……………… بسم الله.
دخلت واني اشوف نسوان عمامي مكافش من شعر وصياح والعيط هاي كل مااجي الكاهن هيج مايصافن ابد ضليت واكفه اباوع عليهن
حمدت الله امي بعيده عليهن جان هيج سون بيها
شافني ووكفن عدلن روحهن مايردن اشوفهن بهيج منضر علمود ماسولف لامي.
عساس امي بحالهن
مرت احمد زينب. هاا ميار شوكت اجيتي شو مادكيتي الباب مو عيب
ميار. لو ادكه لبعد سنه ماتسمعنه علئ هذا صوتجن وين جدو وبيبي
زينب. ياا جنه نشاقه وشعليج انتي عافتني وراحت
خزرتني مريم. مرت عموو حسن ودخلت المطبخ
مخبلات والله ولا تكول وحده شكدها شكبرها
البيت فارغ جدو طالع وعمامي ماكو طبعا اذا موجودين مايكدرن يتنفسن
دخلت غرفة بيبي. بيبي سمعها قليل كلش
دخلت وهيه تباوع للتلفزيون ماتسمع بس عدها انتبه فوول
بست ايدها وراسها. شلونج بيبي
جده هيله. هلا يبعد كلبي هلا بريحة الغالي شلونج جده وين جنت اسبوعين ماشايفيج
ميار. بيبي عذريني دراسه واريد طب ماكدر اتحرك الكتاب اكلته كله
بيبي وهيه تضحك.
هيله. عفيه بنيتي اريدج دكتوره
ضحكت بصوت عالي وكفختني
ميار. بيبي هاي ماسمعتي الهوسه البره مال نسوان عمامي
هيله وهيه تخلي اذنها قريبه عليه. هاا بيبي شكلتي
ميار بصوت شوي عالي. بيبي نسوان عمامي الهن ساعه يتكافشن ماسمعتيهن
بيبي والابتسامه علئ وجهه.
الجده. يمكن هاي رحمه من ربج خلا سمعي ثكيل علمود راسي يرتاح منهن
خليت راسي بحضنها وابوس بديها
حيل احبها حبابه وفقيره وماتحب الضلم وتعشق احفادها واولادها حتئ عمامي عدهم امهم خط احمر
بقيت يمها بساعه. ودخل ابن عموو الجبير
ياسر. هلاوو اليوم منو يمنه ميار نورتي البيت
ميار. شكرا الك منور بهله
ياسر. وضحكته المستهتره بحلكه شكد غثيث ابو نسوان
شوي ودخل جدوو كمت حضنته حيل شلونك جدوو مشتاقتلك
باس راسي وجسمه يرجف والعكازه ساندته
جد علوان. هلا يبعد جدج وين هل غيبه ليش ماتجينه كطعتي علينه
ميار. جدوو والله دراسه تعبنه بيها اريد طب عام
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
