رجعت بعدما شفت خمسطاش ألف رواية رعب و ترعيب للبشر
و قتل و تعذيب و إغتصاب و بيدوفيليا باش قررت نجي نكتب
و جاتني فكرة نروح نحوس على واحد لكتاب
كي نلقاه نديرلكم إينبوكسينغ ليه و نعطيكم أخر الآخبار من العالم السفلي ..عنبالي بلي هدرت بزاف بصح بلا قاعكم غير
تتحملوني :_
غير وصلت رجليا فشلو و وليت منضويش، لقيت غير واحد فيهم و كان قاعد فواحد الطحطاحة مور الجبانة و عاطيني بالظهر و ريحة الشراب دايرة حالة و لقرع ڤاع مزربعين قدامو و معرفتش إذا نقرب و لا نرجع للدار مدامني قريب،
حسيت روحي تسرعت و مكانش لازم نجي ديراكت دك معنباليش أصلاً وش راني رايح نقوللهم
الله لاتربحني مكانش لازم نتسرع،
معليه أمير أتشجع كونك راجل و أغتنم الفرصة
خاطرش دك يضيعو من بين يديك ملازمش نخلي شوية توتر ينيكلي حياتي.
كل مانمشي خطوة نرجع زوج حتى وصلت عندو حبست خمس دقايق تنفست فيهم باش مانبداش نتأتأ فالهدرة وحدي
و راحت وقفت قدام .
لقيت إلياس لتم و غير شافني عينيه توسعو من الخلعة كان رافد كاس تاع شراب في يدو رماه غير شافني وقفت لتم و جا وقف قدامي
لتم لساني أتعقد و معرفتش وش ندير كان يبان سكران و ماشي غير سكران برك عينيه راهم ذابلين و حمورة،
قعدت نخزر فيه وهو قعد غايس في وجهي و مقطعش التواصل البصري لي كان بيناتنا و لأول مرة نقدر نخزر في عينيه بلا مانحشم.
حسيت بيدو تحطت على خدي و قاعد يمسح بصباعو عليه
يدو دافية و كان شايدني غير بلاعقل.
" يالزبي، تبان تاع الصح "
سمعت صوتو الخامل و هو يضحك بشوية، راهي حسبتلو بلي راهو يتخايل فيا؟ منيته؟.
" شكون قالك لالا "
شفت كيفاه تبدلو الملامح تاوعو لوحدوخرين سيريو
و زاد حط يدو الدوزيام على خدي و زير عليهم و رفدلي وجهي شوية
" كي نتا تاع الصح وش جابك لهنا أصلاً؟ "
قاعد يهدر معايا شغل راه يهدر معا طفل صغير و أنا عينيا راهم
غير يخزرو في بلاصة و حدة مقدرتش نحي عيني عليها.
" جيت باش نقولك بلي عنبالي بلي نتا و مرزاق تحبوني و حبيت نقوللكم إيه راني قابل نكون معاكم "
" زدت أكدتلي بلي راني نتخايل "
زاد ضحك كثر و باسني من خدي، دك لازم نستحضر أمير القحبة خاطرش لوكان نبقى حشمان هكذا تتناك عليا،
شديت يديه لي كانو فوق خدودي نحيتهملو و في نفس الوقت قربت ليه كثر
أنت تقرأ
The Twins || BL
Akční" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
