نورمالمون تخلصوني على هاذ التقلاش لي راني
مقلشتكم بيه:_
نهار الجمعة صباح غير فطن امير ماكان مستوعب والو
لقى روحو بحوايجو و شعرو طالع فالسما
وقف من بلاصتو و هو يسي يعدل ذيك القفة لي راهي فوق راسو، حتى وقف في بلاصتو كي صراتلو لحظة إدراك بلي رقد لبارح عند إلياس، و إذا هو رقد عند إلياس تسما شكون طلعو للدار و حطو في بلاصتو.
فكر و زاد فكر و زاد فكر منبعد قال في قلبو و علاه رح يكون هو لي طلعني و وعلاه يعيي روحو و بالاك أنا نضت و مرانيش شافي،
"نخمم بترمتي"
سب روحو و قاعد يهبط من لمورال تاعو بروحو، شغل يجلد ذاتو بذاتو يقلل من قيمتو بروحو، و بالنسبة ليه هذا شيء عادي مالفة يتنمر على روحو بصح كان يدي الضرب من نهاد كي تسمعو و كاين غير هي و خوه أمين و محمد لي يفرحوه و يمدحوه كل دقيقة سورتو أمين.
رجع لبيتو بعدما كان رايح للكوزينة يرهج كي لعادة خاطرش هو يخمم غير فهاذ العفسة، و جبد حوايجو باش يدخل يدوش.
" أمين يالهجال، حرك ترمتك و روح أشري باش نطيب"
كنت نص راقد و نص نايض و العفسة لي لقيتها راني نرفد فيها
حتى زدمت سيرين للبيت مور ماخبطت الباب بكوتبي، يانمي خلعتني.
" وشبي يماك، معندكمش باب في داركم؟ "
الباس و طرطقاتو تقول عندها رجل تاع فيل.
" اسكت نتا، و دخل دوش راك خانز "
استغفر الله هاذ الطفلة تقول نخبطها بكف و لا بباب باش تتربى،وشمن خنز؟ كنت نتمرغ فالزبل باش نكون خانز.
" ترمتك لي خانزة، و اخرجي راني رايح نبدل"
بقات تخزر فيا و يدها على خصرها، متفهمش العربية و لا راهي تجياح.
" نتعرى قدامك؟ "
دك تقعد كي الصنم قدام الباب نعرفها الهجالة هاذي.
" لوكان شباب معليش، عامل كي شكوبي... متنساش تنوض الشكارة تاع الرقاد "
قودي ملبيت برك، دارنا هاماجيين كي يهدرو شغل راهم يضاربو ولا يعيطو صوتهم يوصل للخر تاع الحومة.
دخلت للدوش طولت شوية، خاطرش لبارح مدوشتش و أنا لوكان نصيب نولي حورية بحر ملي نوض و أنا فالماء،
لبست حوايجي داخل الدوش و خرجت باش نوض أمين،
" راهي تعيطلك ختك"
الحمد الله منعييش روحي باش ننوضو راهو ديجا ناض، وجهو منفخ مالرقاد و شعرو تقول ضرباتو تريسيتي لازم نصورو
" حسيتك راك تسب فيا، شحال راهي الساعة؟ "
رديت روحي نقرى فالساعة وهي أنا راني نصور فيه هذا مشهد ميتفوتش و لوكان نبعتهلوها لنهاد قادرة تفديني بحياتها، سلاح نخدم بيه ضدها.
أنت تقرأ
The Twins || BL
Aksiyon" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
