للغَيم قدرها

الجزء 18

حتى الوردة البيضاء لها ضل اسود 🌚¢

للغيم قدرها ⭐🦅

للكاتبة :- زهرة آل جبر ✨🤍

_____________

غَيـــــــــــــم

صحيت فتحت عيوني كوه اشوف غواش كدرت اميز هاي غرفة بس ما اكدر اشوف شي واضح
سمعت صوت زينة يمي

زينة ، غيم غيم فدوه احجي جاي تسمعيني
ماكدرت ارد عليه هزيت راسي عيوني شوية بداية اشوف عدل حاولت اكعد احس جسمي كله مكسر بالگوة كدرت اكعد شفت ايدي بيها كانيولا ومغذي
طلعت زينة بسرعة تصيح امها وغيث

زينة. ، امي وغيث كاعدين بالصالة كدام الغرفة
امي كلش حالتها تعبت من البجي والقهر عليهم
يمه كعدت غيم
غيث كام بسرعة
غيث ، زينة اخذي غسق واطلعي للحديقة
زينة ، هي وينها الحية الله لا يوفقها
غيث ،اشش لا تحجين والله الا اخذ حقهم من عيونها بس اصبريلي
احلام ، تلكينها راحت للحمام

غيم ، كعدت ردت اشيل الكانيولا من ايدي بس جسمي كله يرجف فلتته غلط وايدي انترست دم

دخل غيث. للغرفة وقفل الباب بس حتى ما فكرت ليش كل تفكيري هسه اهلي وين شصار عليهم

غيث ، شنوو هااي شمسوية بيدج
كض ايدي ومسح الدم بلكلينكس سحبت ايدي بسرعة
غيم ، صوتي يرجف و دموعي ما اسيطر عليها وين اهلي
غيث ، جيبي ايدج خلص دمج
غيم ، سيدي احجي اهلللي وين شصارلهم احجي
وخر عيونه من عيوني وحجه
غيث ، البقية بحياتج
غيم ، صرت اضحك وابجي بهسترية شتحجي انت
غيث ، اسف والله اسف ما كدرت الحك علييهم
غيم ،، اهلي مابيهم شي مستحيل ما بيهم شي جاي تشاقة مو ؟؟! تضحك عليه انت تحب تضوجني بس باوع بعيوني والله مو مال تشاقة هيج شقة گلبي راح يوكف

خالتي سمعتني احجي اجت بسرعة دكت الباب كام فتحلها الباب ورجع قفله )( عرفت بعدين جان يقفل الباب خاف اسمع صوت غسق واكوم اموتها حتى المسدس مالتي ماخذه عنده ))

احلام ، شبكتني وتحجي يمه الله يساعد گلبج والله حقج
غيم ، خالة اهلي مابيهم شي والله متاكدة لو اهلي اتاذوا جان حسيت
سيدي فدوه اتاكد خاف طالعين من السطح اسال خاف بغرفة جوه مقفولة عليهم
غيث ، البيت كله احترك مابقى ذرة بي سالمة سالنه الكل وشفنه كامرات الجوارين ما طالعين

من سمعته انهارت اعصابي حسيت نفسي سجاجين بگلبي تذبح بيه
خالتي تهدي بيه وهو واكف يم راسي ومدنك بس يعتذر وكانما هو السبب
غيم ، باوعت علي كتله وينها وينها
غيث ، كومي خل نروح لبيت علي منتظرج
غيم ، كلي وينها وينها كله بسببك انت الجبته انت اهلي بسببك ماتوا
غيث ، حجه بصوت مخنوك ادري والله ادري
احلام ، غيث اطلع ويمه كومي خل ابدلج اخوانج وخواتج كلهم هناك لازم انروح
غيث ، يمه عوفيها تتاذى اكثر اذا راحت
غيم ، لا اروح اروح بس والله اذا ما انطيتي غسق اموتها بيدي والله الخلقك احسبني اكبر عدو الك
طلع بدون ما يحجي حرف اني بدلت لبست اسود وطلعت اجت زينة شبكتني وتبجي هي الوحيدة الصرت احس نفسي مو بغربة يمها طلعنه اني وخالتي هي كعدت كدام واني وره وغيث بعده بالبيت