وسعو،
راني جيت و كملت لبارت بعدما طيزي
تكسر من لكتيبة مي معليش فداء
لكم لازم نكتب💔
بلا تهبيد زايد أيا نبداو :_
دنيا ظلام و البرد يقتل الساعة راهي السبعة بيل لحمام مازال مغسلش و جهو بصح أمير كي لهجالة نايض و رايح يقرى و يندب في زهرو الطحان لي خلاه يطيح في ليسي بعيد على دارهم
طريق كومبلي و هو يسب في زهرو و يندب فيه حتى وصل للباب تاع الليسي و اللي راهي ديجا مفتوحة خاطر و في طريقو دخل للحانوت شراه ڤاع و عاود خرج..ليوم لاربعا و لعشية عندو سبور بصح الساحة راهي متشمخة تسما
لعشية مافيهاش قراية،
و حاجة باينة لازم في كل ليسي نلقاو هاذوك ليكوبل الغاملين لي كي جاز عليهم حس روحو رح يتقيا و قلب عينيه و فات عليهم رولو منبعد موراها نلقاو الشرموطات لي الغيسيل لاصق تحت عينهم و الغوجلاف تاع لمرقة لي دايرينو يبان من لبعيد أيا منبعد نوصلول لآخر عيباد و اللي هوما المتنمرين لي جامي طلقوه لي وين يلقاوه يدفعوه
يصفعوه يضربوه المهم ميخلوهش في أمان الله.
هو كي قرب من جيهتهم هبط راسو و كان حاب زعما يكوف روحو و يكمل يمشي و حسبتلو كي كانو قاعدين يتكيفو مراهمش رايحين ينتبهلو بصح صرا لعكس وين جبدو واحد فيهم
و كروشاه مع لحيط.
" أميرة، شحال عندنا ماشفناكش هاذي غيبة "
قلب عينيه و زير على يدو يتمنى أن يكمل هاذ الموقف على خير
بدون أي سبب هوما يديرولو هكذا و دايمن يحطولو التأنيث كي يكونو يهدرو معاه حتى إسمو و حرفوه مي معليش راهو حاملهم حتى يخلاص هاذ لعام و يتخرج و يروح للجامعة إنشاء الله.
" إسلام، معليش تخليني نجوز "
نطق و سيا يخلي النبرة تاع صوتو ثابتة باش ميبانش ضعيف مي فالحقيقة هو راهو رايح يموت بالرعب خاطر راهو حاس روحو نملة وسطهم.
" و لوكان نقولك لالا وش راح تدير؟ "
أمير طلع راسو يخزر فيه و كان متمني يجي كاش واحد يسلكو و لاتجوز كاش مراقبة و لا مراقب باش يبعدوه عليهم، بصح قبل ماينطق
سمع صوت مورا إسلام خلاه يحس بالراحة.
" نيكلك يماك"
خزرو ڤاع موراهم و إسلام دور راسو يخزر من فوق كتفو فذيك الطفلة لي راهي واقفة تخزر فيه من لفوق للتحت و بنظرة متبشرش بالخير و هاذي الطفلة تكون صحبة أمير و لي هي مالفة تسلكو منهم.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
