ظـــلام گــهير

-- 11 --

احياناً يكون الخيبات من صنع أيدينا
.
.
.

التصويت لطفاً
.
.
.
يسعدني حماسكم بين الفقرات
.
.
.
__________________________________
غسق ....

من گالت هاي الكلمة تصنمت بمكاني ... وگع الفون من ايدي اخذ كل اوصالي يرجف رجف اسودت الدنيا بعيوني ويتكرر صوتها باذني
—- سالم مات وانتي إلي طعنتي غسق ....

بعد لحظات من هي ما سمعت جوابي صارت تكرر حجيها :
—- غسق تسمعيني اتوسل بيج اسمعيني لازم تنتبهين على نفسج ...

بعد ماگدرت ابقى واگفه بمكاني گعدت اخذت فون وايدي يرجف رجف من حجيت بساع ومتكرر :
—- انا انا صح طعنته بس هو ما مات ما مات اشلون هيج صار ..

جوري : لعد اشلون صار هيچ الكل هنا متهميچ انچ موتي ؛ من رحتي بقى چم يوم بلمستشفى وراها اجالنا خبره أن مات .. لو شوفين خالتج اش صايرة بحالتها گطعت بنفسها وما وگفت البچي وعلى السانها بس الله ياخذچ ..

بعدت التليفون من اذني بديت ابچي وارجف احجي ويه نفسي :
—- ياربي شنو سويت شنو هل مصيبه إلي وگعت نفسي بيها ...
اخذت افكر ويا نفسي بخوف ورعب ؛ هسه سالم مات بس اشلون مستحيل يموت بهاي طعنا بل اخص جوري گالت بقى ايام بل مستشفى .. اكو سالفة لخ ورا موته متاكدة بس اشلون ؟؟؟

هنا گلت
—- اني مو خايفه على نفسي جوري ادري من البداية من سويت هذاَ شي مصيري هو السجن .. بس اختي ليل بعد ما شفت مكان مناسب لحتى أمن عليها ... ما ادري شي من حالي ولا اعرف شنو اسوي ...

جوري : غسق شوفي مكان انتي وهي اهربوا واني اشوف انسب حل الكم انكم تهربون خارج العراق .. انا اكولج جمال مو هذاك جمال القديم صاير اخرب من الاول ؛ هو بس يدور عليج وحتى جاي يراقب بيتنا واشگد ما بيج لا تخبرين اني اتواصل وياج من هذاَ الرقم لان احتمال رقمي الاول مراقب ...