7 صباحا. بغداد
صوت العصافير عالي حييل صوتهن يجنن وريحة الجوو تجنن جانت تمطر بليل
كعدت للدوام وكلي طاقه وحيويه. دخلت الحمام سبحت ووكفت كبال المرايا امشط شعري صاير نص ضهري واتوسل بماما تكصه الي رافضه باوعت لعيوني حلوه بس مكحلات من صغيره ماما كالت جنت اكحلهن الج. شكلي عادي مثل كل بنيه
بدلت نزلت جوه شفت ماما تسوي ريوك
ميار. صباح الخير ماما
ام ميار. صباح النور حبيبتي يله ماما تريكي بسرعه ترا تاخرتي
ميار. لا ماما بعد نص ساعه كافي وزياده
ام ميار. بنتي انتي سادس لازم تشدين حيلج وتقرين ماما اريد معدل يدخلج كليه زينه مياار بدون تسخييت
ميار. واني اعض اللفه اي ماما تدللين بس كتلج اريد اعيد السادس علمود اطلع طب عام وتفتخرين بيه بنتج دكتوره
ام ميار. وتباوع صفح لبتها. طب عام موو كومي من وجهي بسرعه الكسوله مافاتحه كتاب وتريد طب
ضحكت وحضنتها وبستها ندكت الباب رحت فتحته طلعت صديقتي ميسون حضنتها حيل واخذت الجنطه وصرنه نتمشئ المدرسه مو بعيده قريبه كلش وصلنه ودخلنه للمدرسه
جانت الدروس كثيفه وتعبنه كلش تطلع مدرسه وتدخل مدرسه وكل مدرسه تكول
المدرسه. علئ هذا مستواجن ولا وحده ادخلها وزاري
ميسون وهيه تشاور ميار
ميسون. اكلج هاي جمله شكد سمعناها
ميار. ضحكت وشافتني مدرسه
المدرسه. ميار بره بسرعه
طلعت واني متواعده لميسون. شوي وطلعت وكفختهاا. هيه تسيطر علئ ضحكتها الا اني فضيحه ماتنضم
ضلينه نمشي بالساحه واجن بنات يسلمن علينه اني اضحك واشاقه الا ميسون مغروره ماتجاوب
خلص الدوام ودانرجع للبيت اجا اخوو ميسون هذا بس فخفخه وسيارته ولبسه وعطره مخلي بنات المدرسه متخبلات عليه
وكف يم ميسون باوعلي من فوك نضارات
سيف. شلونج ميار وابتسامه الغرور عل وجهه
ميار. الحمدلله زينه
ميسون. ميار حبي تعالي نوصلج للبيت
ميار. لا عيني روحي احب اتمشئ
بوستها وراحت. صعد اخوها سياره غمزلي وشخط سياره ومشئ فكس لهل العيون
ضليت اتمشئ الجوو حلوو بي بروده نهاية الثاني
دخلت البيت بوست ماما وشفتها طابخه فاصوليا عشقي هل الاكله
بس اني لماما بابا مات بانفجار من جنت صغيره وبقيت اني لماما. عدنا عمامي بس كانما ماعدنا ماما ماتحب تختلط بيهم. عايشين علئ راتب بابا
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
