بسم الله
……………
طلعت للهول والباب بعده يندك قوي حجيت بصوت يرجف وكوه طلع الصوت حنجرتي تحجرت
ميار. منوو
اجاني صوت ملهم
ملهم. ولج فتحي الباب بسرعه بسرعه
ركضت فتحته دخل بسرعه يلهث وكصته كلها عرك
ميار بخوف. شبيك شصاير احجي فدوه
ملهم. ولج ليش ماكلتي زوجج سيف ال …………
ميار بخوف. ليش شبي شصاير وكعت كلبي ملهم
ملهم. هذا اكبر تاجر مخدرات اهنا ومحد يعرف بي لان محد عنده دليل بس السمعه وهسه جاي للمنطقه يسئل عنج وناشر صورتج وكاتب خطفت ابني ولفلوس وشردت واليعثر عليها اله كذا مبلغ
ميار ودموع تجمعت بعيوني. وهسه شراح نسوي عليك الله ساعدني يذبحني هذا والله ماعنده رحمه بكلبه
ملهم. وهوه يفتر لا تخافين ضلي اهنا وانا راح اشوف الوضع بره واجيج وهاج هذا الحليب ولحفاضات ليوسف
عافني وطلع ضليت الطم شراح يصير سيف ماراح يعوفني بحالي باوعت ليوسف الياكل بيده
ميار. يوسف شسوي كلي ابوك مراح يعوفني راح يذبحني يايمه شلون بيه
باوعلي وكال ببا
ميار. نعلا علئ ابوك الله لا يوفقه شلون ورطت روحي بي لو كاعده وساكته ماصار بيه هيج
بقيت الوب ويوسف صار يبجي عرفت جوعان ركضت سويت مميه وخليتها بحلكه وشلته افتر بي ويرضع
شوي وندك الباب ركضت فتحته دخل ملهم
ملهم. شوفي تذكرين حسان الشافج بلباب
ميار. اي صديقك شبي
شاك بي راح يوصل زوجج اهنا لان سئلني عنج كلي كرايبك راحت لو بعدها وهوه محتاج هيج مبلغ يعني بسهوله يجيبه
اختل توازني وركض لزمني واخذ يوسف مني
ملهم. الله الله شبيج بويه اهدي
ميار وهيه تبجي. راح يموتني شلون بيه ماراح يعوفني راح ينتقم مني انت ماتعرفه شنوو شيطان هذا
ملهم. وهوه يفكر وياي بعدها صفن عليه. كومي
ميار. وين اروح
وخرت عنه انطاني يوسف دفع قنفه وشال زوليه من الكاع وجوه زوليه مثل شباك رفع شباك حيل ونفتح وشفت جوه درج دخل كدامي ومدلي ايده اخذ مني يوسف ورجع لزم ايدي ودخلت ويا. جانت غرفه جبيره مصبوغه ونضيفه وبيها فراشات بس بوخه كلش وحاره راح شغل ضوه وصارت مضويه اكثر باوعتله
ميار. هاي شنو
ملهم. هاي غرفه سريه مسويها بالبيت محد يعرف بيها غير بس انا وانت ويوسف اذا عرفت زوجج جاي تركضين تدخلين بيها انتي وابنج
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
