بسم الله نبداو بالمشاكل و لمهاوشات
قلشتكم بالمومنتات و زيد محبيتوش تحبسو كل خمس دقايق واحد يحدث يارب اصبرو بعقلكم تنفسو اتهدنو
:_
بالسيف باش نوضو إلياس و طلعو للدار، و بسيف باش قدر يحبس بكا من وش صرا حتى بعدما دخل للدار و قعد في بيتو
جاتو غريبة كي راهم يعاملوه بهاذ الطريقة
المرة اللولة خنقو إلياس و وصاه باش ميزيدتش يلبس لي شورت و ميخرجش وحدو، و هذا المرة عبد الرزاق خنقو و باسو برك خاطرش هذاك لخرا توشاه من يدو.
راهو يحس هاذ التصرفات و التحكم غريب عليه و جديد خاطرش ماشي مالفة يحكمو فيه و واحد مايفرض عليه حتى عفسة حتى خاوتو حاطينلو حدود بصح مدخلهمش في حوايجو و وش يلبس.
رقد بعدما دار حالة بلبكا و حتى حس روحو رح يطرطق
و دموعو نشفو باش قدر يغفى.
جوايه السبعة ناض دايخ و راسو يوجع و يقتل فيه
عينيه مقدرش يحلهم من قوة الدوخة، رفد روحو بالسيف من فوق الكانابي و دخل للدوش دوش هكذاك بالبارد في وسط هاذ الشتا
باش على الأقل يفطن، خرج لبس شورت كحل فوق فخادو
و هودي باللون الموڤ دار القلمونة تاعو و خرج
للكوزينة، حسبتلو يماه لي ناضت خاطرش سمع الحس و ريحة القهوة راهي دايرة حالة مي كي دخل للكوزينة قابلاتو الهيئة تاع ياسر
لي كان عاطيه بالظهر و يسي يغلق لبراس تاع القهوة.
" صباح الخير "
نطق أمير و خزر فياسر لي دار يخزر فيه و تبسيمة على وجهو.
" صباح النور "
جاوبو و قعد يسي يفتح فلبراس مي مقدرش خاطرش ماشي صحيح
و يدو راهي مضروبة.
" واها لعطاي لبارح طيحتلي قلبي في بوكسوري،حسبتلي راني رايح نخسر لبغل ديالي "
أمير مداصر ياسر و مالفة يهدر معاه و عندهم نفس الكمية تاع الغباء شغل برمة ولقات غطاها.
" مشي تعطي قالو بغل شوفو شكون راه يهدر "
" كون مجيتش نعرفك نقول نتا حفيد أينشتاين حكايتها أنا وياك نفس نوعية الغباء عندنا "
قعد فوق الكرسي و حط رجل فوق و لوخرا خلاها فالأرض و قعد يخزر فيه و هو يحط لحليب داخل لكاسرونة.
مجاش ياسر ينطق كلامو حتى سمعو الباب تخبطت موراها خوه محمد بلا تريكو و يبان بلي هذا وين ناض وقف قدام الباب تاع الكوزينة و غير طاحت عينو في عين ياسر تنفس شغل كان يجري
قعدو يخزرو فيه وهو قرب يجري عند ياسر حظنوا ليه و دفن وجهوا في رقبتو.
ياسر قصير بزاف على محمد تسما كان واقف على صباعتين رجليه
و مافهم والو و كان غير حاط يدو على ظهر محمد.
" المرة الجاية متتحركش بلا ماتقولي "
جبد راسو من رقبة ياسر و حط يديه على خدودو و قعد يخزر فيه
و عينيه يخرجو قلوبا.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
