كاين غير أنا ولا كي نبدا
نكتب بارت جديد نحس روحي فرش
نحس بهاذاك الشعور تاع كي تاكل حلوة حارة و تزيد عليها ما شعور
الإنتعاش:_
جاز على النهار لي خرجوني فيه
ثلث أيام بصح للآن مزالني فرحان
هي صح عفسة بسيطة بصح حبيتها سورتو كي جات منهم هوما،
الثلاثا نقراو نص نهار هاذي عفسة باينة
كانت أخر حصة تاع سبانيول عند حبي إلياس
و ليت نمدلهم أسماء دلع
و شكلي بديت نتعلق فيهم صح عندي أفكار سلبية و كذا بصح راني متجاهلها لماكسيموم.
صونات و راحو خرجو هوما ڤاع بقيت
غير أنا و هو فلكلاصة هو كان قاعد فوق البيرو و حال رجليه و الله يبارك ذاك الشيء راه يبان من تحت السروال، تغاضيت على هاذ العفسة
و رفدت كرطابي و رحت لعندو
غير وصلت للبيرو جبدني ليه و دفن وجهو
في صدري، واشبيه؟؟! واقيل حسابتلو أنا طفلة و عندي بزازل؟؟!!
" راك عيان؟ "
تكيت على البيرو بترمتي و هو محظن خصري و دافن وجهو في صدري،
طلعت يدي
نلعب بخصلات شعرو و سقيتو كي شفتو طافي.
" شوية، أعطيني دقيقة برك "
نطق بنبرة شوية مخنوقة خاطرش كان غارس وجهو في صدري.
بقينا هكذاك واحد النص ساعة
الليسي ڤاع خرج راه فارغ يصفر
و ما استغربتش كيفاه ماجا حتى واحد يالوكان بالغالط خاطرش علابالي بلي راهو مهدد العساس و المراقبين، وليت نحس روحي عفسة كبيرة
حتى شيبة النار ذيك الخطرة و أجبرها تطلب السماح و هاذيك المراقبة الخانزة مبانش حسها.
و مرانيش مأمن بلي كاين عيباد يحبوني لهاذ الدرجة
و يقدرو يديروا علاجالي هكذا
قد ماندير منقدرش نرجعلهم كل هاذ الحب و الإهتمام بصح ذك لازم نعطيهم راي يا نكون معاهم
و نعترفلهم يا لالا خاطرش هوما باين حالهم
بقيت غير أنا لي معطيتلهمش جواب
و راني حاب نخبرهم فالوقت المناسب.
" متنساش تعيطلي كي قريب تكمل "
طلع راسو يخزر فيا و أنا بقيت نلعبلو بخصلات شعرو
شعرو بزاف رطب الله يبارك ماشي كيف تاعي
جاي شغل اجاكس.
" كيفاه علابالك بلي راني خارج؟ "
علابالي بلي سؤال غبي و من قوة غبائو يقدر يتحط
فموسوعة غينيس خاطرش باينة بلي علابالو
بصح كيفاه عرف معلاباليش و مرانيش حاب نعرف و نتعمق مناقصنيش وجع الراس
و زيد يعجبني هاذ الغموض و الإثارة تاع يعرفوا كلش عليا و يخمموا فيا.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
