تحيا حياة لبلاير،
و لي معجبوش الحال يبدل بلاد
و مشو
نبداو:_
" نوضو ينوض جلدكم،ملي تنوضو و نتوما راقدين
عيباد دخلو بلاد و خرجو بلاد و نتوما راقدين"
جوايه التسعة و نص تاع صباح ناضت دليلة
كي العادة باش تطيب قهوة خاطرش ليوم عندها راحة، و حاجة باينة و كأي أي أم جزائرية
دخلت للبيوت تاع ولادها و بدات تحل فالتواقي
و تعاير فيهم و بفصيلتهم.
" ماما،علاه ديري فيا هكذا؟خليني نرقد راني ميت بلعيا"
أنا محبيتش نهدر تسما أمين هو لي جاوبها
و تاع الصح راه عيان ملبارح و هو سهران حتى لمور لفجر باش رقد و حاجة باينة كنت معاه
خاطرش كنت نحكيلو على وش صرا و كيفاه
خلاصت عليا برك أنا موالف السهرات و هو العكس
" شوف نوض دك نجي نعفس عليك،
لوكان لبارح مبقيتوش كي لكلاب سهرانين لوكان دك راكم نايضين "
نحات عليه لغطى و هو عاود رجعو رابيد يغطي بيه روحو،مكانش عريان بالصح الشورت لي كان لابسو يتشبه للبانتي تسما كان ڤاع يبان.
" يا عمري ترمومة وليدي بيضة،نوضي عميرتي متقعديش راقدة ماشي مليح "
لتم خريت بالضحك على الريأكشن تاع أمين مسكين تشوكا لي يجي يتحرش بيه
يما ساعات نحسها منفصمة.
"ماما،خليني عافاك "
وجهو ولا حمر شغل حشم هو ديجا واحد يمدحو تلقا وجهو طوماطيش تسما يما ڤعرتها
راني حابة نشوفو كي نهاد توشيه ياربي نكون حاضر.
" نوضو بركاو ملقوادة "
خرجت و خلات الباب محلول و أنا ديراكت خزرت فأمين لي رفد سروالو ملرض و لبسو تحت لغطى.
" خبيت الفيستا تاع عبد الرزاق؟"
لبارح ديت الفيستا تاع مرزاق معايا بصح الحمد الله ماما و البقية راحو ڤاع لدار إسلام من غير أمين لي طلع و هو لي فتحلي الباب.
نحيت لغطى تاعي و بانت الفيستا لي كنت معنقها
معايا و أنا راقد،عطاني أمين سايد آي و خرج من البيت و غلق الباب و راه و طفى الضو
الحمد الله يفهم بلا بيه نقدر نموت،
عاودت تلويت وحدي داخل لغطى شغل شرنقة
و عنقت الفيستا ليا كثر نشم فريحتو لي دوختني
ليوم راني فرحان بدون سبب هكذاك برك كي نضت نضت بمزاج معدول.
خرجت راسي من داخل لغطى
كي سمعت صوت التيليفون تاعي شكون ولا يعيط لقوادتي فصباح خلوني نتنعش ياربي.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
