بسم الله
…………
سمعت صوت حوراء تصيح بصوت عالي الحكوني
كام مني سيف بفزعه ونزل ركض كمت بتعب ودوخه من جربايه دخلت الحمام اغسل بدم كصتي واشهك بصوت عالي باوعت للمرايا كصتي بيها شخط طلعت شكيت شالي ولفيت كصتي وبدلت ملابسي ولبست الشال طلعت علئ كيف لكيت بنين كاعده بالهول رحت الها
ميار. شنو هل صوت بنين شكو
بنين. حوراء طلكت وهسه اخذها سيف وعمتي.
بنين. شبي وجهج ولج هذا سيف هيج ضربج
باوعتلها ودموع بعيوني
ميار. طول عمري عزيزة امي مافديوم احد اذاني بنص كلمة لو غلط بحقي جنت اخذ القوه من امي راحت امي ونذليت بجيت بصوت عالي
بنين وهيه تحضن ميار. يروحي الله يساعدج والله ادري شي صعب بس شسوين بعد صارت اتقبلي الوضع وكسبي سيف بلكي يصير زين وياج
ابتسمت الها واني بكلبي حقد وانتقام الا اندمك ياسيف
كمت صعدت فوك تمددت بالفراش وبعد تفكير وتعب غفيت
فزيت علئ صوت هلاهل اباوع ساعه 9 شكوو منو عرس لبست الشال ونزلت ركض شفت سيف حاضن حوراء ويساعدها علمود تمشي وبيد عمتي طفل صغير حيل
تقربت الهم
ميار. مبروك يتربئ بعزكم
حوراء. الله يبارك بيج اجيت اكلج يوم الج بس خطيه منين يجي ههه
نقهرت حيل بس مابينت الهم الطفل ضلت عيوني عليه جنت اتمنئ عندي اخ او اخت العب وياهم واشيلهم من اشوف طفل صغير بيد امه جنت ابجي اكل لامي اريد منه
كعدت بصف عمتي اباوعله شالته عمتي وخلته بحضني
ام سيف. هاج ميار بدليله ملابسه راح انام اني
حوراء. رايحه انام بدليله ليوسف وجيبي بغرفتنه يله سيف صعدني حبيبي
سيف وهوه يشيل حوراء ويصعد فوك
باوعت لطفل صغير كلش شلته علئ كلبي وحضنته صعدته لغرفتي خليته بجربايه ونزلت ركض للهول لكيت جنطة الطفل بالكاع شلتها وصعدت اله شفته مسوي علئ نفسه نضفته من جوه ولبسته حفاضه وكمطته اعرف اكمط امي علمتني من جنت صغيره جنت اكمط لعابات
شلته علئ كيف خليته بحضني وصافنه بي ماشلت عيوني منه من جماله
خليته بجربايه ونمت بصفه لوين وحسيت يمي احد رفعت راسي شفت سيف يشيل يوسف
سيف. مو كنالج جيبي شعنده طفل يمج
ماجاوبته ودرت وجهي ضربني بضهري وطلع. الله يكسر ايدك
كمت نزلت جوه جوعانه دخلت شفت بنين تسوي غده كعدت يمها وجهال تتصايح
ميار. بنين جوعانه شنو سويتي غده
أنت تقرأ
اسود بقلب ابيض
Romanceيتيمة الابوين عاشت بذل وكسره تراهنو عليها لاكن قوتها سحقتهم جميعا حتئ عادت اقوئ من ذالك وياتيها العوض من الله علئ هيأة شخص # اسود بقلب ابيض
