نحرق طيزباباه لي زاد عاش فهاذ لبلاد تاع الشكوبي
السخانة تقتل و الناموس داير حالة حتى لكليماتيزور و عيا
و غير نجي نكتب يجو يقعدو عند راسي
الله لاتربحهم ڤاع:_
لأول مرة في حياتو أمير ناض فرحان و الأهم من هذا ڤاع ناض وحدو ماشي هوما نوضوه،
فطن و راح دخل رمى لما على لحمو و خرج موجد روحو و لابس حوايجو
و خرج من بيتو و دخل للكوزينة.
" أعوذ بالله من الشيطان الرجيم "
شرقتلو لأمين القهوة و
أنا خزرت فيه بنص عين و سلمت على يما لي كانت حتى هي تخزر فيا مخلوعة.
" الناس يقولو صباح الخير"
جابوتو قعدت قدام يما و حطيت رجلي فوق الكرسي لازم نقعد معوج صينو نموت.
" مراكش مريض ولا أصبر نشوف "
قربت مني يما و حطت يدها على جبهتي و خدي باش تشوف إذا راني مريض ولا عندي حمى.
" يما، راني لاباس مابيا والو "
نحيتلها يدها و قعدت نخزر فيهم زعما زعفت و كذا
" خلاص خلوه، قولي نديرلك قهوة حليب ولا بالشوكولا؟ "
نطق ياسر ملهيه راه لابس طابلية تاع شغل و واقف قدام البوطاجي
شحال كيوت و شحال نحبو خويا محظوظ بيه.
" خليه ينوض يدير لعمرو نتا وليدي أقعد أشرب قهوتك "
دك هاذي يما ولا عدوتي، ماشي أنا وليدها؟
" لالا علاه يعي في روحو مافيها والو "
ياعمري غير هو لي يحس بيا و الله غير ناس ملاح،
عطيتلها هاذيك الخزرة تاع
im just boy
و قعدت نخزر في ظهر ياسر و هو يفرغلي فالقهوة.
"يما شكون هذا؟ "
سمعت صوت محمد مورانا منبعد درتلو غير براسي و شفتو كيفاه كان مخلوع، شحال يحبو يكونو دراما كوين وش فيها إذا نضت بكري
بصح وش ندير راه حاكمني حماس باش نروح ليسي.
" خوك البرهوش "
جاوباتو و قاعدة تشرب فلقهوة تاعها بعقلها.
" وشمن حمار مات؟ صباح الخير عمري "
بدا يهدر و يقرب جيهة ياسر و وقف موراه عطالو بوسة في خدو ڤاع سمعنا صوتها أنا عطيتلهم نظرة بومباستيكية و أمين ديجا لقيتو صور اللقطة معليه منبعد نغريه باش يبعتلي التصويرة.
" جابلي ربي راني قاعدة قدامك، لالا؟ "
خزرت فيه يما بنص عين و هو جا يسلم عليها و ياسر قرب مني حطلي الكاس تاع القهوة و شفت بلي وجهو راه حمر تقول كلون، خزرت في أمين و تبادلنا النظرات الخبيثة.
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
