بسم الله
…………
نزلت علئ درج واشوف نفس الولد التحجي ويا ميسون بالموبايل
ميار. ياا هذا حبيب ميسون اخوو حوراء هاالله هالله شلون اثنين
واكفه علئ درج وحوراء تبوس بي وتحضن بي كعدته بالهول
حوراء. اسعد يوم بحياتي والله اخويه سندي وحزام ضهري زار بيتي
غسان. يروح اخوج مشتاقلج ويبوس راسها وشايل خشمه
ام سيف. نورت البيت خاله من الصبح لسه حوراء وميسون يحضرن لجيتك
غسان. الله يسلمج خاله فدوه لعمرج انتي شلونج
ويباوع لميسون التارسه روحها مكياج والملابس الضيكه والشال بس هيج مخليته نص شعر طالع
غسان. شلونج ميسون اخبارج كبرانه وحليانه
ميسون بخجل وتفرك ايدها. الحمدلله انت شلونك نورتنا
ضحك بخفه بشوفتكم صرت بخير
وسلم علئ اخوان سيف وعلياء وبنين
نزلت داروح المطبخ والله عبالي مدري منو جاي طلع هل خفيف ايعع بس هوه حلوو حيل ونضيف بس كرهته اول ماشفته
غسان. هاي شنوو ماعرفتوني هاي منو لبنيه
وكفت جتفت ايدي واباوعله
حوراء بضحكه. ياا خويه هاي الخدامه مالتي جابها اليه سيف تساعدني بالبيت
غسان وهوه يحك لحيته. خدامه وهيج حلوه خويه متاكده خاف هاي ضرتج وضحك
ميسون. اي غسان هاي خدامتنه النه ومنين حلوه دشوف وجهه يلعب نفس يله ولج روحي للمطبخ حضري الاكل
ميار. هذا خطاركم وانتو لازم تقومون بالواجب ومبين عزيز عليج هم كومي انتي حركي روحج مو من صبح خابصتنه هسه صرتي مستحيه خطيه
كامت تفح من عصبيه وتسويلي بسيطه
عفتهم وطلعت للحديقه
شوي وسمعت صبو غده وياكلون تاكلون سم انشاء الله
كمت دخلت صبيت اكل وكعدت اكل شوي ودخل غسان يغسل
غسان. ليش اهنا يحلوه جان اجيتي بصفي تاكلين وشحده ليحجي وياج احميج بروحي
سكتت عنه
غسان. شنو الحلوو صار اخرس ادري بنفسي حلوو بس مو هيج فهيتي من شفتيني
كمت للكاونتر جريت سجينه وخليتها كباله هوه ابتعد بسرعه وخاف
ميار . قسم بالله اذا وصلت يمي او تقربت او سوييت اي شي اخلي هل سجينه بنص كلبك ولا عبالك اخااف اي شي ماعندي علمود اخسره بس انت تخسر حياتك فااهم حجيتها بصوت عالي
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
