دك نبدا نستعمل لمسة غوستو و نبدا نحط شوية حماسة
و اللمسة تاعي
الخاصة:_
كان راقد في أمان الله و يتنعم بالدفا تاع الكوات تاعو
و جات هاذيك الرقدة لي متنجمش تنوض منها حتى لوكان تسيي
و في وسط لمنام تاعو سمع صوت يعيطلو.
" أمير، دك تنوض ولا نجيفك؟ "
"خلاص، نضت "
نطق و الدمعة لاصقة في شفارتيه، هاذ الويك أند جاز هايل و طويل و صراولو بزاف عفايس حتى نسى بلي عندو قراية و بلي لازم كل صبح على الثمنية لازم ينوض، و هو لبارح كي لبغل
بقى يخمم و محبش يحبس جاتو بزاف أفكار و إحتمالات و توقعات و حاحة باينة كانو ڤاع على ذوك التوام، ولا بزاف يفكر فيهم
طغاو على التفكير تاعو، وهو إنسان حمار
و عندو إستيعاب بطيء ميفهمش من الشرة اللولة.
لبس حوايجو و حط الطابلية فالكرطاب و دخل للكوزينة لقى ياسر ديجا وجد القهوة و راهو حاطها فوق الطابلة، وشغل جاتو ثقيلة باش يشربها راهو بمزاج خرا من صباح تاع ربي تسما راح صبح على يماه و خاوتو و خواتاتو و حاجة باينة ياسر، و خرج برا
و العفسة لي خلاتو يحس بالفراغ كثر هي نهاد مكاشها مالفة هي لي تزيد لحلاوة للخرجات تاعهم، مالفة تستناه تحت دارهم
و دايمن يصبح على أذكار التطياح تاعها، بصح ليوم راهو خلاف ليوم راهو فارغ و راهو يبان بلي رح يجوز سامط.
دخل لليسي فشلان جاز عليهم كي لعادة رولو و دخل شد بلاصتو فالطابلة اللخرة، رفد عينيه برك كي شاف إسلام و ذوك زوج قوادين معاه خزر فيه بلامبالاة حتى شافو قعد في بلاصتو
ليوم مراهوش ڤاع فارغ شغل لحتى واحد حتى دك تصرا كحلة مع إسلام مراهوش رايح يقاوم راه كاره لأقصى درجة.
خمس دقايق مور مادخل هو دخل موراه إلياس للكلاصة
هو مع اللول تخلع و حسب روحو مزالو ينوم بيه و تطور الأمر حتى وين ولا يتخايلو بصح كي شاف إلياس بدا يهدر وعرف على روحو
تفكر بلي هو و خوه يخدمو هنا و إلياس يكون لبروف تاعو تاع الإسبانية،
عاود حس بشوية نشاط و لأول مرة يتبع حاجة باينة يتبع حتى الشرموطات لي جامي تبعو و ليوم فجأتاً راهم يتبعو و يشاركو
ماشي بنات برك حتى ذراري لي كانو يرقدو هاذ اللوقت دك راهم نايضين، و العفسة لي خلاتو يتقلق هو إلياس لي راه يضحك معاهم و يهدر معاهم نورمال و العفسة لي خلاتو يتقلق كثر هي معنبالوش علاه تقلق من اللول أصلاً بصح كاين شعور داخلي فيه
راه يقولو بلي هاذ التبسيمة لازم يشوفها غير هو و هاذ الصوت و لكلام لازم يكون موجه ليه حتى النظرات لام تكون غير ليه هو برك.
ماجاو يجوزو هاذوك الزوج سوايع إلا بطلوع الروح و منبعد ناض و رفد قشو باش يهبط يغسل وجهو و يرجع، كي كان هابط زاد تلاقا عبد الرزاق كي كان يهدر مع صحاب تاع السبور و هوما كي لهوايش ڤاع دايرين بيه و للمرة الزاوجة أمير يتقلق و حب يخنق عبد الرزاق خاطرش مالقاش وش يلبس لبس هاذ التريكو لمزير لي راهو يبين كلش فيه، تأفأف دخل للتولات - حاشاكم :) -
غسل وجهو و عدل خصلات شعرو و خرج لبرا و رد روحو مسمعش لمعايرات تاع الذراري لي موراه،
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
