بارت برعاية أغنية TXT
" LOSER LOVER "
مشو نبداو بصح كاين عفسة الحالة رح تبدى تتخلط و الشخصيات
دك يبداو يموتو تسما وجدو روحكم :)
_:
عنبالكم وش معنتها يمات و بابات نهاد يتلاقاو؟؟ الحرب تنوض
شغل كوريا الشمالية ضد روسيا هو يكرهها و هي تكرهو و ليوم تلاقو كيف كيف في دار وحدة تسما دك تتناك على نهاد، علابيها مبانتش نهار طول.
للمرة الدوزيام لبست بليغتي و هبطت نجري حتى لقيت روحي
قدام لبورطاي، كان محلول دخلت نجري و حتى الباب تاع دارهم كانت محلولة و غير دخلت النفس راحلي من هذاك المنظر لي قدامي.
أصبرو نولو شوية للور باش متتخلطلكمش
أمين غير خلى أمير يطلع للدار هو راح يجري لدار نهاد باش يشوف وش راه صاري، ليوم كامل مابانتش هاذي جامي دارتها
جامي فات نهار تاع جمعة و معيطتلوش صح بالعادة كي تعيطلو يرد عليها ببرود و ميتفاعلش معاه مي هي تبقى معاه و تڤصر معاه.
هو ماشي ميحبش يتفاعل معاها يحب و يسي يتفاعل و يڤصر معاها
بصح يخاف لوكان تلعب بيه،
حومة كومبلي لعبت بيها سوا بنات سوا ذراري مخلات حتى بنادم بحالو ڤاع طاحو فيها و منبعد خلاتهم.
دخل من الباب تاع البورطاي و منبعد غير وصل للباب تاع الدار سمع غير لعياط، كان راجع و قرر يعيطلها برك
بصح عاود ولا ماشاريار كي سمع صوتها و موراه خبيط.
" نحرق طيز بابك يالعطاية "
غير دخل مفهم والو حتى لقى نهاد جابداتو ليها معنقاتو و الزجاج مطرطق و طاير ڤاع فالأرض وهي صاداتو بظهرها.
" حق مانزل على محمد لوكان تقاس و لا كاش ماصرالو غير ننسى شكون نتي و روحك تطلع تتحاسب "
بقى يخزر غير في ظهرها لي راهو ڤاع يقطر بالدم، و هو بالأصل عندو فوبيا من الدم تسما غير شاف المنظر لونو ولا صفر رجليه مرفدوهش.
" مشي قودي نتي و باباك العطاي، غير روحي معاه و تناكي في دارهم"
يماها بدات تقرب منها و تعيط حلوقها خرجو
راهي الدار مڤلبة.
" تغلقي فمك ولا متغلقيهش، متقلقيش الزبي دك نكفر عليك "
يماها تعيط و هي تعيط و نهاد صوتها شوية خشين
و كي عيطت خلات أمين يقفز من بلاصتو.
" بنت قحبة "
هي غير قالت ذيك الكلمة رفدت يدها و كانت رايحة تخبط نهاد بكف
بصح وشمن كف و لي راهي واقفة قدامها تقدر تنفس عليها تتبخر.
غير شافت يدها قربت من خدها شدت يد يماها، و ماشي شدتها قيس ما تصد الضربة برك شدتها وزادت زيرت عليها
حتى قريب طرطقتلها العضمة تاعها.
أنت تقرأ
The Twins || BL
حركة (أكشن)" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
