شحال تعجبني روحي كي نحبسلكم في مقطع مهم و نخليكم تباتو الليل و نتوما تخممو
فواش راح يصرا :)
_:
الإثنين و الثلاثا جازو على أمير غبر كان
مايقدر ياكل مايقدر يرقد و كل دقيقة يقعد غايس ، أمين نتبهلو و سقساه وشبيك و أمير كذب عليه و جاب مليون حجة وحدوخرا بصح مابغاش يقولو الحق
محبش يتسرع منبعد يظهر بلي كان غالط.
ليوم لاربعا و كيما كان الحال دك هبط من دارهم و راهو يستنى في نهاد باش تجي عندو، و دك راهو متردد إذا يسقسيها باش يتأكد ولا لالا شغل حكماتو حشمة و فشلة في نفس الوقت،
رفد تيليفونو يكونيكتي حتى حس بكف لظهرو، و غير دار لقاها هي.
" تخرجي كي الجن وشبي طيزمك؟ "
نحرق الراصة تاع والديها يدها تحرق الله لاتربحها تهنيت منها و دك جاتني.
" حتى أنا توحشتك، صحا "
" متوحشتكش ياوجه الشر "
جاوبتها و شديت في كتفها، عندي عادة كي نكون نمشي معاها دايمن نشدها خاطرش ننسى روحي كي نكون نڤصر معاها و ساعات نتعكل و قريب نطيح لوكان متكونش شايدتني.
" معليه أنا نستاهل أنا الكلبة لي جيت نطل عليك ياوحد القحبة "
خزرت فيا و زعما لعبتها دراما كوين و تحسست من كلامي.
" لبروبلام تاعك ماشي تاعي "
قلتلكم كي نكون معاها ننسى كلش و نبدى نتفشش عليها
شغل هي يما.
" صحا سكتنا، دك وين راك باغي تروح؟ "
حبسنا في نص الطريق بعدما تفكرت بلي متفاهمناش وين نروحو
و خرجنا برك هكذاك.
" معنباليش، نتي حوسي "
ستنيتها جبدت تيليفونها و تخلعت كي لقيت أمين هو الخلفية تاعها يعني تحبو لهاذ الدرجة، خسارة فيه تكون عندو وحدة كيما نهاد.
" كاين بزاف بلايص نروحو لسطاوالي ولا لزرالدة ولا نطلعو لوهران ولا نديك لاغروند بوست نقعدو نستقهواو لتم؟ "
" راني عيان منبعدوش بزاف نروحو نشربو قهوة منبعد نتعشاو لتم باش نطلع للدار خاطر غدوة عندنا إستجواب تاع سيونس "
الله لاتربحو هذاك الشيخ يظل يديرلنا فالإستجوابات كايي ڤاع حفظتو علاجالو الحمد الله مابقاش بزاف و نتهنى منو.
" الشح تسما دك تروح تحفظ و أنا نقعد الشح فيك "
خزرت فيها بنص عين و هي ضحكتلي الضحكة الصفرا تاعها تقول نخبطها نعوقها بصح للأسف منقدرش.
" عندك باك و راكي تلعبي متهمكش قرايتك؟ "
صح أنا نلعب و نتمهبل و ندير تبهدايل بصح لازم نقرى كي مانقراش وش نروح ندير نروح نعطي و نمد ترمتي و لاكيفاه؟
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
