بسم الله
……………
دك موبايلي سيف يتصل باوعت للاسم وباوعت لملهم
ملهم. هاا بويه منو
ميار. هذا سيف
ملهم. جاوبي
جاوبته حجه سيف بهدوء. خطيه الخوف يعدل
سيف. اكلج ميار ترا طولتي شوكت تجين تاخذين بيت ابوج ويرجع حقي كله
ميار. هل الاسبوع اجي اني والمحامي لان جان عنده شغل وماكدرنا نجي
سيف. هاا بس منو يجي وياج معقوله وحدج
ميار. محد بس اني والمحامي واحذرك للمره مليون ماتلعب وياي سيف
سيف. لا شلعب ترا محامي وياج يعني يسجني
ميار. عفيه
سيف. من تردين تجين اتصلي بيه
ميار. تمام
سديت الخط وباوعت لملهم بخوف
ميار. هذا هدوء سيف وراه شي اني اعرفه ملهم شلون بيه
ملهم. لا تخافين مايكدر يسوي شي يريد بس يخوفج صيري قويه بويه
سكتت واني مامقتنعه لان سيف جان هادئ ووراه هذا الهدوء عاصفه جبيره
ملهم بالم ويعوج بضهره. حبيبي راح انام ضهري موتني
ميار. ليش شبي شصاير
ملهم. عثرت ووكعت عليه
ميار. زين اجيبلك زيت الزيتون تخلي اله كلش زين
ملهم. اوك جيبي وتعالي للغرفه
خليت يوسف بالحجله ورحت جبته دخلت لكيته ذاب القميص وطالع ضهره وعضلاته دنكت وخليتها علئ ميز المرايا
ميار. هاي ملهم خلي منها
ملهم. شلون اخلي ترا مالوح ضهري تعالي بويه خليلي انتي
ميار بخجل. هاا
ملهم. يله عادي عوفيني اتوجع
ميار. لا لا اني اخليلك
تمدد علئ بطنه وسوالي مكان صعدت جربايه علئ كيف وخليت زيت بيدي ولزم ضهره فز بسرعه
ميار. شبيك هيج متوجع
ملهم بتعب. حيل لدرجه روحي راحت من لزمتج
رجعت ايدي وضليت امسح بضهره وهوه مغمض خلصت ووخرت ايدي
ملهم. رجعيها من انام طلعي
رجع افرك بضهره ربع ساعه وباوعت انفاسه ثكلت يعني نام كمت علئ كيف وطلعت لكيت يوسف صافن علئ طيور بيبي ويتحرك بالحجله
كعدت بالهول واباوع لايدي الجانت لازمه ضهره وابتسمت
للعصر وهوه ماكاعد للمغرب ودخلت اكعده لان مو زين نومة المغرب دخلت علئ كيف علئ نومته جان وكفت يم راسه
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
