اسود بقلب ابيض

البارت اثنان وعشرون

بسم الله

............
كعدت ثاني يوم راسي ياذيني حيل ويوسف يم راسي مشتغل تلفزيون علئ طيور بيبي وبيده خياره يعض بيها عرفت هذا ملهم كمت للحمام غسلت وجهي اريد راسي يهدئ ماكو الوجع ينزل لعيوني اريد ابقئ مغمضه خلصت ولبست الشال وطلعت بصعوبه للمطبخ شلت الكلاص المي وكع مني بعدها ماحسيت بشي بس احس ملهم يضرب علئ وجهي ويصيح ميار وراها غمضت فزيت بالغرفه مالتي وكمادات علئ كصتي وملهم شايل يوسف وواكف فوك راسي باوعتله

ملهم. الحمدلله علئ سلامتج بويه شبيج شصار وياج

ميار بصعوبه. راسي يوجعني

ملهم. اي صخنتي كلش وكعتي كلوبنه عليج يوسف مكابلج ويبجي

باوعت ليوسف ليهز بروحه يريد يجيني

ميار. جيبه بصفي تعال حبيبي

خلا بصفي وزحف نام عليه حضنته وبست راسه وهوه يناغي مثل اليشكي

ميار. هاا يروحي عصبت عليه اسفه بس ماما مريضه وتعبانه وانت وليدي سندي

بسرعه كال مما بست حلكه حيل وحضنته لكلبي

شوي واخذه ملهم وطلع واني غطيت بالنوم لوين يله فزيت دنيا عصر راسي شوي صار زين بس دوخه بيه كمت علئ كيف طلعت للهول لكيت ملهم مكعد يوسف بحضنه ويشربه مميه ويوسف ضايج

شافوني يوسف بده يركص بهماس ويشيل ايده عود شيليني رحت شلته

ملهم. هسه شلون صرتي

ميار. زينه احسن من الصبح

ملهم. الحمدلله. راح اجيبلج الاكل اكلي وشربي علاج علمود تصحصحين اكثر

هزيت راسي وراح جاب كباب جنت ماحب الكباب بس من جوع حبيته سوالي لفات وينطيني اكل

ملهم. اذا تبقين هيج تاكلين مانخلص لباجر

ابتسمت بتعب وهوه هم حسيته ابتسم من لثام

ميار. ليش ماتنزع هل لثام

ملهم. من عمري 10 لابسه ومانزعه الا لمن اقفل باب غرفتي عليه

ميار. ليش شبي وجهك محروك لو بي عيب خلقي ليش تستحي منه كل احنه خلق الله

ملهم. لا مابي شي بس تعرضت للتنمر ولبسته وبعد تعودت عليه

ميار. اني مو سولفت الك قصتي هسه اجا دورك تسولفلي

ملهم. لا بويه عوفي قصتي وانتي تعبانه مادوخج

ميار. لا عليك الله مادوخ والله

تربع عدل وحجه

ملهم. انا ابن حرام امي سوت علاقه ويا ابويه وتركها لمن جابتني شمرتني يم مراه وهاي المراه جانت اجدي بيه وتضربني وتعذبني وتتنمر عليه وكله تصيح اليه العبد وراها شردت منها وضليت بشارع ابوك واكل اجت ناس اخذتني وذبتني بالميتم وكل هذا عمري 9 سنوات وتعرضت لانواع التنمر والكلام القاسي لان اسود بسواد الليل مو ذنبي امي سوت علاقه ويا شخص اسود واجيت اني دخلت ميتم صار عمري 10 جانت جهال تخاف مني وتشرد مني وام ميتم جانت تكلي كومي لا تكعد يمنه يخافون منك ومن يومها لبست لثام وهسه عمري 30 سنه محد شايف وجهي بس مرايتي و لصور الشفتيهن بكنتوري هذوله الجهال العشت وياهم بقيت بالميتم صح تاذيت من كلامهم بس احسن من شارع والحر والجوع صار عمري 15 طلعوني من ميتم كلولي روح بعد حير بنفسك انت كبرت طلعت للشارع اشتغل ويا شخص بس جان شغله مو قانوني خطف ناس وياخذ فلوس منهم جان يخطف وياخذ لفلوس يدزني يكلي اكتلهم واني اخذهم اشردهم ولا مره كتلت واحد من عرف بيه اشردهم عذبني وطردني واشتغلت ويه ناس يبيعون سلاح وصرت اشتغل وياهم لمن كدرت اوكف علئ حيلي واشتريت هل بيت بطلت منهم وهسه اشتغل ويه حسان بمعمل سمنت هاي قصة ملهم كلها