اسود بقلب ابيض

البارت السابع عشر

بسم الله

……………

بااوعتله بصدمه وهجمت عليه بعصبيه

ميار. بعصبيه وحركه انطيني الورقه الله لا يوفقك لا تحرك كلبي هذا بيت ابويه انطيني سييف حرام عليك بداعت ابنك سيف لا تسوي هيج

دفعني وطلع بجيت حيل ولطمت علئ وجهي ويين اروح وين اولي جدو مايريدني محد يريدني عزاا بعيني راح بيت ابويه صرت رسمي خدامه صرخت حيل وافتر بالغرفه ركضت لميز لمرايا شلت العطر شمرته علئ مرايا وكعت الغراض منه ضربت الكنتور وكل هذا اني اصرخ واعيط واجر بشعري ياربي شلون بيه

دخلت بنين وعلياء مصدومات حضنني ركض

بنين. ولج شبيج شكوو اسم الله شصاير

ضربت وجهي واصرخ بكل قوتي ويوخرن ايدي من وجهي ويحضنني ضحك عليه وكل ضني اصفي اموري واروح لبيت ابويه اكعد بي واكمل دراستي ولا اعيش بذلة احد ولجن ضحك عليه يايمه لحكيلي

ميار. ولج بيت ابويه اخذه ولج راحت ريحة امي داموت والله ساعدني ياربي الله لايوفقك سيف الله يحرك كلبك يارب

وحده باوعت لوجهه الثانيه وسكتن بس يهدن بيه يردني ارتاح واني نار تسعر بكلبي شيبردها نضحك عليه شلون وثقت بي

ميار وتبجي بحركه. ولجن شردت من بيت عمامي علمود بيت ابويه علمود يبقئ اليه ماعفت سيف ولا عفت بيته خفت من الشارع خفت من الوحوش طلعت عايشه بنص وحش وين اروح جدوو يكول بشارع خل تنام امداني شسويت بروحي لو نايمه بشارع ولا صاير هيج بيه وضربت وجهي حيل

جرت ايدي علياء حضنتني وبجت وياي

بنين.  اهدي حبيبتي موتي روحج يعمري

ميار. خل اموت بلكي صدك اموت وارتاح

دخلت حوراء تخصرت

حوراء. سم ماتسكتين شماخذ منج هوه بيت وترا هذا كله حقه صارلج سنه تاكلين ببيته سدي حلكج وسكتي وكومي للشغل بسرعه لا اكتلج واطيح حظج سا.... شلون تصيح الخدامه

ماجاوبتها واني بعدني بنوبة البجي وادك علئ رجلي وانوح بصوت عالي

وكفت يمي دفرتني برجلها

حوراء.  مو داحجي وياج لو تغلسين حضرتج

صار شكوو شيطان براسي وكفت جريت شعرها بقوه ونيمتها بالكاع نمت عليها اجر بشعرها واضرب براسها واركعه حيل بالكاع بكل قوتي و بصريخ وبنين وعلياء اثنينهن يجرن بيه
وماعفتها واني اضرب وماحس الا نشاليت بقوه ونشمرت بعيد

شفت سيف واكف بعصبيه ويتنفس سريع تقدم عليه

سيف وهوه يجر شعري. تضربين تاج راسج ولج اكسرها لايدج وعلي وضربني راشدي قوي

ميار وتباوع بعيونه.  وعلي الحلفت بي الا اندمك ياسيف الا اخليك تمشي وترجف

سيف.  تخسين زلم مشوربه مارجفتني ارجف منج