بسم الله
……………
فزيت بليل ساعه 3 الجو حار متت حر ماكو لا سبلت لا مبرده بس بنكه مخلين كتلني الحر كمت فتحت الشباك اباوع عليه الشارع ضلمه حيل والجو بي هواء بس حار
نزلت علئ كيف اريد اروح للحديقه مخنوكه وطار النوم مني رحت للمطبخ داشرب مي واسمع شخص بالحديقه يحجي طلعت علئ كيف وشفت سيف دايخ ويفرك بخشمه ويحجي اتصال ويه واحد
سيف. شبيك مؤيد كتلك هل الايام تطلع بضاعه لا تخبلني صار بالبيت ضروف وماكدرت يااخي
وذاك اسمعه بس يصيح وسيف دايخ يفرك بعيونه وساعه يفرك خشمه ياا هذا الخبل ماخذ مخدرات
جان بيدي جهازي فتحته واسمعه يكله
سيف. مؤيد شبيك كتلك بس هل الاسبوع وتطلع مخدرات شبيك كول للزعيم مايتاخرن ماتثقون بيه شكم مره سويتها
رجع ذاك مدري شكله ورد سيف عليه. لا لا ماشارب يله حبيبي اترخص منك وسده
سديت الجهاز وضحكت بشماته وكعت بيدي ياسيف اني اعلمك
دخل جوه وهوه يلزم بالحياطين واني صعدت فوك فتحت البصمه واني اسمعها واضحه ومبين شنو شغل سيف بسيطه استاذ سيف
نمت بفراشي وعفت شباك مفتوح واني افكر شراح اسوي
ثاني يوم الصبح فزيت علئ بجي يوسف غسلت وجهي ولبست شال ونزلت لكيت حوراء شايلته
حوراء. يا ماما ياحبيبي شبيك تبجي بس فهمني اووف يربي تعبت وماعرف شنو بي
ضليت اباوع عليه حسيته متاذي
وكفت كدامها وكتلها
ميار. انطينيا
حوراء. ميار مابيه حيلج روحي من وجهي احسلج
ميار. جيبي هذا ملابسه وصخه وجسمه يحكه
حوراء بحقد. هاج خل اشوف ست المربيه ميار شراح تسوي
شلته دخلت لغرفته نيمته بفراشه فتحت الكماط ونزعته حفاضته لكيته مسوي وجسمه الجوه احمر متت قهر عليه شلته دخلت الحمام سويت مي دافي بس بي شوي مي بارد وغسلته علئ كيف وضليت اذب مي حسيته ارتاح. نشفته وطلعت لبسته ملابس مريحه وخليت بودره لجسمه الجوه ولفيته بقماش خفيف ورحت سويتله حليب وشلته اشربه
ميار. حبيبي يوسف يروحي انت معذبين وليدي ليش هيج مسوين بيك يا ماما بست خدوده يخبلن ينطي شبه لابو حرامات لابو الحقير
شوي ونام خليته بجربايه وطلعت لكيت حوراء تخابر وتضحك ويا اخواتها شافتني
حوراء. هاا نام وليدي
اشرت براسي اي ودخلت للمطبخ لكيت علياء تغسل مواعين وبنين تطبخ سويت لفه اليه تريكت دخلت حوراء
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
