ظـــلام گــهير

-- 04 --

.
وماذا عن الخيبة التي تعود بعد سنوات ؟؟
.
.
.
فضلاً لا تنسوااا التصويت
.
.
.
يسعدني حمااااسكم بين الفقرات
.
.
.
"غسق"
.

________________________________
غسق ....

بعد شوى من انفتح باب طلع شاب بدا عمره كأن بسن ١٧ او ١٨ هو هم تجمد بمكانه من وگع عيونه علينا ؛ ما حجا شي بس يباوع علينا من فوك لـيجوا  ... أني كسرت الصمت من گلت :

—- جبار بالبيت ؟؟

هو نطق كأن هسه استوعب اش گلت :
—- اي ابوية بالبيت بس منو انتي حتى اگوله عليج ...

لا إيرادي ابتسمت لكلامه من گلت هاي كلمة تصنم بمكانه اتسع عيونه عبالك ملك الموت اجى ...
— گول بناتك غسق وليل رجعوا ...

من گلت هيج بساع دخل للبيت بعد شوى طلع واحد اكبر منه امبين علي بنهاية ثلاثينات او اكثر عگد حاجبه اول ما وگع عيونه علينا گال :
—- أنتي غسق ؟؟

—- أي انا غسق ...

ضل شوى صافن بينا بعده انطانا مجال حتى ندخل جوا هو ما شال عيونه علينا من دخلنا للحوش مطر علية ذكريات الماضي رغم صغر سني من تركت هاي بيت بعدها نفس الحوش الچبير وطويله بصفحتها ع يسار حديقه چبيرة بـ احد اطرفها شجرة نخيل ..

صفنت بيها من تذكرت چنت اگعد ويا امي هنا ؛ بنفس وقت دائما جان اكو شخص لخ يگعد وياي بس ما اتذكر ملامحه ... اذكر من جان يلعب بشعري أو حتى من ياخذني يگعدني بحضنه ويشيلني ع ظهره يفرني بالحديقه صوت ضحكتي ويه يملى البيت ... عصرت راسي بس اذكر لمحه من شكله ما اجى شي ببالي ..

گعدت من صفنتي من وجه لية هذا الدخلنا البيت حتى ندخل جوا .. أول ما دخلت للاستقبال هي نفسها ما تغير شي منها غير الاثاث للجهة گدام من استقبال باب يدخل ع غرف الجوا ... هنا وجهت إله الحجي :
—- أنت ضارم ؟؟

ابتسم لي بـ استهزاء جاوب : أي أنا ضارم
نعم هذا هو اخوية الچبير وايدا اليمين لـ ابوية بكل شي يشبه جان نفس تقاسيم الوجه و غضب حتى الحجي ...

ليل لزمتني حيل من زندي من دخل عدّة نسوان لغرفه وحدة منهم شايله طفل صغير بحضنها ... گلت بداخلي  :
—- كن كبرى عائلته حتى احفاد صاير عنده لهل درجة هان علينا ...