شوفو شكون رجعت مذافاكرز،
بارت كتبتو و أنا سكرانة و معلاباليش ڤاع وش راني ندير تسما إذا معجبكمش دزو أمها و حافضو على مشاعري و
نبداو :_
تحطينا كامل فوق الطابلة يما فلمقدمة و أنا و أمين و ملاك فلكوتي و من الجيهة لوخرا كانت سيرين محمد و ياسر .
كنت نرهج و نخمم معلاباليش فوشنو بصح كنت نخمم مي العفسة لي خممت فيها كثرة هي
هاذوك الزوج،تجينيت كي غلقت التيليفون و مرديتش عليهم و علا ليميساج تاعهم
هي الحق من النهار لي شفتهم فيه و عينيا عليهم و عفسة إذا حبيتها واحد ماينحيهالي
و هوما عجبوني و حبيتهم
و تعجبني عقليتهم برك منحبش لي يعيط عليا
و عنبالي بلي قد ماراح نسيي منقدرش نحبسهم
من هاذ العفسة
بصح من حقي نزعف ديجا نورمال إذا مارديتش نقدر نقوللهم بلي كنت راقد عادي،تعتبر كذبة بيضة خاطرش أصلاً كنت راقد.
" يالهايشة دك نتا بنادم باينة بلي راح يثقبوه بالضرب"
خرجني من التخمام تاعي صوت أمين و هو يتهاوش
مع محمد معلاباليش علاه تسما
لازم نرمي وذني.
"نتا مقود،صاحبي و نعرفو بصبع واحد يمهطهم ڨاع"
"روح راك تنوم لوكان هكذاك لوكان راه
داه ليه من اللول ماشي يستنا حتى يروح يخطب و يتزوج منبعد يبدى يقود"
" وش راح يدير؟ياخ عنبالك بلي لافامي تاع ياسين يلڨو و ميقبلوش بلي ڤاي و نتا تعرف عصام
ميحبش عليه و ميحبش كي يديرلو لي بروبلام"
دخلت ملاك فالوسط و لتم بديت نفهم
هذا عصام هابل على ياسين يقتل علاجالو بصح
جاي شغل ميوت يقتل بصح واحد معنبالو كيفاه و وقتاه و شكون من غير محمد هاذي باينة.
خاطرش صاحبو و كانو كيف كيف فلعصابة
برك محمد خرج و عصام بقى،و بالنسبة للفامي تاع ياسين ماعندي مانقول عليهم من غير كلمة قحاب
جايين من هذاك النوع تاع ليفامي
لي عندهم دراهم زبل بصح متشددين قحاب و يتحكموا فيه هو بالذات معلاباليش علاه.
"بصح كان قادر يخطفوا زعما يخاف ولا كيفاه؟"
نطقت سيرين و أنا نرهج و نخزر فيهم برك،
مريض أنا واقيل باش نضيع الوقت فالڤصرة معاهم و نخلي لماكلة من يد أمين،محظوظة بيه نهاد
هاذيك القحبة لي بلعتها الأرض.
"نتي كولي برك،حسبتلك عفسة ساهلة"
" باينة"
" كولي و بلعي "
كانت رايحة ترد الهدرة لمحمد حتى سكتتهم
ملاك،ختي هوت و سيغما بكلمة سكتتهم برك
أنت تقرأ
The Twins || BL
Action" العيباد ڤاع قلبهم كي يولي يحب يحب بنادم، نورمال بنادم واحد برك مي أنا لالا أنا قلبي قرر يحب زوج توام مرنكين في دماغهم و عندهم الزمر في راسهم و ساعات نحب نخنقهم و نرميهم من التاقة ، بصح نعشقهم وش ندير" رواية باللهجة الجزائرية و فيها علاقة ثلاثية ع...
