اسود بقلب ابيض

البارت واحد وعشرون

بسم الله

………

بعده الباب يندك واني اباوع لملهم كل حيلي باد ركض دفع القنفه وفتح الشباك اخذ مني يوسف ودخلني وانطاني يوسف وسده وخلا عليه القنفه حسيته دخل للغرفه مالتي اني ويوسف وشوي وطلع راح فتح الباب دخل سيف يصيح

سيف.  وينهاا هل سا .... اليوم اشرب من دمها ولج مياار طلعي

ملهم وهوه يتصنع النوم.  شبيك انت مخبل اكو واحد يدك الباب هيج ماتكول ناس نايمه ومنو هاي ميار

سيف.  لا اجذب وطلعها بسرعه لو يصير غير حجي 

ملهم. شطلع شبيك انت سكران وجاي تهد علينه اطلع لو اخبر الشرطه عليك

سيف. صديقك كلي زوجتي السابقه وابني جايين عندك طلعهم احسن الك خويه

ملهم. هاا تقصد لبنيه والولد اي صح جانت بالمطر واجت نامت بالغرفه للصبح كعدت مالكيتها واذا ماتصدك هذا البيت دوره كله واسئله لصديقي اذا عندي بيت غير هذا خل يوديك اله

حسيت سيف كعد علئ قنفه وصارت هدوء

سيف بهدوء. شلون هسه وين الكاها ماخذها ابني والفلوس والذهب. انت تدري حال ام يوسف يكسر الكلب تنام وتفز وتصيح يوسف

خليت ايدي علئ حلكي بصدمه ودموع صارت تنزل عزااا عرف ملهم راح ينطيني اله صخام صخمني حضنت يوسف حيل حسيته ضاج ويريد يبجي ركضت خليت اصبعي بحلكه يمص بي علمود لا يبجي ويفضحني

شوي وحجه ملهم ومبين بصوته الاستغراب

ملهم. يعني الطفل الخاطفته مو ابنها

سيف. لاا وين ابنها ماعدها اطفال وهذا ابن مرتي الاولئ وهيه من عرفت صار عند مرتي طفل تخبلت خطفته واخذت كل فلوسي والذهب كتله يابه انطيج حاضرج وغايبج وفلوس شكد ماتردين حتئ اسويلج بيت تسد الموبايل بوجهي وماترد تكلي اريد اكسر كلبك

ياربي شلون بيه ملهم بس لا يصدك ياعلي احضرني

سيف حسيت كام. شوف خويه هذا رقمي وبس تسمع عنها خبر تكلي والله كلب امه متكسر ومريضه وهيه يتيمه واني سمعت عنك يتيم بلكي تساعدني

ملهم. تدلل ابو يوسف لتريده يصير بس اشوفها اسلمها بيدك لا تشيل هم

سلم عليه وطلع سيف قفل الباب ملهم ودخل  صارت هدوء والخوف صار ياكل بكلبي حسيته وحش مو ذاك الامان الجنت احس بي ربع ساعه ماكو صوت اختنكت حيل شوي وحسيت القنفه ندفعت وفتح شباك وراح كعد علئ قنفه بصعوبه طلعت اني ويوسف باوعتله كاعد ومخلي ايده علئ راسه يفركه

ميار بصوت يرجف ودموعي بوجهي.  ملهم

ملهم وهوه يوكف بعصبيه وصوت عالي

ملهم. انعل اه... ملهم لابو الساعه الساعدتج بيها ولج تضحكين عليه وتكليلي ابني ولج انتي شنووو فريتي زلم مشوربه تخطفييين طفل من امه شنووو هل الكلب الشايلته