ظـــلام گــهير

-- 08 --

— سمار —
.
يگول : صرت بيـچ أنسان ..
.
.
ردت عليّ : إشلون چنت قبلي ؟؟
.
.
حــطام ..
.
.

.
لا تنسوا التصويت لطفاً
.
.
يسعدني حماسكم بين الفقرات
.
.
.
"غسق"
______________________________

انشل حركتي .. من شفت ليل كن دخلت بحالتها إلا مو بوعيها هي تصرخ بصوت عالي ...

—-  بعد عنـــي لااااااااااا تلمسني لاااااا تلمسني لا تقترب مننننننننني بعدوووو عني ...

سرعت من خطواتي إلها احجي وياها حتى تنتبه لية أول ما لمستها دفعتني عنها هي تصرخ بية ..
ليل : لااااااااااااا تلمسني

عليت صوتي حتى بس تنتبه لنفسها :
—- ليل هااااي أنا غسق غسق دحگي علية بس دحگي فدوة ..

هي تبچي وتصيح .. بسرعه اخذتها بحضني بـ أول قاومتني هي تدفع بية بس گدرت اثبتها واخذها لحضني ... و اكرر حجي إلها هذا كابوس هذا كابوس ماكو شي حقيقي هذاَ كابوس ..

من انتبهت على نفسها شدت أيديها بقوى ع ظهري تريد تحجي تريد تصرخ بس من بچيها وشهگاتها ما جان يطلع صوتها وجسمها يرچف رچف .. سديم بسرعه گامت من مكانها دخلت للمطبخ حتى تجيبلها ماي ..

جنت بس اكرر حجي عليها أن هذاَ كابوس أنا وياج ماكو شي .. هي ترچف رچف بحضني .. صرت اقراء إلها آيات معوذات بس حتى تهدأ .. هنا من رجعت سديم وضعت ماي گدامي بگوى شربت شوى رجعت حضنتي حيل ..

دحگت بطرف الباب گهير وامه جانوا واگفين يدحكون بصمت سديم هم اخذت تقرأ إلها آيات حتى تهدأ... من شفت انفاسها انتظم صرت احجي وياها :
—- ماكو شي حبيبتي هذاَ جان كابوس ...

ما جاوبتني اكتفت بصمت ... سمعت صوت امهم هي دمدمت ويا نفسها بشي عرفت بيها ما عاجبها وضعنا هنا اندارت ورجعت لغرفتها ... بقى گهير على وجه علامات الاستفهام عيونه جان يشرح كل شي ؛ أن رجعتنا وراها سالفه وسالفه ابد مو بالزين ... بلعت ريگي بصعوبه تجنبت نظراته صرت امسح على شعر ليل ..

حجيت وياها :
—- ليل حبيبتي هاي كابوس مثل كل مرة ..

هى تگول بين أنفاسها الثگيلة :
—- ولله ولله شفته ووو اقترب مني حتى لمسني  مرة لخ