ظـــلام گــهير

-- 27 --

وحيدي الابدي
.
.
.
التصويت لطفاً
.
.
.
يسعدني حماسكم بين الفقرات
.
.
.
_________________________________
بعد مرور سنتين...

ليل ...

أجمل شعور ممكن الانسان يصل إلها من تكتشف ذاتك واهميتك بهذا السنتين أنا مو بس گدرت اتخطى الماضي بل رممت نفسي من جديدة ؛ ادركت كل الاشياء إلا صار ويانا إلا لسبب هو نتواجد هنا ..

اشعر بنفسي حالياً كـ فراشة خفيفة قوية مكتفية بذاتي .. صحيح گدرت احقق حلمي إلي جنت أطمح اصل إلها دائماً .. حالياً طالبة صيدلاني بمرحلة أولى ..

طبعاً ما بقى شي لحتى تخلص هاي سنة وحالياً وصلنا للامتحانات النهائية ؛ اليوم هم مثل باقي الايام أول ما خلصت امتحان اتصلت على ابو خط حتى يجي و ارجع بساع للبيت ..

اكيد منتظرين تعرفون اذا أدم صار بمثل قسمي أو لا ... الصراحة ما انسى فضل أدم عليَّ هو ساعدني اهوايه بالدراسة جنا طول الوقت ندرس مع بعض لحتى دخّلنا الأمتحانات النهائية مع بعض ...

من أصعب مراحل مرّ بحياتي طبعاً ادم طلع مثل كلامه جان شاطر اهواية وذكي ؛ حتى هو انَطَوى على نفسه بسبب الصار وياهم بحيث هو شاف الحل الوحيد للهروب هو الدراسة من هذا گدر يحصل على معدل اكثر مني ..

ببداية أقنعناه حتى يدخل طب عام بس تفاجأت من دخل بنفس قسمي من گال تعودت ادرس وياج ... نعم صرنا بقسم واحد ونفس القاعه حتى مقاعد بصف بعض ... ما احجيلكم هم اشگد أدم محلوه تارك لحيته شوى يطول ويلتزم بالجيم كلشي به متخلف صاير يخبل .. منو ما يشوفنا مع بعض يتوقع ان نحن توأم باخص من يعرفون ان نحن اخوان ...

ولان كليتنا ببغداد فصعب جان علينا الروحا والجيه لان طريق طويل للقرية ؛ ضارم اصّر علينا نستقر عدهم بفترة الدراسة ومستحيل يرضى نكون بقسم داخلي واني من ناحيتي ارتاحيت اهوايه ...
گعدت من شرودي من گعدت صدقتي نورس بطرفي ..
نورس : هاااا جاوبتي

—- ليش من امتى ما مجاوبة ..

نورس : اااوف ليل اشلون المادة سهلة عليج ولله الليلة كلها ما نايمة

—- حبيبتي گتلج اي شي ما تعرفي اتواصلي وياي ندرس سوى ..

نورس : اخوج أدم ملتصق بيج ع روحا وجيه وين ادرس وياج .. صحيح وينه ما شفت اليوم ..