بسم الله.
……………
ثاني يوم الصبح كعدت كلي طاقه دخلت الحمام سبحت وبدلت ولفيت شال ونزلت خاف موجود ياسر
نزلت شفتهم يتريكون كعدت يمهم واكل وفرحنه حبيت لمتهم وضحكت وياهم وللحضه تمنيت ابقئ وياهم وابطل زواج من سيف
حجه عموو احمد
احمد. عموو ميار بيت ابوج شراح تسوين بي
ميار. اعوفه عموو مابيعه اتركه مثل ماهوه
احمد بصوت بي عصبيه. المن مخليته يجي رجلج ياخذه علئ حاضر انطي النا اني وزينب نكعد بي
باوعت لجدوو شديحجي هذا
الجد. احمد بويه كافي بيت ابوها ماتقبل احد يلعب بي
احمد. بس هذا بيت اخويه والنا الحق بي يعجبج يعجبج مايعجبج ضربي راسج بالحايط
كمت وكفت بعصبيه وحركه. بيت ابويه ماابيعه بيت الربيته بي ماابيعه ولا انطي الك لو تموت مابقئ شي بس هل بيت وبي ريحة امي
كام جر شعري وضربني راشدي منوو يموت ولج
ريحة امج موو احركج انتي وامج والله
جدو. بصعوبه دفعه وصار يتعارك ويه
وحسن يدافع لاخوو واحمد يصرخ بكل صوته وكل كلامه ماخلي البيت لرجلها
بديت ارجف وابجي بصوت عالي
زينب لزمت ايدي وعصرتها
زينب. اهدي حبيبتي بيت ابوج الج مانريده
راحت يم عموو لزمت ايده وتهدي
زينب. احمد مانريده احمد لا تحرك كلبها يتيمه ديربالك امشي للغرفه شجاك كافي
عافنه عموو وهوه يخنزر ويتواعد اليه.
عفتهم وصعدت للغرفه صارت ملجأي وابجي واصيح واعيط ودشداشة امي بوجهي
يماا مانطي البيت بي ريحتج بي غراضج التعبتي بيهن هذا تعبج يبعد عيوني ونضرهن بجيت بصوت عالي واني ابوس بدشداشتها واشمها
اتصل جهازي. سيف يتصل جاوبته بتعب
سيف. يروحي شلونج ليش من اتصل ماتجاوبين
ميار. سيف شوي تعبانه وصارت مشاكل بالبيت وسولفت اله
سيف. هااا عندج بيت اهلج لا حبي لا تنطينه خل يولون هذا من اهلج ولو اني ماخليج معتازه شي بس هم يبقئ البيت الربيتي بي
ميار. اي سيف ماكدر انطي بس تعبت عموو احمد دائما يلمح اليه حيل واني مابيه حيل ادافع وبجيت
سيف. اكلج ميار. خل نتزوج اعرف الوضع مو مناسب هسه بس لازم تخلصين من عمج اخاف يسوي شي ويروح بيت اهلج. الغرفه كامله وكلشي محضرين نسوي بس عرس بدون حنه لان انتي حزينه. ووراه ماخذج لبيتي نعقد محكمه لان سالفة المحكمه اطول شتكولين حبيبي
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
