اسود بقلب ابيض

البارت الخامس

بسم الله …………

صارت زينب مرت عمو كبالي وصرخت بصوت عالي الحكولي

وكفت بسرعه اباوع شبيها ووكف عموو الفلاح بصفي مفزوع

الفلاح.  شبيج عموو شصاير

زينب. الحكلي احمد ويين عموو يجي يشوف شصاير ببيته

نصدمت.

ميار. خير شصاير ماتحجين المن تصرخين

طلع عموو احمد وحسن يركضون.

احمد. شصاير زينب شبيج

حسن. شنوو هل صوت شبيج عليمن تصيحين

زينب. تعالوو شوفو شنو شفت بعيوني شي شكبره

احمد بعصبيه. غير تحجي

زينب. بحقد شفت ميار كاعده بحضن الفلاح ويبوس بخدها

فتحت عيوني وشهكت

ميار. عزاا بعينج ويين بحضنه كاعده بعيد ويسولف اليه علئ بابا ليش تجذبين

احمد. لا يا سا... ولج ويا رجال بكد جدج صدك ماتستحين تقدم عليه وكف الفلاح كدامه

الفلاح. صدك بويه احمد صدك تحجي انت كل عقلك

احمد. وهوه يدفع الفلاح وجر شعري حيل وضربني راشدي اجوو جدو دفعه

الجد بعصبيه.  منو كلك تمد ايدك عليها

احمد. اسمع بويه اسمع من زينب شكالت شسوي ويا فلاح

الجد يباوع لزينب شصاير شنو شفتي

زينب.  وهيه تلزم بطنها. يا عموو وداعت ابني الوحيد الحصلته بعد تعب سنين شفتها بحضنه ويبوس خدها وهيه تضحك

صرخت بصوت عالي. الله لا يوفقج انشاءالله الله يحرك كلبي يارب ولج وييين بحضنه

وكفت بصف جدوو لزمت ايد ودفعني. لاا جدوو وروح ماما جذابه مستحيل اسوي هيج دفعني

الجد.  صعدي لغرفتج

وعافني وراح عموو حسن تفل بالكاع ودخل واحمد جر شعري ودخل للبيت شمرني باالكاع ودفرني كمت وصعدت غرفتي قفلتها

لطمت وبجيت وصرخت

ميار.  ولج يمااا تعالي وين رحتي يماا طول عمري بحضنج عزيزه ومايمسني هواء هسه يحجون بشرفي

ضربت وجهي فرفحت روحي وماتبرد نار كلبي

ركضت طلعت دشداشة امي حضنتها وبستها يماا عزيزة كلبي يماا هيج نذليت من بعدج يروحي انتي ابوس بالدشداشه وابجي

غفيت لوين واسمع ونت جهازي فتحته طلع ياسر يتصل

رديت

ياسر.  ولج ميار مو هيج تاذين نفسج كافي يروحي تعبتي

ميار. ياسر تعبت محد ديرحمني داموت قهر اني وبجيت قوي

ياسر.  اني يمج يبعد ياسر واهلها بس هل الشهر واجي اخطبج وترتاحين