يدي كلاتني مقدرتش منكتبش راني متحمسة حماس مو طبيعي
راني خليت كامل رواياتي لوخرين و لصقت فهاذي مي معليش باش تعرفو بلي نحبكم المهم نبداو:_
" أمير، يالقحبوشة نوض.. أمير حرك طيزك أزرب نوض "
كنت راقد في آمان الله طايح في سابع نومة لحتى سمعت صوت خويا أمين و هو يخبطلي في ظهري باش ينوضني، وكلت عليه ربي في قلبي قاطعني في منامي.
" متروحش تقود؟ خليني نرقد الله لاتربح زريعتك "
خرجت راسي من لمخدة وين كنت دافنو و هدرت معاه و أنا نشوف فيه بنص عين، خاطرش جني و جن واحد ينوضني.
" نوض ياوجه الطيز، راك روطار "
خبطني بصفعة حرقتني كثر ملي وجعتني و نضت ليه باش نهاوشو أيا لقيتو ديجا خرج من لبيت و يغوت ليما باش تفرغلو قهوة، طحان الله لاتربحو.
" يا زبي "
راني روطار راهي سبعة و نص و قتاش نلبس و قتاش نرهج نحرق زريعتو لوكان نوضني بكري لعطاي و دك لازم نجيب بيي
و نقابل ذيك لقحبة لمسطحة نحرق زبها حياتي.
لبست حوايجي ديراكت سروال كارغو و تريكو لقيتو فلخزانة معنباليش ڤاع كيفاه عامل و رفدت كورطابي لي فيه دوزان تاع لبارح يروحو يقودو كرهت من لقراية.
خرجت نجري برك كي لهجالة غير نجري باش نلحق النفس مرديتوش
لحتى وصلت لليسي و ين لقيت نهاد متكية على لحيط برا و تكونيكتي
رحت نجري عندها باينة مخلوهاش تدخل.
" علاه مدخلتيش؟ "
بسيف باش خرجت الهدرة طابزت و حطيت يدي على ركبتي عييت مقدرتش نوقف قاعد غير نجري و النفس راهو منقطعلي راني نلهث .
" نحرق طيز باباك عيطتلك خمسين خطرة باش تنوض
بصح نتا قاعدة تخمر فوق لبونك حتى عيطت لخوك هكذاك و راك روطار"
ضربتني بسبلطيحة لراسي دوختني يازح يدها تاع ماسون
كبيرة على يدي تقول ماطفلة ولد.
" عييت لبارح سهرت معاك و زدت سهرت موراك"
مرانيش راقد ڤاع من غير ساعة خاطر لبارح كي لقحبة أنا كنت سهران رغم أنه عنبالي بلي نقرى مي لالا عندي طيز في دماغي.
" قحبوشة، معليش امشي نروحو نسوطو من فوق السور ازرب"
هاذ الطفلة متعياش لبارح سهرت معايا بصح مزالها نشيطة منين تجيب هاذ الطاقة ڤاع معنباليش، واقيل فضائية؟؟
" بلاك تتكسر "
دارتلي كروشبيي و طلعتني فوق السور منبعد طلعت وقعدت لتم رميت كورطابي و مديتلها يدي باش نطلعها، يانمي شحال ثقيلة
هاذي ڤاع بسبب الماكلة لي تاكلها راهي كثر من رحيوة.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
