ظـــلام گــهير

-- 14 --

يقول : من أي قصيدة و أي أغنية جميلة
هربتِ منها حبيبتي ..

.
.
التصويت لطفاً
.
.
.
يسعدني حماسكم بين الفقرات
.
.
.
________________________________
غسق ...

هنا هي اقتربت مني حسيتها راح تهجم عليه من عصبيتها من گالت :
—- غلطتچ انچ رجعتي هنا غلطتچ انچ مخلية عينج على اشياء مو الج حتى يمكن غلطتج انچ ولدتي ...

رفعت ايدها بوجهي وعيونها يتواعدون شر وخبث من كملت حجيها وگالت جملتها : بس تخيلي شوى وياي حبيبتي .. أنا وگفت بوجه ابويه وعاندته .. واختاريت بكل سهوله هذيج الغرفه وتعذيب كل يومين تحملت الاهانه والذل حتى ما يجي يوم واتزوج بشخص غير گهير ... فقط تخيلي ممكن شنو اسوي بيج حتى بدون ما يرفلي جفن اذا حاولتي تاخذي مني ...

بكلامها المريضه خلتني اتراجع عنها بسرعه ليورى .. نعم نعم خفت منها اهوايه اول مرة بحياتي اشوف هيج انسانه تحجي عن التعذيب وراضية بيها لا فوگها هي إلي اختارت التعذيب بنفسها ...

هي ابتسمت هنا على ملامحي الخايفة من گالت :
—- هيچ اريدج انچ تخافين مني دائماً ؛ واحسبي احسابي قبل ما تخطى أي خطوة باتجاه گهير .. وخليها ببالج اذا اقتربتي من گهير شنو ممكن اسوي بيج لاني ببساطه ماعندي شي اخاف منها ...

بعدها تخطتني دخلت للغرفة امها بقت متصنمة بمكاني ومصدومة من تصرفاتها وحجيها وما مستوعبة شي .. بسرعه دخلت للغرفه وضعت صحن الفواگه يمهم توجهت لفراشي وكل اوصالي يرجف رجف من خوفي منها بس اريد ادفن نفسي ماريد اشوف احد او اسمع شي ...

واتذكر حجيها وياي هي مخليه عينها على گهير .. ياترى گهير يعرف هذا الشي لو لااا .. لازم اتاكد من هذا الشي .. دقيقه دقيقه بارحه من جنت احجي ويه علمود زواج هو جان يجاوبني ببرود يمكن علمودها  .. لا لا لا هو من البداية جان يعرض علية الزواج شنو هذا خومه اش صار ... صرت اتعارك ويا نفسي بسبب افكاري إلي جان ياخذني و يجيبني ...