ظـــلام گــهير

-- 21 --

الخيبة
.
.
.
التصويت لطفاً
.
.
.
يسعدني حماسكم بين الفقرات
.
.
.
__________________________________

سديم ....

رجعت غسق مرة لخ رجعت إلنا الروح ولو جنت متاكدة أن گهير مستحيل يتركها مع ذلك رجعتها جان مختلف ... من الصبح كلنا ملتمين حولها ما تركناها للحظة ... أول ما خرجت ليل من الغرفة حتى تگابل گرايبها ... گعدنا مع غسق وجانت وياها گريبتها تعرفت عليها جانت انثى كاملة بمعنى كلمة من جسم وطول من ملامحها واضح انها بمنتصف العشرين ولبسها الرسمية بعدها عرفت من غسق انها محامية ولله الاناقة جانت تتقطر منها ...

جانت غسق تحجيلنا عن إلي مرت بسجن بهاي ١٥ يوم .. كل شي طبعاً جان متوفر إلها .. حتى هي تضحك تگول عبالك جنت بـ اوتيل من ورى گهير ما خلى ينقص منها شي حتى إلي وياها بالغرفة فرحوا لان كل شي جان يصل إلها جانت تشاركها وياهم .. بس مع ذلك هي تكتمت عن الموضوع دخولها للسجن حسب ما وضحت أن گهير منعها تحجي شي .. بس هي گالت بيوم راح احجي كلشي صار وياي ...

هنا استأذنت منهم حتى ابدأ اسوي غدا لان الزلم كلهم جانوا بـ الاستقبال الضيوف من دخل أدم گال حضروا الغدا منتظرين ... بديت أني وحنين نسوي الغدا هي بدأت بترتيبات واني سويت الاكل طبعاً جنت محضرة كل شي من الصبح ؛ ما نسيت هم مرگة اليقطين بالشتاء احب اسويها اهوايه ..

بعد ساعه تحضر كل شي من دخل أدم ومهيب هما اخذوا الاكل للاستقبال ونحن صبينا إلنا بالمطبخ ... لحظت بهذا اليوم أن خلود مو هنا من سئالت حنين عليها هي گالت الصبح راحت بيت اهلها...

جنا بعدنا گاعدين ناكل من دخل أدم گال صبي بعد من مرگة اليقطين هو يضحك من كمل لان سمار مسوي عليها ازمة .. فز گلبي يعني هو هنا وياكل من اكلي فوگاها يعرف هذا المرگة أني بس اسويها .. حنين هي إلي گامت من مكانها وصبت إله .. اخذ الفراشات يلعب لعب بمعدتي .. لان هو هنا واكل مرة لخ من طبخي ..

بعد ما خلصنا من فترة الغدا ليل جانت بس منكمشة على نفسها اهوايه غسق تواصلت وياها اش بيها أو شنو صار وياها مع سيزار هي اكتفت بصمت ماگالت شي .. حتى نازدار هم استغربت لان اخوها تركها وراح بدون ما ياخذها وياه ؛ وجانت تحاول تتصل بي بس بدون فائدة .. من خرجت للحوش حتى تجي اتصال ع انفراد ..

گتلها لـ غسق أن تاخذها للغرفة اهناك راح ترتاح هي استجابت وياي من طلعوا أني هم أتجهت للمغسله حتى ابدأ اغسل مواعين و بنفس لحظة باوعت من الجام للحوش من وگعت عيوني على نازدار هي تحجي بالتليفون كأنها تگول شي موهم بسبب ملامحها الجدية ..

شوي غلقت تليفون و هي عدلت بوگفتها و تباوع على شخص إلي گدامها .. فز گلبي من سمار تقرب منها و وگف گبالها .. اخذت تحجي وياه وابتسامة مرسومة على وجها وسمار بنفس الوقت مندمج وياها بالحجي ..