابقك
قاعده ناعسه وومتكاسله خشيت للدوش باش نصحصح طلعت جففت شعري ولبست سروال جينز ازرق وسوريه بيضه وسبيدرو ابيض وشاح ابيض فالازرق وقعمزت عالمرايه رسمت عيوني ومشطت حواجبي درت كنتور وبلاشر وهايلايتر وروج نود هادي شفت لروحي فالمرايه بكل رضا ع مظهري لبست ساعه وخاتم في يدي اليسرى وخاتم بسيط في يدي اليمين فتحت شنطه صغيره حطيت فاها روج وبودره بالمرايه حطيت نقالي وخديت كرت الغرفه وحطيت عطر ونزلت
كانت الساعه 8:40
نزلت وكان قاعد بوقاره لابس سبورت جينز بيج مع تيشرت اخضر وسبيدرو ابيض وتسريحة شعره تخطف الانفاس عمر من الناس المحظوظه جدا شكل جميل وجداب جسم رياضي وانسان ناجح جدا.
.........
عمر لما شافني جايه جيهته وقف
عمر: شن هالجمال دكتوره رغد
اني: بدون مجامله دكتور عمر
عمر: والله نحكي بدون مجامله
اني: حلا عيونك دكتور
عمر: فوتي الرسميات عمر بس تكفي
اني: نفس الشي خلاها رغد وبس
عمر: تمام هي نمشو رغد
مشيت معاه بدون لا نسال لوين تمشينا في شوارع روما كانت اكتر من رائعه المباني والتصاميم والحضاره
لدرجه انك ممكن تعرف تاريخ روما بنظره وحده لشوارعها المائيه المتموجه في البندقيه
مانبيش نحكيلكم ع البحيرات اللي تخطف الانفاس
اني: اوه عمر تعرف ايطاليا احلا خيار للسياحه
عمر: اول زياره ليك؟
اني: اها اول مره بس مش رح تكون الاخيره
عمر: كل من يجاها مره معاش يحب غيرها
اني: كم مره جيت هني
عمر: من واني صغير نجي هني
اني: كيف
عمر: الوالد مهندس مواقع شبابه قضاه في ايطاليا وتزوج الواده في سن صغير وانجبت في ايطاليا بعدها رجعنا ليبيا لكن كونه عندي الجنسيه نحسها وطني التاني دائم الزياره ليها
اني: واو بما انك نص ليبي نص ايطالي معناها بعد الندوه بتكون الدليل السياحي 😂
عمر: هدا شرف ليا
اني: هي نرجعو للفندق يادوبك نتجهزو عشان الندوه
عمر: اكتر من هكي تجهيز🙄
اني: هدا لبس غير لائق لاني نحضر ملتقى رسمي ونمتل بيه مشفاي
عمر: ههههه يلا نرجعو يادوبك معناها
خشيت غرفتي كانت الساعه 9:37
يادوبك لبست بدله رسميه باللون الابيض مع
شاربه (محرمه) بيضا فيها اللون الاسود مع كندره بقدم عالي وشنطه بنفس اللون غيرت في المكياج خليت كل شي طبيعي مع روج فاتح شوي
نزلت وخديت تاكسي لمكان الندوه كان قريب عالفندق خشيت وكان فيه العديد من الشخصيات المرموقه يلي ليها اسم في مجال الجراحه
زي الدكتور كوهين غادول اللي كانت ممارسته للمهنه وراتيه سلالة عائلته باكملها جراحة مخ واعصاب
والدكتور محمد جبر افضل دكتور مخ واعصاب في مصر يتخد قدوه
دكتوره ساره رشاد
ودكتوره ستيفال ريتشر وغيرهم هلبا
تعرفت ع اكبر عدد ممكن اني نتعرف عليه عالساعه 11:30
كان الكل قاعد في اماكنهم المخصصه وبدت الندوه وكنت مركزه وحاولت اني نستفيد انتهت الندوه ع الساعه 2 تقريبا كنت جعانه مره وكل يلي نفكر فيه هوا الماكله ومن المعرف عليا او من طباعي وقت نجوع نبدا نفقد فالتركيز
وقفت برا نستنى فالتاكسي يلي طلبوهولي كيف بنركب في التاكسي فتحت الباب ركب عمر
اني: ليك هدا سوري في بالي ليا
عمر: لا اركبي بنركب معاك وين مشوارك
اني: مش معروف اي مطعم لاني جعانه
عمر: مش اني دليلك عطي لصاحب التاكسي العنوان وطولنا شويه باش وصلنا نزلنا لشارع
اني: اووه نبي ناكل مش نتمشى بسبب حظرتك اني للان حت قهوتي ما شربتهاش
عمر: كل ما جعتي اكتر كل ما استطعمتي الاكل اكتر
اني: تمام تمشينا وكان الشارع كانه تحفه او اتار يجنت الكل شعيد ومبسوط مرينا ع شله يرقصو وناس يستعرضو وايضا كان في موسيقين يعزفو
دكرني بعد لا ناكل بنجي نعزفلهم هنايا
عمر: هههههه كلك مفاجئات
واخيرا وصلنا لمطعم طلبلي هوا لانه يتقن اللغه الايطاليه خدالي باستا وبيتزا وسلطات وعبا الطاوله
اني: هي دكتور من بياكل هدا كله
عمر: احني
اني: الجسم الرياضي هدا كله وتاكل فالكميات هدي كلها غريب انت
عمر: هههههه هدا سر
اني: قولهولي باش نبدا ناكل ع راحتي حت اني
كليت وماخلاش الجو من اسئلة عمر الفضوليه وحكالي ع عيلته واحلامه والكتير والكتير من الكلام
روحت للفندق الساعه 5:00
كلمت عيلتي واطمنت عليهم واتصلو بيا المستشفى ان في عشي لازم ما نكون حاضره فيه عشاء عمل وفي نفس الوقت زي الاحتفال سكرت منهم وطلعت للبلكونه نتفرج عالمناظر اللي اكتر من جميله
الساعه7فتحت شنطي ندور ع شي مناسب لاحتفاليه الليل لانها عالتمانيه لقيت اني جايبه بس بدالي رسميات وجينزات وسواري وتيشرتات مش جايبه حت دريس حلو فتحت الموقع ودورت ع اقرب محل ممكن اني نشري منه دريس محتشم ولقيت خيارات قريبه طلعت وجبت دريس ابيض اكمام طويله وحزام دهبي من جهة الخصر طويل جميل جدا ومحتشم كأنه عبايه وما يخلاش الامر اني تسوقت وخديت هلبااا حجات
جهزت روحي ومكياجي تغير كليا درت مكياج ترابي ولبست وشاح ابيض خفيف ولفيته للخلف وخديت الدعوه يلي واصله عند الريسبشن
وجابولي تاكسي ومشيت واد بي نلق جميع الاصناف
من البشر وتنوع اللبس واللي يصدم ان في مجموعه من الليبيات اللي جو محتشمات وعبايات مش حت لبس عادي لابسين قصير وبدون وشاحات درت عليهم سكيب وكملت للطاوله يلي دلني علاها النادل قعدت كانو الاغلب بروفيسورين كبار في السن من الجنسين وفي منهم البروفيسور مارشل وزوجته حبيتهم جدا وعزموني ع حوشهم لانهم ايطاليين وفاتت امسيه جميله ساعه واستئدنت قبل حت لا ينزل لعشي
تمشيت في شوارع ايطاليا بروحي وصورت كدا منظر للدكرى
فات اليوم الاول بمتعه والتاني والتالت وعمر خدي وجه عليا ومشيت للبروفيسور وزودني بمجموعه من الكتب ك هديه واعطاني مجموعته الاولى من عدة الجراحه وتمنالي نوصل لمراحل متقدمه من عمر وزوجته انسانه راقيه ودافيه جدا
طلعت من عندهم الساعه9:40 م
حاولو معاي يخلو شوفيرهم يوصلني بس اني قلتلهم نبي نتمشي في شوارعكم الجميله ونستمتع بالمنظر الجميل
كالعاده نمشي بدون هدف ولما نضيع طريقي نفتح المابس او الخرائط ونرجع لمكاني اللي نبيه
لقيت زقاق طويل يعني زي الزنقه عندنا ترددت بس حبيت شكله توكلت ع ربي وخشيت فتحت الكاميرا ونصور ونمشي فجأه نسمع في صوت انين كملت تجاه الصوت بحدر لقيت شخص مضروب ودمه نازل بجنبه
قربت كان وجهه متغطي وكان طايح ع جنب قربت نشوف الجرح لقيته يرجف اي حرارته مرتفعه
اني:Ciao Puoi sentirmi?
مرحبا هل تسمعني
Dovrei chiamare la polizia e l'ambulanza per te?
ساتصل بالشرطه والاسعاف لاجلك
شد ع يدي بمعنى لا
نحيت الكمامه وكانت صدمت عمري كان وائل🤦🏻♀️
خفت عليه ماننكرش الشي هدا مانعرفش لو خديت تاكسي بالوضع هدا حيرفعنا للمستشفى لو مشينا للمستشفى حيستدعو الشركه ونبدو في سين وجيم ومش حنتمو ماعرفتش نتصرف الجرحين اعمق من بعض ولازم نتدخل واني ماعندي شي وماعندي حد اتصلت بعمر وبعتله الموقع وقتله لازم يدبر سياره ويجيني مش في تاكس ماكناش بعاد هلبا عالموقع اقل من 10دقايق كان عمر بجنبي وقت شاف قفطاني الابيض كله دم نخلع وجي يجري يسأل فيا بس هديته وقتله هدا قريبي لازم نرفعوه للفندق معانا بدون لا يشعر حد رغم ان استصعب الامر فالبدايه بس مشي معاي ودفعنا هلبا فلوس عشان نوصلو للغرفه وبفضل الله كان عنده اسعافات وخيطنا الجروح اني هتميت بالكتف وهوا بالرجل وائل في عالم تاني وحراره طالعه وقصه خشيت الحمام جبت منشف نمسح قي وجهه ويديه ورقبته
عمر: ليش مامشيتيش بيه المستشفى
اني: لان الوضغ اكيد خطير واللي دارها حيعاود تاني لين يتخلص منه
عمر: ومن يلي يبي يتخلص منه
اني: مانعرفش بس هوا شاد منصب في ليبيا سياسي مسببله عداوات وفالعاده يخدم كحارس شخصي للسياسين المرموقين فالدوله ف موقعه حساس
عمر: اممم وكيف عرفتي انه مضروب
اني: تصدق هدي تاني مره ننقده وع محظ الصدفه
عمر: سبحان الله
اني: سامحني اقحمتك معاي في امر ممكن انت ما كنتش تحب تدخل فيه
عمر: فوتي الرسميات خشي دوشي من الدم يلي عليك وغيري حوايجك واني نمشي نغير ونجيب معاي طاستين قهوه نعدلو بيهم الراس وحكيلي ع مشوارك الغريب ومغامراتك مع وائلك هدا
حبيت كلمة وائلك ضحكت هزيت راسي وسكرت وراه باب داري وقفت تفرجت ع وائل هلبا ليش قدري كل مره يرفعني ليك برجليا يستر الله بس
خديت توته فيها كاب يغطي الراس وخشيت دوشت وغيرت وكيف بنجفف شعري نسمع في عياط في بالي انه حد عاود هجم عالغرفه طلعت نجري لقيته وائل يحلم ويهتري حاولت نهديه المجنون شد يدي زي اول مره انقدته فيها حط راسه ع رجليا وحضن خصري ورجع رقد ويأن بصوت خفيف من التعب والاوجاع طق عمر الباب ما طاوعنيش قلبي نسلم في المنظر هدا ونوض نشرب قهوه قعدت نتأمل فيه الين ما حسيتش ع روحي ورقدت نضت ع صوت الفازا طاحت لقيته وائل يحاول ينزل من السرير
اني: وائل شن دير
وائل: بنطلع
اني: جرحك قاعد جديد
وائل: شن ديري هني؟!
اني: انت شن دير هني شن وصلك لهالحال
وائل: جاي في شغل
اني: كل مره نفس الوضع ليش شغلك لازم ما يقولك انضرب وتلوح في اماكن مختلفه نفسك ليها حق عليك هدي تاني مره وائل لولا رحمة ربي تموت ودمك ينزف
وائل: هه تمنني فيا بيهم ديريلهم تمن تو ندفعلك
ما حسيتش ع روحي الا والكف معلم ع وجهه
شدني من شعري اخرلك مره رغد تتجرأي وتمدي يدك
كنت نشوفله بشموخ ومش قادره هلاص بننهار داخليا خفف شدت يده ع شعري رغد ابعدي عليا الاولى جت غي مزرعتكم التانيه مانعرفش وين ارجوك رغد كل يلي يقرب مني يتأدى خش في حالة هيستيريه مكانش قدامي غير اني نخدره خديت اليبره اللي جهزها عمر بالليل حضنته ولما بادلني الحضن ضربتهاله هدي واستقر ع كتفي ورجعته مكانه شويه وطق الباب وعرفته عمر لميت شعري تحت الكبوس متع التوته وفتحت وفعلا جايب معاه قهوه وفطور
اني: تعبت روحك بس ماعنديش نيه
عمر: اها قوليلي
اني: نعم
عمر: جيتك امبارح ما رديتيش
اني: دوشت ورقدت ماسمعتش الباب
عمر: حاط يده ورا رقبته يحك فيها اممم توقعت.
ماناضش وائل؟!
اني: لا قاعد راقد
عمر: مزال ربع ساعه عالندوه جهزي روحك
اني: لا مش قادره نمشي اليوم بنكتفي نستنى وائل لين ينوض
عمر: براحتك رغد معناها نتلاقو وقت تاني
.......
طلع عمر وقعدت عالصالون حيلي مهدود قبل شويه وائل كان بيضربني ولا مش بس هكي شدت يده وحضنه استغفرالله بس الواحد قعد غر ينقد فيه شن قصته هالولد لولا اني لتاني مره نقرر نخش طريق هكي او نقرر نتمشى بروحي
اقدار الواحد ماعنده مايديرلها
الساعه 6:20م
تعودت من شطاني ونضت دوشت وغيرت حوايجي ولبست وشاح جيت وقعمزت عالصالون فتحت نقالي وقعدت نرد عاللي باعتينلي واتصلت بامي هدرزت علاها شويه وسكرت فتحت قروب العيله ولقيتهم مهدرزين ع وائل وان حور تزوجت وفاتاته وانها خاناته وهدا يلي فهموه من سماح وان وائل ليه شهر كامل مختفي من يوم عرس حور اللي خدت منه كل شي حبه وقلبه وفلوسه كان مدلعها وكانها بنته لا وتزوجت الد اعدائه واو قصته مشوقه جدا سكرت نت وطلعت للبلكونه نتفرج علي الماره وكيف حياتهم حلوه وكل شخص فيهم فايت بابتسامه شاقه وجهه مليت رجعت للداخل لقيت وائل عيونه ينزلو في دموع وهوا راقد قربت منه مسحت دموعه
قلت بصوت عالي شويه
اصلا الجمال هدا حرام فاها هالبرميل
طلبت من عمر بعد لا رجع ملابس خديت سروال وتيشرت ورجعت لحجرتي حاولت نوض وائل اللي كمل اليوم كامل نوم وخدي اكتر من وقت المخدر ناضلي بعد جهد جهيد ساعدته بدون مانقول ولا كلمه انه يخش الحمام نبهت عليه مايقربش الميه عالجرح لكن هيهات يسمع فات وقت منيح سمعت صوت شي خبط فالارض طقيت مره واتنين ماجاش رد فتحت الباب كان ياحاول انه يجيب المشط من عالارض وكان لابس سروال جينز يلي جبته من عمر واقف بيمشط شعره
اني: اسفه بس فكرت فيك شي لما سمعت الخبطه
وائل: اه رغد انتي من وين طلعتيلي
اني: 🙄🤔
وائل: وهدي المره التانيه وفي ايطاليا مش ليبيا
اني: قدر
وائل: شن جابك هني
اني: عندي شغل ليه علاقه بالجراحه وانت
وائل: جاي سياحه😂
اني: واو صدقت وين قاعد
وائل: في فندق..... في ميلان
اني: وشن وصلك هني
وائل: ندهور لاقوني بزقليف (قطاع طرق) وتكاترو عليا ضربوني في كتفي ورجلي زي ما تعرفي
اني: اها باه كويس بس.. رن نقالي طلعته وكان عمر
طلعت من جنب وائل ورديت: الو مرحبا
عمر: رغد كيف الحال
اني: بخير عمر الحمدلله وانت
عمر: تمام قبل لا تسألي ع سبب الاتصال بنقول بروحي
اني: ههه تمام قولي
عمر: في عمليه بعد تلاته ساعات بالتحديد وحصلت مكان ليك معاي عشان تحضراها
اني: شن مضمونها
عمر: شخص عنده سته فقرات مختلفات مفصولات من اماكنهم والاصابه قريبه عالنخاع الشوكي وابسط خطأ طبي ممكن يخليه مشلول طول العمر لا قدر الله
اني: كم عمره
عمر: 23سنه الاصابه ناتجه عن حادت سير
اني: يااا صغير الولد تمام نتلاقو في الريسبشن قبل العمليه بنص ساعه
عمر: تمام شن حال قريبك
اني: ناض شويه نعقم الجرح ونعطيه علاجه وماشي
عمر: تمام الى اللقاء
التفتت لقيت وائل واقف وراي شويه وخبطت في صدره
وائل: رغد
اني: توترت من قربه ليا ن نعم
وائل: ليش كل مره تديري عليا في جميل
اني: لو كان اي شخص تاني مكانك حندير نفس الموقف
وائل: اسف رغد
اني: ليش الاسف
وائل: لاني شديت شعرك بقوه وضربتك
اني: واني ضربتك كف ومش اسف عليه
وائل: اني كنت غالط
اني: عادي وائل حصل خير شن حالك توا
وائل: مش تمام رغد منيش كويس بكل
اني: خيرك وائل شن فيك
وائل: عيونه حمر ولا شي رغد بس تاعب
اني: باه بعد وائل لو سمحت
وائل: بعد
اني: ارتاح حاليا انت واني بنطلع عندي شغل نرجعلك فالليل وبنحكو
وائل: وين تبي
اني: في عمليه خطيره لازم نحظرها
وائل: رقد عالسرير بتطولي
اني: مش معروف
وائل: اها مرات تلقيني مهناش
اني: تمام هي تعالى نداويك قبل لا نطلع
وائل: قعمز بدون ولا حرف
اني: مش نبهتك عالميه
ساكت ما ردش
عالجته وعطيته حبه منوم باش نضمن انه قاعد
لبست سروال اسود وسوريه زرقه وشاربه سودا وسبيدرو اابيض خديت نقاليي وشفت لوائل يلي حكم نناعس ارتاح وتو نجيبلك معاي عشي
و
