اسود بقلب ابيض

البارت الثامن

بسم الله

........

رحت لمكان الصوت واني اشوف واسمع شي خلا جسمي يرجف يرجف خذلان وكسره

واني اشوف سيف حاضن لبنيه الشمرت بدلتي ويبوس بيها وهيه تبجي وبصفها ميسون تواسيها

حوراء.  سيف ماريد الفلوس سيف ارجعلي ماتحمل اشوفك انت وياها بغرفه وحده

  سيف وهوه حاضن وجهه بيده. يروح سيف انتي الاصل انت مرتي الاموت بيها وام ابني الراح يجي ولزم بطنها ودنك باس بطنها

حوراء. زين شلون شوكت تخلص الشغل وتطردها

   سيف.  حبيبتي حوراء كتلج صديقي تراهن وياي عليها ينطيني 30 مليون ولا تنسين عدها بيت ابوها سجلته امها باسمها بارقئ منطقه ببغداد وبهيج سعر تردين اعوفه الها لازم ناخذهن ونخليها خدامه جوه رجلج انتي مو تردين خدامه الج هاي اجت وحده ببلاش

حوراء. احلف بابنه ماتقربت الها سيف احلف حبيبي

سيف وايده علئ بطنها وداعت ابني ماتقربت الها

ميسون بضحكه. واني خويه شو نسيتني ترا اليه هم حصه

سيف وهوه يحضن ميسون.  يعمري انتي هم الج شعندي غيرجن لو مو انتي ماصار هيج وخليتي ميار تتزوجني

ضحكو بضحكه كلها شر وخبث. ضليت متنصمه ومخليه ايد بحلكي وابجي بخنكه

صعدت للغرفه علئ كيف ودخلت الحمام بجيت حيل واغسل بوجهي يربي ليش هيج يصير بيه شلون بيه هيج يصير بيه اني ماستاهل هل عذاب هم خذلان وهم خيانه وهم يردون ياخذون بيت ابويه وخدامه الهم اصير ماتحمل يربي ماتحمل سمعت صوت بالغرفه غسلت وجهي بسرعه ومسحته واهفي عليه باوعت بالمرايا عيوني دم حمر عدلت ملابسي فتحت الباب شفته كاعد يدخن علئ جربايه ويباوعلي

ميار بابتسامه.  هاا حبيبي وين جنت كعدت مالكيتك

سيف بشك.  نزلت جوه ادخن شبيها عيونج

ميار. دنكت ومتصنعه الحزن حلمت بماما وبجيت

سيف. وهوه ياخذ نفس من جكاره ويباوع بشك مامصدك كلامها. يله تعالي نامي

اجيت تمددت وتغطيت ونفسي لعبانه منه حيل ختنكت بس درت وجهي وضليت مغمضه شوي وحسيته حضني من وراه وباس خدي لعبت نفسي كلش واريد اتقيئ بس سكتت وضليت مغمضه لحد ماغفيت

ثاني يوم الصبح كعدت لكيته ماكو الله ياخذك يا سيف يربي كسرتي جبيره شسوي هسه

دخلت سبحت وبدلت ملابسي لبست فستان نيلي ولفيت الشال ونزلت صوت جهال اخوو وعركهم تارس البيت وامهاتهم تصيح وام سيف كالبه الدنيا بصياح البيت يلعب نفس وصخ كلش وجهال وصخه وشعر مكفش رحت كعدت يم ام سيف

ميار. صباح الخير خاله

ام سيف. هلا يله كومي تريكي وكومي للبيت ساعدي البنات